نئی دہلی،  14 جون  ۔ وزیر اعظم نریند ر مودی  کی    صدارت میں ہونے والے مرکزی کابینہ  کے اجلاس میں  ، راجیہ سبھی میں زری التوا   نالندہ یونیورسٹی   (ترمیمی ) بل  2013   کو واپس لئے جانے کی تجویز کو منظوری دے دی گئی ۔

          واضح ہوکہ   نائندہ یونیورسٹی    ،اکتوبر  2009  میں    تھائی لینڈ میں   اہتمام کئے جانے والے  چوتھے  مشرقی ایشیا سربراہ اجلاس   کے   مشترکہ   اخباری بیان کی بنیاد  پر    قائم کی گئی تھی ۔اس مشترکہ اخباری بیان میں  اس یونیورسٹی کو ایک غیر سرکاری    غیر منافع  بخش ،  سیکولر   اور خود  انتظا می                                                                                                   بین الاقوامی ادارے کے طور پر  قائم کئے جانے کی حمایت کی گئی تھی ۔اس کے نتیجے میں    پارلیمنٹ میں    25  نومبر  2010  کو نالندہ یونیورسٹی ایکٹ  2010  کی منظوری کے بعد قائم کی گئی تھی ۔

           مذکورہ تجویز   راجیہ سبھا میں    نالندہ یونیورسٹی  (ترمیمی  ) بل  2013        واپس لئے  جانے  کے مقصد سے  پیش کی گئی ہے ۔  یہ بل   نالندہ یونیورسٹی  ایکٹ  2010   کے بعد موجودہ ضابطوں  میں   ترمیم  کی غرض  سے  26  اگست  2013  کو راجیہ سبھا میں  پیش کیا گیا تھا۔ علاوہ ازیں اس میں   بعض  نئے  ضابطے  شامل کئے جانے  کی  تجویز  بھی اس بل میں   شامل تھی ۔

گورننگ بورڈ آف نالندہ یونیورسٹی ،نالندہ یونیورسٹی  ایکٹ  2010کی دفعہ سات کے نفاذ کے بعد  قا ئم کیا گیا تھا ۔اس بورڈ نے  صدر جمہوریہ ہند

منظوری سے  21  نومبر    2016 سے کام کرنا شروع کردیا ہے ۔  اس ترمیمی بل کو   حتمی شکل دئے جانے سے قبل  موجودہ گورننگ بورڈ آف نالندہ  یونیورسٹی   سے    گفتگو کی جانی ضروری ہے ۔  یہ گفتگو  مذکورہ بالا  مجوزہ ترمیم      پیش کئے جانے سے قبل کی جانی چاہئے ۔مزید برآں  نالندہ  یونیورسٹی  کا موجودہ گورننگ بورڈ   2010  کے  پورے مسودے کا  ازسرنوجائزہ لے سکتا ہے  اور اس پر غوروخوض  کرسکتا ہے اور جہاں جہاں ضروری ہو،  ترمیم کئے جانے کی تجویز  بھی  پیش کرسکتا ہے ۔

          اس یونیورسٹی  میں تدریس کا افتتاح  وزیر خارجہ محترمہ سشما  سوراج نے   ستمبر  2014  میں  کیا تھا ۔ صدر جمہوریہ ہند   اس یونیورسٹی کے   وزیٹر ہیں  ۔ چانسلر وپروفیسر  ڈاکٹر وجے   بھاٹکر    اور  پروفیسر   سنینا سنگھ  ا س یونیورسٹی کی وائس چانسلر ہیں  ۔سردست اس یونیورسٹی کے تین  مطالعاتی اسکولوں میں   116   طلبا زیر تعلیم ہیں  ۔   ان مطالعاتی اسکولوں میں    مطالعہ تاریخ  ،    ماحولیاتی مطالعے کا اسکول  یعنی اسکول آف ایکولوجی   اور  اسکول  آف  بدھشٹ اسٹڈیز شامل ہیں ۔  یونیورسٹی کے  116  زیر تعلیم  طلبا میں   21  ملکوں کے  35   بین الاقوامی طلبا بھی شامل ہیں ۔

۰۰۰۰۰۰۰۰۰۰۰۰۰۰۰۰۰۰۰۰۰

م ن ۔س ش ۔رم

U-3088