‘এভরগ্রীন রোমান্তিক হিরো’ প্রেম নজিরগী তুং কোইনা লৈহৌরবা লিগেসীদগী হৌরগা অনৌবা মীরোলগী ফিল্মমেকরশিংগী হৌজিক মতমগী ৱারী লীবগী মওং ফাওবদা, ৫৭শুবা ইন্তরনেসনেল ফিল্ম ফেস্তিবেল ওফ ইন্দিয়া (IFFI) না গোৱাদা মলয়ালম সিনেমাগী ইনাক খুনবা অমসুং তোঙান-তোঙানবা মখলশিংগী মতিক অদু মীৎয়েং থমদুনা পুরক্লি।
মলয়ালী সিনেমা নুংশিজবশিংগীদমক অখন্নবা পুক্নিং চিংশিনফম অমা ওইগদৌরিবসি শক্নাইরবা মলয়ালম এক্তর প্রেম নজিরগা মরী লৈনবা ফিল্ম অমা ওইরিবা তুলাভারম য়াওবা চহি চাম শুবগী থৌরমশিং অসিনি। স্ক্রীনিং অসি ভারতকী সিনেমাগী শক্নাইরবা মীওইশিংগী চহি চাম শুবগী থৌরম পাঙথোকপগী IFFI গী পাক-চাউবা থৌরমগী শরুক অমা ওইরি, মসিনা মীৎয়েঙ তারিবশিংদা লৈবাক অসিগী সিনেমাগী পুৱারীদা মুৎপা নাইদ্রবা মমি তাহনখিবা ফিল্মশিং অমসুং পর্ফোর্মেন্সশিং অমুক হন্না মীৎয়েং তাবগী খুদোংচাবা অমা পীরি।
হৌজিক মতমগী মলয়ালম সিনেমানা অখিল সত্যন্না লমজিং লমতাকপা অমসুং নিভিন পোলী, অজু বর্গিজ, রিয়া শিবু অমসুং প্রীতি মুকুন্দননা শরুক য়াবা সর্বম মায়াগী খুত্থাংদা মহুৎ শিল্লি। ইন্দিয়ন পেনোরমা ফীচর-ফিল্ম সেক্সনগীদমক খনগৎলবা, সুপরনেচরেল দ্রামা অসিনা নহা ওইরিবা নুপী অমগী থৱায়গা মহৌশাদগী তোঙানবা মরী অমদা চিংশিল্লকপা লাই থাজদবা ঈশৈ শকপা প্রবেন্দুগী ৱারীগী খুত্থাংদা থাজবা, নুংশিবা অমসুং মশাবু মশক খঙজবগী মতাঙদা নৈনরি।

ইন্দিয়ন পেনোরমাগী ন্যু হোরাইজন সেক্সনদসু শ্রুতি শরন্যম্না লমজিং লমতাকপা মলয়ালম ফিল্ম ওত্তানজাৱালমারম (এ লোন জামুন ত্রী), অমসুং শ্রীহরি হরিদাসনা লমজিং লমতাকপা অজয়ন্তে মরনম: ওরু কেস স্তদি য়াওরি। ফেস্তিবেল অসিগী নন-ফীচর সেলেক্সন্দা সন্দীপ ফ্রান্সিসনা লমজিং লমতাকপা মিনিত ১১ শাংবা মলয়ালম শোর্ত ফিল্ম স্বিত্চ ওফ য়াওরি। মলয়ালমগী শরুক য়াবা হেনগৎহল্লদুনা, কেরলমদগী ফিল্মমেকর অমা ওইরিবা সমজদনা লমজিং লমতাকপা হাফ অসি গালা প্রিমিয়র্স সেক্সনগী মখাদা উৎকনি। পুন্না, খনগৎলবা ফিল্মশিং অসিনা মলয়ালম সিনেমাবু মশক তাক্লিবা থীমশিং অমসুং ৱারী লীবগী মওংশিংগী তোঙান-তোঙানবা শক্তম অদু মমি তাহল্লি।

মলয়ালম ফিল্মগী শক্নাইরবা মীওইশিংনসু ফেস্তিবেল অসিগী অখন্নবা ৱারী ৱাতায় শানবা অমসুং সেসনশিংদা মরু ওইবা মফম কল্লগনি। ফিল্মমেকর অমসুং এক্তর বেসিল জোসেফনা সিনেমাদা এপিক ওইবা ৱারী লীবগী হোংলক্লিবা ফীভমবু নৈনগদবা দি এপিক জেনরস – মাইথোলোজীজ, সুপরহিরোজ এন্দ ন্যু ৱর্ল্দস হায়না মিংথোনবা 'ইন কনভর্সেসন' সেসন অমদা শরুক য়াগনি। শক্নাইরবা প্লেবেক সিঙ্গর অমসুং 'মেলোদী ক্বীন' কে. এস. চিত্রানা মতম চুপ্পগী শক্নাইরবা ঈশৈ শকপী আশা ভোস্লে অমসুং এস. জানকীগী মফমদা ইকায়খুম্নবা উৎপা রেত্রোস্পেক্তিব সেসন অমা লুচিংগনি।
৫৭শুবা ইন্তরনেসনেল ফিল্ম ফেস্তিবেল ওফ ইন্দিয়া (IFFI) অসি ২০২৬ কী নবেম্বর ২০ দগী ২৪ ফাওবা গোৱাদা “স্তোরিজ ৱিদআউত বোর্দর্স” হায়বা থীমগী মখাদা হৌদোক্নবা পুম্নমক শেম-শাবা লোইরে। ফেস্তিবেল অসিনা ভারত অমসুং মালেম শিনবা থুংবদগী ফিল্মশিং, ফিল্মমেকরশিং অমসুং সিনেমা নুংশিজবশিংবু অপুনবা প্লেতফোর্ম অমদা পুনশিন্নহন্দুনা, নাৎকী ওইবা শকখঙ-মায়খঙনবা হেনগৎহনগনি অমসুং সিনেমাগী মালেমগী লোল অসিবু হরাও-তয়াম্না সেলেব্রেত তৌগনি।
* * *