থাগৎখিবা:
11 NOV 2026 3:11PM by PIB Imphal
প্রধান মন্ত্রী, শ্রী নরেন্দ্র মোদীনা লুচিংবা য়ুনিয়ন কেবিনেতনা ঙসি ফোসফেতিক অমসুং পোতাসিক (P&K) ফর্তিলাইজরশিংগীদমক রবী সিজন, ২০২৬-২৭ (০১.১০.২০২৬ তগী ৩১.০৩.২০২৭ ফাওবা) গী ন্যুত্রিয়েন্ত বেজদ সবসিদী (NBS) রেতশিংদা অয়াবা পীখ্রে। রবী ২০২৬-২৭ গীদমক চাউরাকপা বজেতকী মথৌ তাবা অসি লুপা করোর ৬২,৩৭০.০২ ওইগনি। মসি রবী ২০২৫-২৬ সিজনগী বজেতকী মথৌ তাবা অদুদগী চাউরাক্না লুপা করোর ২৪,৪১৭.৭৩ হেনলি। রবী ২০২৫-২৬ গী বজেত অসি লুপা করোর ৩৭,৯৫২.২৯ ওইখি।
কান্নবশিং:
· লৌউ-শিংউবশিংদা ফর্তিলাইজরশিং সবসিদাইজ ওইবা, মমল হোংবা অমসুং চুনবা মমলশিংদা ফংহনবা শোয়দনবা তৌগনি।
· মালেমগী ফর্তিলাইজরশিং অমসুং ইনপুতশিংগী মমলশিংগী হৌজিক্কী ফিবমশিং য়েংলদুনা পি. অমসুং কে. (P&K) ফর্তিলাইজরশিংদা সবসিদীগী রেস্নেলাইজেসন তৌবা।
থবক্তা ওন্থোকপগী স্ত্রেতেজী অমসুং পান্দমশিং:
লৌউ-শিংউবশিংদা ফর্তিলাইজরশিং অসি মমল হোংনা ফংহনবা শোয়দহন্নবগীদমক দি.এ.পি. (DAP) অমসুং এন.পি.কে.এস. (NPKS) গ্রেদশিং য়াওনা পি. অমসুং কে. (P&K) ফর্তিলাইজরশিংগী সবসিদী অসি রবী ২০২৬-২৭ (০১.১০.২০২৬ তগী ৩১.০৩.২০২৭ ফাওবা চৎনগদবা) গী অয়াবা পীরবা রেতশিংদা য়ুম্ফম ওইদুনা পীরগনি।
বেকগ্রাউন্দ:
সরকারনা ফর্তিলাইজর পুথোকপশিং/পুশিল্লকপশিংগী খুত্থাংদা দি.এ.পি. য়াওনা পি. অমসুং কে. ফর্তিলাইজরগী গ্রেদ ২৮ মমল হোংবা মমলশিংদা লৌউ-শিংউবশিংদা ফংহল্লি। পি. অমসুং কে. ফর্তিলাইজরশিংগী সবসিদী অসি ০১.০৪.২০১০দগী চৎনবা হৌখিবা এন.বি.এস. (NBS) স্কিমগী মখাদা লৈরি। লৌউ-শিংউবশিংগী কান্নবা পীবগী থৌওংগী মতুং ইন্না, সরকারনা লৌউ-শিংউবশিংদা পি. অমসুং কে. ফর্তিলাইজরশিং মমল হোংনা ফংহনবদা শোয়হন্দনবা ফিরেপ লৌরি।
য়ুরিয়া (Urea), দি.এ.পি. (DAP), এম.ও.পি. (MOP) অমসুং সলফর (Sulphur) গুম্বা ফর্তিলাইজরশিং অমসুং ইনপুতশিংগী মালেমগী মমলশিংগী মতাংদা হৌজিক্কী ওইরিবা ফিবম অসি য়েংলদুনা, সরকারনা দি.এ.পি. অমসুং এন.পি.কে.এস. গ্রেদশিং য়াওনা ফোসফেতিক অমসুং পোতাসিক (P&K) ফর্তিলাইজরশিংগীদমক ০১.১০.২০২৬ তগী ৩১.০৩.২০২৭ ফাওবা চৎনগদবা রবী ২০২৬-২৭গী এন.বি.এস. (NBS) রেতশিংদা অয়াবা পীনবা ৱারেপ লৌখ্রে। ফর্তিলাইজরশিং অসি লৌউ-শিংউবশিংদা মমল হোংনা ফংহন্নবগীদমক অয়াবা পীরবা অমসুং লাউথোকখ্রবা রেতশিংগী মতুং ইন্না ফর্তিলাইজর কম্পেনীশিংদা সবসিদী পীগনি।
***