પોસ્ટેડ ઓન:
11 NOV 2026 3:11PM by PIB Ahmedabad
પ્રધાનમંત્રી શ્રી નરેન્દ્ર મોદીની અધ્યક્ષતામાં કેન્દ્રીય કેબિનેટે આજે ફોસ્ફેટિક અને પોટાશિક (P&K) ખાતરો પર રવિ સિઝન, 2026-27 (01.10.2026 થી 31.03.2027 સુધી) માટે ન્યુટ્રિએન્ટ બેઝ્ડ સબસિડી (NBS) ના દરોને મંજૂરી આપી છે. રવિ 2026-27 માટે અંદાજિત બજેટ આવશ્યકતા આશરે ₹62,370.02 કરોડ રહેશે. આ રવિ 2025-26 સિઝનની બજેટ આવશ્યકતા કરતાં આશરે ₹24,417.73 કરોડ વધુ છે. રવિ 2025-26 માટેનું બજેટ ₹37,952.29 કરોડ હતું.
લાભો:
- ખેડૂતોને સબસિડીવાળા, પરવડે તેવા અને વાજબી ભાવે ખાતરોની ઉપલબ્ધતા સુનિશ્ચિત કરવામાં આવશે.
- ખાતરો અને ઇનપુટ્સના આંતરરાષ્ટ્રીય ભાવમાં તાજેતરના વલણોને ધ્યાનમાં રાખીને P&K ખાતરો પરની સબસિડીનું વ્યાજબીકરણ (Rationalisation).
અમલીકરણ વ્યૂહરચના અને લક્ષ્યાંકો:
ખેડૂતોને આ ખાતરો પોસાય તેવા ભાવે સરળતાથી ઉપલબ્ધ થાય તે સુનિશ્ચિત કરવા માટે DAP અને NPKS ગ્રેડ સહિત P&K ખાતરો પરની સબસિડી રવિ 2026-27 (01.10.2026 થી 31.03.2027 સુધી લાગુ) માટે મંજૂર દરોના આધારે પૂરી પાડવામાં આવશે.
પૃષ્ઠભૂમિ:
સરકાર ખાતર ઉત્પાદકો/આયાતકારો દ્વારા ખેડૂતોને સબસિડીવાળા ભાવે DAP સહિત P&K ખાતરોના 28 ગ્રેડ ઉપલબ્ધ કરાવી રહી છે. P&K ખાતરો પરની સબસિડી 01.04.2010 થી NBS યોજના દ્વારા સંચાલિત થાય છે. તેના ખેડૂત હિતૈષી અભિગમ અનુસાર, સરકાર ખેડૂતોને પોસાય તેવા ભાવે P&K ખાતરોની ઉપલબ્ધતા સુનિશ્ચિત કરવા માટે પ્રતિબદ્ધ છે.
યૂરિયા, DAP, MOP અને સલ્ફર જેવા ખાતરો અને ઇનપુટ્સના આંતરરાષ્ટ્રીય ભાવમાં તાજેતરના વલણોને ધ્યાનમાં રાખીને, સરકારે DAP અને NPKS ગ્રેડ સહિત ફોસ્ફેટિક અને પોટાશિક (P&K) ખાતરો પર 01.10.2026 થી 31.03.2027 સુધી રવિ 2026-27 માટે NBS ના દરો મંજૂર કરવાનો નિર્ણય લીધો છે. ખાતર કંપનીઓને મંજૂર અને સૂચિત દરો મુજબ સબસિડી પૂરી પાડવામાં આવશે જેથી ખેડૂતોને પોસાય તેવા ભાવે ખાતરો ઉપલબ્ધ કરાવવામાં આવે.
SM/DK/JD