থাগৎখিবা:
17 NOV 2026 12:16PM by PIB Imphal
য়োর এক্সিলেন্সী, প্রসিদেন্ত মার্কোস,
য়োর মেজেস্তী,
এক্সিলেন্সীশিং,
খুরুমজরি।
ঐগী আসিয়ান ইমুং মনুংগা অমুক্কা হন্না কন্নেক্ত তৌবা ফংজবা অসিদা ঐহাক নুংঙাইবা ফাওই। ঐহাক্না প্রসিদেন্ত মার্কোসপু আসিয়ানগী চেয়রমেনশিপ মায় পাক্না পাংথোকপগীদমক অমসুং ভারতকী কন্ত্রী কোওর্দিনেতর ওইনা লৌরিবা মহাক্কী মরুওইবা থৌদাং অদুগীদমক থাগৎপা ফোংদোকচরি।
ফোর্মেৎ অসিদা আসিয়ানগী লুচিংবশিংগা লোয়ননা মসি ঐহাক্কী ১৩শুবা দাইলোগনি। হৌখিবা চহি খরা অসিদা, ঐখোয়গী 'এক্ত ইস্ত পোলিসী'না ভারত-আসিয়ানগী মরীদা অনৌবা ইনোৎ অমসুং শাহৌ পীখি। ঐখোয়গী পার্তনরশিপ অসি হৌজিক্তি সেয়র্দ কলচর অমসুং হেরিতেজকী ৱাংমদা দিজিতেল, দিফেন্স অমসুং স্পেসকুম্বা সেক্তরশিংদা অনৌবা দাইমেন্সন য়ৌবা ঙমখ্রে।
২০১৪দগী হৌরগা, ঐখোয়না মীয়ামগী মরক্তা লৈনরিবা মরী অসি মপাঙ্গল কনখৎহন্নবা ইনিসিয়েতিব ১০০ হেন্না পায়খৎখ্রে, ক্বিক ইম্পেক্ত প্রোজেক্ত ২৫০ রোম হৌদোকখ্রে, অমসুং স্কিল বিল্দিং স্কোলারশিপ ১০,০০০ হেন্না ফংহনখ্রে।
ঙসিদি, ভারত অমসুং আসিয়ানগী লৈবাক মাপনগী মরক্তা দাইরেক্ত ফ্লাইতশিং, হেনগৎলক্লিবা তুরিজমগা লোয়ননা, ঐখোয়গী নকশিন্নবা মরী অদুগী খুদম অমা ওইরি।
মরুপশিং,
হৌখিবা চহিদা মালেনা মথং-মথং ক্রাইসিস কয়া থেংনখি। ঙসি মালেমনা খ্বাইদগী মথৌ তারিবা অসি শান্তি, তংদু লৈতাবা, অমসুং প্রিদিক্তেবিলিতী অসিনি। মতাং অসিদা ঐখোয়গী চহি অসিগী থিম ওইরিবা – “নেভিগেতিং অৱর ফ্যুচর, তুগেদর” – অসি অখন্ননা মরু ওইরি।
পুন্নস ভারত অমসুং আসিয়াননা মালেমগী মীশিংগী শরুক মরি থোকপগী অমগী ময়া ওইরি। মরম অদুনা ঐখোয়গী তুংলমচৎ অসি কম্পিতিসনগী মহুৎ কোওপরেসননা শেমগৎপা তঙাই ফদে। ঐখোয়দা তৌবা ঙম্বা অমসুং ফিরেপ অনিমক লৈ। পুন্না ঐখোয়না লমদম অসিবু শান্তি অমসুং তংদু লৈতাবগী খুদম অমদা ওন্থোকপা ঙমগনি।
মরুপশিং,
মসি ঐহাক্কী চহি অসিদা আসিয়ানগী লৈবাকশিংদা চৎপা অহুমশুবা খোঙচৎনি। মসিনা ভারতকীদমক্তা আসিয়ানগী অখন্নবা মরুওইবা অদু ময়েক শেংনা তাক্লি। ঐখোয়না থাজৈ মদুদি ভারতকী চাউখৎপা অমসুং আসিয়ান লমদমগী চাউখৎপা অসি মরী লৈনৈ।
লাক্কদৌরিবা চহিশিংদা, 'আসিয়ান কম্ম্যুনিতী ভিজন ২০৪৫' অমসুং 'ভিক্সিত ভারত ২০৪৭' অসিনা ঐখোয়গী অপুনবা অপাম্বশিং অসি মঙফাওনহনবদা মরু ওইবা থৌদাং লৌবা ঙমগনি।
হৌখিবা চহি ১২ অসিদা ঐখোয়না ঐখোয়গী পার্তনরশিপ অসিদা অনৌবা ইনোৎ অমা পীখি। হৌজিক ঐখোয় পুন্না, ঐখোয়গী লমদম অসিগী তুংলমচৎকীদমক অনৌবা লম্বী অমা শেমগদবনি। মসিগী পার্তনরশিপ অসিগী মনুংদা আসিয়ানগী অপুনবা অমসুং সেন্ত্রেলিতীগীদমক ভারতকী অচেৎপা ফিরেপ অসি লেপ্পা লৈতনা লৈরি অমসুং লৈখিগনি।
ঙসিগী মীফম অসিনা ঐখোয়গী কম্প্রিহেন্সিব স্ত্রেতেজিক পার্তনরশিপপু অনৌবা অৱাংবা থাক্তা পুখৎকনি অমসুং সেক্যুর, ইনক্লুসিব, অমসুং চাউখৎপা ইন্দো-পেসিফিক অমা শেমগৎপদা মতেং পাংগনি হায়না ঐহাক্না থাজবা থম্লি।
অদোমগী ৱাখল্লোনশিং অমসুং সজেসনশিং তানবা ঐহাক্না খৌরাংনা ঙাইজরি।
হন্না-হন্না থাগৎচরি!
***