প্রধানমন্ত্রীগী লোইশঙ
azadi ka amrit mahotsav

প্রধান মন্ত্রীনা ৱেয়েল্সকী মখোয়গী রোয়েল হায়নেসশিং, রাজকুমার অমসুং রাজকুমারিগা উনখ্রে


মালেমগী অকোয়বগী ফিভমদা থেংনরিবা শীংনবশিংগীদমক ইন্নোবেতিব সোলুসনশিং পুথোক্নবা আর্থশোৎ প্রাইজনা হোৎনরিবশিং অদু প্রধান মন্ত্রীনা থাগৎখি

মখোয়না ভারত-য়ু.কে. কম্প্রিহেন্সিব স্ত্রেতেজিক পার্তনরশিপ হেন্না মপাঙ্গল কনখৎহন্নবা ৱাফমশিংসু খন্নখি

থাগৎখিবা: 18 NOV 2026 9:02PM by PIB Imphal

প্রধান মন্ত্রী শ্রী নরেন্দ্র মোদীনা নবেম্বর ১৮, ২০২৬তা নই দিল্লীদা ৱেয়েল্সকী মখোয়গী রোয়েল হায়নেসশিং, রাজকুমার অমসুং রাজকুমারিগা উনখ্রে।

ভারত-য়ু.কে. ভিজন ২০৩৫না লমজিংদুনা অমসুং ২০২৬গী জুলাইদা ভারত-য়ু.কে. কম্প্রিহেন্সিব ইকোনোমিক অমসুং ত্রেদ এগ্রীমেন্ত (সি.ই.তি.এ.) চৎনবা হৌদুনা পাঙ্গল কনখৎখিবগা লোয়ননা ভারত-য়ু.কে.গী বাইলেতরেলগী মরীশিং হেনগৎলক্লিবা খোঙজেল অদু প্রধান মন্ত্রীনা তরাম্না ওকখি।

মরুওইবা অকোয়বগী ফিভমগী শীংনবশিং থেংননবা অনৌবা পাম্বৈশিং পুথোকপদা আর্থশোৎ প্রাইজনা হোৎনরিবা অদু প্রধান মন্ত্রীনা থাগৎখি। মহাক্না ২০২৬কী নবেম্বর ১৭তা মুম্বাইদা পাংথোকখিবা আর্থশোৎ প্রাইজ এৱার্দ য়াওনা মালেমগী অকোয়বগী ফিভমদা থেংনরিবা শীংনবশিং কোকহন্নবা হোৎনবদা ভারতকী ইন্নোবেতরশিং অমসুং মখোয়না শরুক তম্লিবশিং মশক খঙবিবগীদমক থাগৎপা ফোংদোকখি।

মীফম অসিনা দিফেন্স, হেল্থ, এজুকেসন, ফিন-তেক অমসুং পিপল-তু-পিপলগী মরীশিংদা মতেং পীনবা য়াওনা ভারত-য়ু.কে. কম্প্রিহেন্সিব স্ত্রেতেজিক পার্তনরশিপ মখা তানা মপাঙ্গল কনখৎহন্নবা ৱাখল্লোনশিং ফোংদোক্নবগী খুদোংচাবাসু পীখি।

প্রধান মন্ত্রীনা হিস মেজেস্তী নিংথৌ চার্লস III অমসুং প্রধান মন্ত্রী এন্দী বর্নহামদা মহাক্কী য়াইফ-পাউজেলসু পীখি।

***


(রিলিজ আই.দি.: 2338277) ভিজিতর কাউন্তর : 5
রিলিজ অসি মসিদা পাবীয়ু: हिन्दी , English , Urdu , Marathi , Bengali , Punjabi , Gujarati , Tamil , Kannada , Malayalam