मंत्रिमंडळ
भारत-कोरिया दरम्यान पर्यटन क्षेत्रात सहकार्य वाढवण्याबाबतच्या सामंजस्य कराराला केंद्रीय मंत्रिमंडळाची मान्यता
Posted On:
01 NOV 2018 12:37PM by PIB Mumbai
नवी दिल्ली, 1 नोव्हेंबर 2018
पंतप्रधान नरेंद्र मोदी यांच्या अध्यक्षतेखाली झालेल्या केंद्रीय मंत्रिमंडळाच्या बैठकीत पर्यटन क्षेत्रात सहकार्य वाढवण्यासाठी भारत आणि कोरिया दरम्यानच्या सामंजस्य कराराला आज मान्यता देण्यात आली.
या सामंजस्य करण्याची वैशिष्ट्ये पुढीलप्रमाणे –
- पर्यटन क्षेत्रात द्विपक्षीय सहकार्याचा विस्तार
- पर्यटनाशी संबंधित माहिती आणि आकडेवारीचे वाढते आदान-प्रदान
- हॉटेल्स आणि सहल व्यावसायिकांसहित पर्यटन क्षेत्राशी सर्व संबंधितांमधील सहकार्याला प्रोत्साहन देणे
- मनुष्यबळ विकास क्षेत्रातल्या सहकार्यासाठी आदान-प्रदान कार्यक्रम स्थापन करणे
- पर्यटन आणि आदरातिथ्य क्षेत्रातल्या गुंतवणुकीला चालना देणे
- दोन्ही देशातल्या पर्यटनात वाढ होण्यासाठी सहल आयोजक/माध्यमे/यांच्यताल्य भेटींचे आदान-प्रदान
- पर्यटन स्थळांचा विकास आणि व्यवस्थापन, पर्यटन स्थळांना चालना या क्षेत्रात अनुभवांचे देवाण-घेवाण
- दोन्ही देशांमधल्या पर्यटन जत्रा/प्रदर्शन या मधल्या सहभागासाठी चालना देणे
- सुरक्षित, आदरणीय, शाश्वत पर्यटनाला चालना
पार्श्वभूमी
भारत आणि कोरिया दरम्यान मजबूत आणि दीर्घ राजनैतिक आणि आर्थिक संबंध आहेत. पर्यटनाला चालना देण्यासाठी आता उभय देशांमध्ये सहकार्य मजबूत करण्याची इच्छा आहे.
N.Sapre/J.Patankar/P.Kor
(Release ID: 1551469)
Visitor Counter : 89