থাগৎখিবা:
17 NOV 2026 4:13PM by PIB Imphal
প্রধান মন্ত্রী শ্রী নরেন্দ্র মোদীনা ঙসি মনিলাদা পাঙথোকপা ২১শুবা ইস্ত এসিয়া সম্মিত (EAS)তা ৱা ঙাঙখ্রে।
খুদোংথিবা অমসুং মুক্নবা লৈরিবা হৌজিক্কী মতম অসিদা, শান্তি পুরক্নবা হোৎনরিবা থবক পুম্নমক্তা শৌগৎনবগীদমক ৱারী শানবা, অমনা অমবু ইকায়খুম্নবা অমসুং মতেং পীনবগী তঙাইফদবা লৈ হায়বসি প্রধান মন্ত্রীনা ফোঙদোকখি। অপনবা লৈতবা, অরোন অথুপ লৈতবা, মীপুম খুদিংমক য়াওবা অমসুং কাঙলোন্দা য়ুম্ফম ওইবা ইন্দো-পেসিফিক অমগী ৱাফম থম্লদুনা, EASনা মালেমগী ফম্পাক্তা শান্তি, তংদু-লৈতাবা অমসুং মাঙজৌননা খঙবা ঙম্বগী ফীভম পুরকপদা মতেঙ পাংগদবনি হায়না প্রধান মন্ত্রীনা অচেৎপা ৱাফম থমখি।
মালেম শিনবা থুংনা চীঞ্জাক, থাউ অমসুং হারগী সেক্যুরিতীদা খুদোংথিবা অমসুং মুক্নবনা পীরিবা চৈথেং অদু মহাক্না অখন্ননা পনখি। মালেমগী ঈশিংগী লম্বীশিংদা লেপ্পা লৈতনা তার্গেৎ তৌনরিবা ললোন-ইতিক্কী জহাজশিং অমসুং হিহোন্মীশিংগী শাফবা অমসুং সেক্যুরিতী শিন-লাঙনবা মহাক্না মখা তানা ফোঙদোকখি। য়ুক্রেন অমসুং ৱেস্ত এসিয়াদা চত্থরিবা মুক্নবশিং অসি শান্তি ওইবা মওংদা ৱারোইশিন পুরক্নবা মাইকৈদা হোৎনরিবা থবক পুম্নমক্তা ভারতনা শৌগৎলি হায়না প্রধান মন্ত্রীনা ফোঙদোকখি।
শান্তি পাম্বা খুন্নাইশিংদা তেরোরিজম্না পীরিবা খুদোংথিবশিং অদু মহাক্না ময়েক শেংনা তাকখি।
EAS প্লেতফোর্ম শিনবা থুংনা মতেং পীনবা মপাঙ্গল কনখৎহন্নবগীদমক, প্রধান মন্ত্রীনা মখাগী ৱাফমশিং অসি হৌদোকখি:
১) পুন্না ত্রেনিং পীবা অমসুং খুদক্কী ওইবা মতেঙ পাংবদা খুৎশম্নদুনা থবক তৌনবগীদমক সীফ্যারর্স সেফতী ইনিসিয়েতিভ পায়খৎপা।
২) ওনলাইন ফ্রোদ অমসুং সাইবরক্রাইমগুম্বা ঙমখৈ লান্না চত্থবা ক্রাইমশিংদগী থোরক্লিবা অনৌবা মতমগী খুদোংথিবশিং থেংননবগীদমক নেসনেল ফোরেন্সিক সাইন্স য়ুনিভর্সিতীদা EAS সাইবর ক্রাইম কনফরেন্স পাঙথোকপা।
৩) লোথালদা EAS মেরিতাইম হেরিতেজ ফেস্তিবেল পাঙথোকপা।
৪) EAS লৈবাকশিংগা লোয়ননা হেন্না চাউবা মওংদা একাদমিক ওইবা মতেং পীননবা নালন্দাদা EAS য়ুনিভর্সিতী কনক্লেভ পাঙথোকপা।
সম্মিত অসি মায় পাক্না শিন-লাঙবগীদমক প্রধান মন্ত্রীনা ফিলিপিন্স রিপব্লিক্কী প্রেসিদেন্ত ঐচ.ই. ফর্দিনান্দ আর. মার্কোসকী মফমদা নুংঙাইবা ফোঙদোকখি।
প্রধান মন্ত্রীগী মপুং ওইবা ৱারোল অদু [লিঙ্ক] অসিদা য়েংবা য়াগনি।
*****