പ്രധാനമന്ത്രി ശ്രീ. നരേന്ദ്ര മോദി ഇന്ന് ജാർഖണ്ഡിലെ റാഞ്ചിയിൽ  ആരോഗ്യ ഇൻഷുറൻസ്  പദ്ധതിയായ -ആയുഷ്മാൻ ഭാരത്-പ്രധാനമന്ത്രി ജന ആരോഗ്യ യോജന ഉദ്ഘാനം ചെയ്തു.

ഒരു വമ്പിച്ച പൊതുയോഗത്തിൽ പി എം ജെ എ വൈ   ഉദ്‌ഘാടനം ചെയ്യാൻ വേദിയിൽ എത്തുന്നതിന്  മുൻപ് പ്രധാനമന്ത്രി പദ്ധതിയെ കുറിച്ചുള്ള ഒരു പ്രദർശനം സന്ദർശിച്ചു.
അതേ  ചടങ്ങിൽ വച്ച് പ്രധാനമന്ത്രി ചൈബാസ , കോഡെർമ എന്നീ മെഡിക്കൽ കോളേജുകളുടെ തറക്കൽറ്റു കൊടുള്ള ഫലകവും അനാവരണം ചെയ്തു . 10 ആരോഗ്യ സൗഖ്യ കേന്ദ്രങ്ങളുടെ ഉദ്‌ഘാടനവും അദ്ദേഹം നിർവ്വഹിച്ചു .

തദവസരത്തിൽ സംസാരിക്കവെ , സമൂഹത്തിലെ  പാവപ്പെട്ടവരിൽ പാവപ്പെട്ടവർക്കും , അവശ ജനവിഭാഗങ്ങൾക്കും മെച്ചപ്പെട്ട ആരോഗ്യ പരിചരണവും , ചികിത്സയും ലഭ്യമാക്കുക എന്ന ഉദ്ദേശ്യത്തോടെയാണ് ഈ പദ്ധതി കൊണ്ട് വന്നിട്ടുള്ളതെന്ന്  പ്രധാനമന്ത്രി പറഞ്ഞു. ഓരോ കുടുംബത്തിനും പ്രതിവർഷം 5 ലക്ഷം രൂപയുടെ ആരോഗ്യ പരിരക്ഷ ഉറപ്പാക്കുന്ന 50 കോടി ജനങ്ങൾക്ക് പ്രയോജനപ്പെടുന്ന  ഈ  പദ്ധതി ലോകത്തെ തന്നെ ഏറ്റവും വലിയ ഇൻഷുറൻസ് പദ്ധതിയാണെന്നു അദ്ദേഹം പറഞ്ഞു. ഈ പദ്ധതിയുടെ മൊത്തം ഗുണഭോക്താക്കളുടെ എണ്ണം  ഏകദേശം യൂറോപ്യൻ യൂണിയന്റെ    ജനസംഖ്യയ്യ്‌ക്കോ  അല്ലെങ്കിൽ  അമേരിക്ക, കാനഡ, മെക്സിക്കോ  എന്നീ രാജ്യങ്ങളുടെ മൊത്തം ജനസംഖ്യയ്യ്‌ക്കോ  തുല്യമാണെന്ന് അദ്ദേഹം ചൂണ്ടിക്കാട്ടി.
ആയുഷ്മാൻ ഭാരത്തിന്റെ ആദ്യ ഭാഗം - ആരോഗ്യ , സൗഖ്യ കേന്ദ്രങ്ങൾ ഉദ്‌ഘാടനം ചെയ്തത് ബാബ സാഹേബ് അംബേദ്ക്കറുടെ ജന്മ വാര്ഷികത്തിനും , രണ്ടാം ഭാഗമായ ആരോഗ്യ ഇൻഷുറൻസ് പദ്ധതി ദീനദയാൽ ഉപാധ്യായയുടെ ജന്മ വാർഷികത്തിന് രണ്ടു ദിവസം മുൻപുമാണെന്ന്  പ്രധാനമന്ത്രി പറഞ്ഞു.
പി എം ജെ എ വൈ എത്ര സമഗ്രമാണെന്ന്  വിവരിച് കൊണ്ട് , അത്  കാൻസർ , ഹൃദ്രോഗം തുടങ്ങിയ ഗുരുതര രോഗങ്ങൾ ഉൾപ്പെടെ 1300 രോഗങ്ങൾക്ക് പ്രയോജനപ്പെടുമെന്ന് പ്രധാനമന്ത്രി വ്യക്തമാക്കി. സ്വകാര്യ ആശുപത്രികളും ഈ പദ്ധതിയുടെ ഭാഗമായിരിക്കുമെന്ന്  അദ്ദേഹം പറഞ്ഞു.

5  ലക്ഷം രൂപയെന്ന തുക  എല്ലാ പരിശോധനകളും , മരുന്നുകളും , ആശുപത്രിയിൽ കിടക്കുന്നതിന് മുൻപുള്ള ചെലവുകൾ  മുതലായവ ഉൾപ്പെടും. ഈ പദ്ധതിയെ കുറിച്ച് കൂടുതൽ അറിയാൻ ജനങ്ങൾക്ക്
14555 എന്ന നമ്പർ ഡയല് ചെയ്യുകയോ അല്ലെങ്കിൽ അടുത്തുള്ള പൊതു സേവന കേന്ദ്രത്തിൽ നിന്നോ ലഭ്യമാകും .
പി എം ജെ എ വൈയുടെ ഭാഗമായ സംസ്ഥാനങ്ങളിലെ ജനങ്ങൾക്ക്  അവർ ഏതു സംസ്ഥാനത്തു് പോയാലും ഈ പദ്ധതിയുടെ പ്രയോജനം ലഭിക്കും. ഇത് വരെ രാജ്യത്തു് അങ്ങോളമിങ്ങോളം പതിമൂവായിരത്തിലധികം ആശുപത്രികൾ  ഈ പദ്ധതിയിൽ ചേർന്ന് കഴിഞ്ഞു.

ഇന്ന് ഉദ്‌ഘാടനം ചെയ്ത  10 ആരോഗ്യ സൗഖ്യ കേന്ദ്രങ്ങളെക്കുറിച്ചും പ്രധാനമന്ത്രി സംസാരിച്ചു. ഇത്തരം കേന്ദ്രങ്ങളുടെ എണ്ണം രാജ്യത്തു് 2300 ആയതായി അദ്ദേഹം പറഞ്ഞു. രാജ്യത്തു് അടുത്ത നാല് വർഷത്തിനകം ഇത്തരം 1. 5 ലക്ഷം കേന്ദ്രങ്ങൾ  സ്ഥാപിക്കുകയാണ് ലക്ഷ്യമെന്ന് അദ്ദേഹം പറഞ്ഞു.
 
രാജ്യത്തെ ആരോഗ്യ രംഗം മെച്ചപ്പെടുത്താനുള്ള സമഗ്ര സമീപനത്തിനാണ് കേന്ദ്ര  ഗവണ്മെന്റ് ശ്രമിക്കുന്നതെന്ന്  പ്രധാനമന്ത്രി പറഞ്ഞു. താങ്ങാവുന്ന ആരോഗ്യ പരിചരണത്തിനും , പ്രതിരോധ പരിചരണത്തിനും ഒരു പോലെ പ്രാധാന്യമാണ് ഗോവെർന്മെമുണ്ട് നൽകുന്നതെന്ന് അദ്ദേഹം വ്യക്തമാക്കി.

പി എം ജെ എ വൈ  യിൽ ഉൾപ്പെട്ടിട്ടുള്ള എല്ലാവരുടെയും ശ്രമഫലമായും , ഡോക്ടർമാർ, നേഴ്സ്  മാർ , ആരോഗ്യസേവന ദാതാക്കൾ , ആശാ , എ എൻ എം വർക്കർമാർ മുതലായവരുടെ സമർപ്പണബോധവും വഴി ഈ പദ്ധതി ഒരു വാൻ വിജയമാകുമെന്ന് പ്രധാനമന്ത്രി പറഞ്ഞു.