থাগৎখিবা:
07 NOV 2026 10:47AM by PIB Imphal
|
ভারতকী কেমিকেল অমসুং পেত্রোকেমিকেল ইন্দস্ত্রীশিংনা মখোয়গী মেন্যুফেকচরিং বেজ, ইনভেস্ত তৌবা ঙম্বগী মতিক অমসুং মালেমগা খুৎশম্নবগী চাং হেনগৎলক্লি। ইন্দস্ত্রীগী তোঙানবা পার্ক অমসুং ইনফ্রাস্ত্রকচরশিং পুনশিনবনা প্রদক্সন কেপাসিতী হেনগৎহন্নবা অমসুং মীরমদগী ইনভেস্তমেন্ত লাকহন্নবা পান্দম থম্লি। রিসর্চ ফন্দিং পীবা, অখন্নবা ইন্সতিত্যুসন লিংখৎপা অমসুং স্কিল দিভেলপমেন্ত তৌবনা থাক ৱাংবা এপ্লিকেসনশিংগী মতাংদা হৈথোই শিংথোইহল্লি। ক্বালিতী স্তেন্দর্দ অমসুং থবক মফম্বু শাফহন্নবা লৌখৎলিবা থৌরাংশিংনা ইন্দস্ত্রীগী কাঙলোন ইলহল্লি। হোৎনরিবশিং অসিনা পুন্দুনা সেক্তর অসিদা ভেল্যু এদিসন তৌবা, তেক্নোলোজী হেন্না ফগৎহনবা অমসুং মালেমগী কেমিকেল মার্কেত্তা হেন্না চাউবা শরুক তম্বা ঙম্বগী থাক্তা লৈহল্লি।
|
থৌশিল-থৌরাংদা য়াম্না মরু ওইবা ইন্দস্ত্রী অমা
ভারতকী কেমিকেল অমসুং পেত্রোকেমিকেল ইন্দস্ত্রী অসি মেন্যুফেকচরিং, লৌউ-শিংউ অমসুং ইন্দস্ত্রী চাউখৎপগীদমক্তা য়াম্না মরু ওইবা য়ুম্বী অমনি। মসিগী পোত্থোকশিংনা ফার্মাস্যুতিকেল্স, তেক্সতাইল, কনস্ত্রক্সন, ওতোমোবাইল, ইলেক্ত্রোনিক্স অমসুং কঞ্জ্যুমর গুদশিং য়াওনা তোঙান তোঙানবা সেক্তরশিংদা মতেং পাংলি। ভারত অসি কেমিকেল পুথোকপদা মালেমগী খ্বাইদগী তরুকশুবা চাউবা অমসুং এসিয়াগী খ্বাইদগী মরিশুবা চাউবা লৈবাক অমা ওইরি। সেক্তর অসিগী ভেল্যু অসি হৌজিক্কী ওইনা য়ু.এস.দি. বিলিয়ন ২২০ ওইরি। মসিনা ইং ২০৩০ ফাওবদা য়ু.এস.দি. বিলিয়ন ৩০০ অমসুং ইং ২০৪০ ফাওবদা য়ু.এস.দি. ত্রিলিয়ন ১ য়ৌগনি হায়না পানরি।
ভারতনা অখন্নবা সেগমেন্তশিংদা মালেমগী মকোক ওইরি। ঐখোয়না দাই য়োনবদা মালেমগী খ্বাইদগী অহুমশুবা মেন্যুফেকচরর অমসুং এক্সপোর্তর ওইরি অমসুং মালেমগী খ্বাইদগী ৩শুবা চাউবা এগ্রোকেমিকেল এক্সপোর্তর অমা ওইরি। সেক্তর অসিদা চাউরাক্না লার্জ স্কেল য়ুনিৎ ১৩০০০ অমসুং মাইক্রো, স্মোল অমসুং মেদিয়ম ইন্তর্প্রাইজ (এম.এস.এম.ই.) লাখ ৪.৪৫ লৈ। তোঙানবা খোঙথাং কয়ানা কেমিকেল মেন্যুফেকচরিং, রিসর্চ অমসুং ইন্দস্ত্রীএল ইনফ্রাস্ত্রকচর চাউখৎহল্লি। মসিগী মনুংদা কেমিকেলগী ওইবা তোঙানবা পার্ক শাবা, ফন্দ থাবগী খুদোংচাবা কয়া অমসুং ক্বালিতী অমসুং ইনভেস্তমেন্ত লাকহনবা থবক কয়া য়াওরি। পুম্নমক অসিনা ভারতনা মালেমগী ভেল্যু চেন্দা শরুক য়াবগী চাং য়াম্না হেনগৎহন্নবা পান্দম থম্লি।
|
ইন্দিয়া কেম ২০২৬: ইন্দস্ত্রী, ইনভেস্তমেন্ত অমসুং মালেমগী কৈথেল শম্নহনবা
১৪শুবা ইন্দিয়া কেম ২০২৬ অসি মুম্বাইদা ইং ২০২৬কী ওক্তোবর ২২দগী ২৪ ফাওবা পাংথোকখি। নুমিৎ হুম্নিগী থৌরম অসিনা কেমিকেল অমসুং পেত্রোকেমিকেল সেক্তরদা ইনভেস্তমেন্ত লাকহন্নবা অমসুং সস্তেনেবল গ্রোথ লৈহন্নবা পান্দম থমখি। মসিগী থীম। “এদভান্তেজ ভারত: এন ইমর্জিং গ্লোবেল কেমিকেল হব” অসিনা ভারতকী তৌবা ঙম্বগী মতিক অমসুং মালেমগা খুৎশম্নবা ঙম্বগী খুদোংচাবশিং উৎখি। মীওই ৫০০০ হেনবনা লাকখিবা থৌরম অসিনা লৈবাক্কী ফোরম, সি.ই.ও. ফোরম অমসুং সেক্তরগী অখন্নবা রাউন্দতেবলগী খুত্থাংদা ইন্দস্ত্রীগী লুচিংবা অমসুং করবারশিংবু অমত্তা ওইনা পুরকখি। একজিবিসন অসিনা তেক্নোলোজী, ইক্বিপমেন্ত অমসুং ইভেস্তমেন্তকী খুদোংচাবশিং উৎখি অদুগা অহানবা ওইনা পাংথোকপা ইন্দিয়া কেম য়ুথ ইনোভেসন্না মহৈরোইদা প্রেক্তিকেল রিসর্চ, রিসর্চতা য়ুম্ফম ওইবা ৱারোইশিন পুরক্নবা পুক্নিং থৌগৎখি।
|
মেন্যুফেকচরিং কেপাসিতী অমসুং ইন্দস্ত্রীগী কে্পাসিতী হেনগৎহনবা
দোমেস্তিক মেন্যুফেকচরিং হেনগৎহনবদা ইনভেস্তমেন্ত, ইন্দস্ত্রীগী ইনফ্রাস্ত্রকচর অমসুং পুম্নমক অসিদা মতেং পাংবা পোলিসীগী মথৌ তাই। ভারতনা কেমিকেল সেক্তর অয়াম্বদা ওতোমেতিক রুতকী খুত্থাংদা ১০০% এফ.দি.আই. লাকপগী অয়াবা পীরি। ওতোমেতিক রুত অসিগী মখাদা, ভারত্তা লৈবা মীওই অমনা ভারত্তা শেল থাদরকপদা সরকারদগী অয়াবা হান্না লৌবগী মথৌ তাদে। ইং ২০১৪-২০২৬তা এফ.দি.আই. অসি ₹ করোর ১০৪৮৯৫ য়ৌখি, মসিনা ইং ২০০৪-২০১৪দা লাকখিবা ₹ করোর ৪৫২৪০গী শরুক অনি ওইখি।
পেত্রোলিয়ম, কেমিকেল অমসুং পেত্রোকেমিকেল ইনভেস্তমেন্ত রীজন
পেত্রোলিয়ম, কেমিকেল অমসুং পেত্রোকেমিকেল ইনভেস্তমেন্ত রীজন (পি.সি.পি.আই.আর.) গী ৱাখল্লোন অসি সেক্তর অসিবু পুনশিন্দুনা হেন্না খুমাং চাউশিলহনবনি। পি.সি.পি.আই.আর. অসি প্রোসেসিং এক্তিবিতীগীদমক্তা খাক্তুনা থম্লবা মফমগী চাউরাক্না ২০% ওইবা স্ক্বার কিমি. ২৫০ পাক চাউবা অখন্নবা দি-এলাইনেতেদ ইনভেস্তমেন্ত রীজন্নি। পি.সি.পি.আই.আর.না কম্মন ইনফ্রাস্ত্রকচর, বেসিক য়ুতিলিতী অমসুং সপোর্ত সর্ভিসেস লৈবা ক্লস্তর-বেজ এপ্রোচ ইল্লি। মসিগী মনুংদা লম্বী শোরোক, রেল নেতৱর্ক, হিথাংফম, কমন এফ্লুএন্ত ত্রিতমেন্ত প্লান্ত, সিৱেজ দিস্পোজেল প্লান্ত, ৱাতর সপ্লাই অমসুং স্তীম জেনেরেসন য়ুনিৎশিং য়াওরি। মসিগী ইনফ্রাস্ত্রকচর অসিনা করবার হৌদোকপদা মতেং পাংবা কম্পিতিতিব ওইবা ইনভাইরনমেন্ত অমা লৈহল্লি।
- ভারত্তা মথৌ পাংথোক্লিবা পি.সি.পি.আই.আর. অহুম লৈ: গুজরাতকী দহেজতা, আন্ধ্র প্রদেশকী বিশাখাপত্নম-কাকিনাদাদা অমসুং ওরিশাগী পরাদীপ্তা।
- মসিগী মফমশিং অসিদা পুন্না ₹ করোর লাখ ৩.৪গী ইনভেস্তমেন্ত লাকখি।
- মখোয়না থবক লাখ ৩.৭ পীখি অমসুং কেমিকেল মেন্যুফেকচরিং য়ুনিৎ ২২০০ হেন্না লিংখৎপদা মতেং পাংখি।
মসিগী অপুনবা ইন্দস্ত্রীএল ইকোসীস্তেম অসিনা মখা তাবা ইনভেস্তমেন্ত অমসুং ভেল্যু ইদিসনগী ফম্বাক অমা ওইরি।
ভাব্য রসায়ন: দেদিকেতেদ কেমিকেল পার্ক
জুলাই ২০২৬তা অয়াবা পীখিবা ভারত ঔদ্যোগিক বিকাস য়োজনা রসায়ন (ভাব্য রসায়ন) স্কিম অসিনা দেদিকেতেদ কেমিকেল পার্ক অহুম লিংখৎনবা পান্দম থম্লি। পার্ক অমমম্না য়ামদ্রবদা লম স্ক্বার মিলোমীতর ৮ (একর ২০০০) কোনগনি। মরী লৈনবা রাজ্য সরকারনা ₹ করোর ৫০০ পুথোকপা মতমদা কেন্দ্র সরকারনা পার্ক অমমমদা ₹ করোর ১০০০ পীথগনি। স্কিম অসিগীদমক্তা ₹ করোর ৩০৩০ গী শেনফম কাইথোক্কনি। মসিগী মনুংদগী ₹ করোর ৩০০০ অসি কমন ইনফ্রাস্ত্রকচর অমসুং বেসিক য়ুতিলিতীগীদমক্তা খাইদোক্কনি অমসুং ₹ করোর ৩০ অসিনা এদমিনিস্ত্রেতিব এক্সপেন্দিচরগী ওইগনি। মসিনা শেনবা চহি ২০২৬-২৭ দগী শেনবা চহি ২০৩০-৩১ ফাওবা চহি মঙা চলাইগনি।
পার্কশিং অসিনা কেমিকেল ইন্দস্ত্রীগী প্লগ-এন্দ-প্লে ইনফ্রাস্ত্রকচর লৈহনগনি, রিসোর্স শিজিন্নবগী থৌওং হেন্না ফগৎহনগনি অমসুং লোজিস্তিক্স কোস্ত হন্থহনগনি। মসিনা ইনভাইরনমেন্ত ফ্রেনলী ইকোসীস্তেম অমগী খুত্থাংদা সস্তেনেবল ইন্দস্ত্রীএল দিভেলপমেন্ত লৈহনগনি। মসিগী মনুংদা কমন ইফ্লুএন্ত ত্রিতমেন্ত প্লান্ত, স্তোরেজ অমসুং দিস্পোজেল ফেসিলিতী অমসুং খুদোংথীনিংঙাই ওইবা ফত্ত-হৌদী শেন্নবগী ফেসিলিতীশিংগুম্বা সেন্ত্রেলাইজ ফেসিলিতীশিং য়াওরি। স্কিম অসিনা ইনভেস্তমেন্ত লাকহনগনি, দোমেস্তিক প্রদক্সন কেপাসিতী হেনগৎহনগনি অমসুং গ্লোবেল কম্পিতিতিবনেস হেনগৎহনগনি।
প্লাস্তিক পার্ক: দাউনস্ত্রীম প্রোসেসিং হেনগৎহনবা
প্লাস্তিক পার্ক লিংখৎপগী স্কিম্না ভারতকী দাউনস্ত্রীম প্লাস্তিক প্রোসেসিং ইন্দস্ত্রীবু শৌগৎলি। মসিনা দোমেস্তিক দাউনস্ত্রীম প্লাস্তিক প্রোসেসিং ইন্দস্ত্রীগী পোলীমর (পেত্রোকেমিকেল অমা) এবজোর্প্সন কেপাসিতী অমসুং ভেল্যু ইদিসন তৌবদা মিৎয়েং থম্লি। প্লাস্তিক পার্কশিং অসি প্লাস্তিক্কা মরী লৈনবা করবার অমসুং ইন্দস্ত্রীশিংগী ওইবা ইন্দস্ত্রীগী জোনশিংনি। মখোয়গী পান্দম অসিদি প্লাস্তিক প্রোসেসিং ইন্দস্ত্রীশিং পুনশিন্দুনা পান্দম অমদা থবক পাংথোকহনবনি। মসিনা ইনভেস্তমেন্ত, প্রদক্সন অমসুং এক্সপোর্ত হেনগৎহনগনি অমসুং থবকশু পীগনি। স্কিম অসিগী মখাদা সরকারনা প্রোজেক্ততা চঙবা শেনফমগী ৫০% ফাওবগী ফন্দিং পীগনি অমসুং প্রোজেক্ত অমদা লুপা করোর ৪০ ফাওবা চঙগনি। প্রোজেক্তকী লেমহৌরিবা শেনফম অসিনা রাজ্য সরকার নত্ত্রগা মখোয়গী এজেন্সী, বেনিফিশরী ইন্দস্ত্রীশিংনা পুথোক্কনি।
পার্ক অসিনা ৱেস্ত মেনেজমেন্ত অমসুং রিসাইক্লিংগী খোঙথাংশিংগী খুত্থাংদা ইনভাইরনমেন্তেল্লী সস্তেনেবল গ্রোথ লৈহনগনি। মসিনা ভারতনা প্লাস্তিক্কী ফত্ত-হৌদী শেন্ননবা হোৎনরিবা অসিগী অচৌবা শরুক অমা ওইগনি অমসুং কেমিকেল ইন্দস্ত্রীগী মপাঙ্গল হেনগৎহনগনি। ভারত শিনবা থুংবদা প্লাস্তিক পার্ক তরা শাবগী অয়াবা পীখ্রে অমসুং মসিগী মনুংদগী ২০২৫-২৬তা লোইশিনখিবা ৩ য়াওনা ৪ অমদি ইনফ্রাস্ত্রকচর ১০০% মপুং ফানা লোইশিনখ্রে।
রিসর্চ, ইনোবেসন অমসুং স্কিল দিভেলপমেন্ত
কেমিকেল শিজিন্নবা অসি ইন্দস্ত্রী পুম্বদা হেনগৎলকপগা লোয়ননা অখন্নবা লৌশিং অমসুং তেক্নিকেল এক্সপর্তাইজ লৈবগী মথৌ তাবা অসি লেপ্তনা হেনগৎলক্লি। খোঙথাং কয়া অমনা সেক্তরগা অখন্নবা রিসর্চ, অখন্নবা তেক্নিকেল এজুকেসন অমসুং ইন্দস্ত্রীগা মরী লৈননা স্কিল লৈহনবগী খুত্থাংদা হোৎনরিবশিং অসিবু খুমাং চাউশিনহল্লি।
কেমিকেল প্রোমোসন অমসুং দিভেলপমেন্ত স্কিম
কেমিকেল প্রোমোসন অমসুং দিভেলপমেন্ত স্কিম (সি.পি.দি.এস.)না লৌশিং লৈহনবা, য়েন্থোকপা অমসুং রিসর্চ চাউখৎহন্দুনা কেমিকেল অমসুং পেত্রোকেমিকেল ইন্দস্ত্রী চাউখৎহনবদা মতেং পাংলি। মসিনা সেক্তরগা অখন্নবা লৌশিং পুথোক্নবা স্তদী, সর্ভে, দেতাবেজ অমসুং প্রোমোস্নেল মেতরিএলশিংদা শৌগৎলি। স্কিন অসিনা সেক্তরশিং অসিদা মশক থোক্না শরুক তম্ববু শকখঙদুনা রিসর্চ অমসুং ইনোবেসন তৌবদা ইন্সেন্তিব পীরি। মসিনা লুপ, ইন্দস্ত্রীশিংগী লুপশিংদা গ্রান্ত-ইন-এদ (জেনেরেল) পীরি অমসুং ৱর্কশোপ, সেমিনার, স্তদী অমসুং মরী লৈনবা থবকশিংগীদমক্তা অতোপ্পা খুদোংচাবশিংশু পীরি।
- ২০১৬দগী হৌনা, পব্লিক সেক্তর অন্দর্তেকিং অমা ওইরিবা ঐচ.আই.এল. (ইন্দিয়া) লিমিতেদনা সি.পি.দি.এস.কী মখাদা লৌমীশিংগী ত্রেনিং প্রোগ্রাম কয়া পাংথোক্লি।
- ইন্সতিত্যুত ওফ পেস্তিসাইদ ফোর্মুলেসন তেক্নোলোজী (আই.পি.এফ.তি.)না হায়রিবা থবকশিং অসি ২০২২-২৩দগী পাংথোকপা হৌখ্রে। মখোয়না পেস্তিসাইদ শাফনা অমসুং থৌদাং খঙনা শিজিন্ননবা হায়রি অমসুং ইন্তিগ্রেতেদ পেস্ত মেনেজমেন্ত প্রেক্তিসশিংবু পুক্নিং থৌগৎলি।
- থবকশিং অসিনা হৱাই-চেংৱাই, চাবা য়াবা থাউ, উহৈ অমসুং মনা-মশিংদা পেস্তিইসাইদ লেমহৌবা হন্থহন্নবা পান্দম থম্লি। ওগস্ত ২০২৬ ফাওবগী ওইনা, প্রোগ্রাম ২৫০ হেনবনা লৈবাক্কী লৌমী লাখ ১ হেনবদা কান্নবা পীখ্রে।
রিসর্চ, দিভেলপমেন্ত অমসুং ইনোভেসন স্কিম
নবেম্বর ২০২৫তা হৌদোকখিবা রিসর্চ, দিভেলপমেন্ত অমসুং ইনোবেসন স্কিম অসিগীদমক্তা রিসর্চ অমসুং ইনোবেসন্দা প্রাইবেত সেক্তরগী ইনভেস্তমেন্ত হেন্না লাকহন্নবা ₹ করোর লাখ ১গী শেনফম খাক্তুনা থমখ্রে। মসিনা ত্রান্সফোর্মেতিব প্রোজেক্তশিংনা ইনবা য়াবা ফিভমশিংদা লোং-তর্ম ফাইনান্সিং অমসুং রিফাইনান্সিং তৌরি। স্কিম অসিনা এদভান্স তেক্নোলোজী শিজিন্নবা হেনগৎহনবা, ইন্দস্ত্রীএল কম্পিতিতিবনেস হেনগৎহনবা অমসুং ক্রিতিকেল অমদি ইমর্জিং তেক্নোলোজীগী লমশিংদা মরোম লেপচবা ঙমহল্লি।
ওক্তোবর ৮, ২০২৬তগী চৎনবা হৌখিবা এদভান্স কেমিকেল, পেত্রোকেমিকেল অমসুং মেতরিএল তেক্নোলোজীজনা স্কিম অসিগী মখাদা শেল ফংবা য়াবা অহেনবা তেক্নোলোজীগী লম অমা ওইখি। মসিদা মনুং চল্লকপা অসিনা সেক্তরেল রিসর্চ অমসুং ইনোবেসন হেনগৎহনগনি অমসুং এদভান্স ইন্দস্ত্রীএল এপ্লিকেসনগীদমক্তা লমদমসিগী তেক্নোলোজী শাবদা মতেং পাংগনি।
সিপেত: তেক্নিকেল এজুকেসন, স্কিল অমসুং ইন্দস্ত্রী সপোর্ত
সেন্ত্রেল ইন্সতিত্যুত ওফ পেত্রোকেমিকেল ইঞ্জিনিয়রিং & তেক্নোলোজী (সিপেত) অসি কেন্দ্রনা শেল থাদবা তেক্নিকেল হাইয়র এজুকেসন ইন্সতিত্যুসন অমনি। মসিনা স্কিল দিভেলপমেন্ত, তেক্নোলোজী সপোর্ত, একাদমিক অমসুং রিসর্চ (স্টার) এক্তিবিতী পাংথোক্লি অমসুং ভারতকী পেত্রোকেমিকেল অমসুং মরী লৈনবা ইন্দস্ত্রীশিং চাউখৎহনবদা তেংবাংলি। সিপেতনা সেন্তর অমসুং লেবোরেতরী মশিং য়াম্না লৈদুনা পাকথোক চাউথোক্লি। মসিগী মনুংদা সেন্তর ফোর স্কিলিং এন্দ তেক্নিকেল সপোর্ত (সি.এস.তি.এস.), প্লাস্তিক ৱেস্ত মেনেজমেন্ত সেন্তর (পি.দব্ল্যু.এম.সি.) অমসুং স্কুল ওফ এদভান্স রিসর্চ স্কুল তেক্নোলোজী এন্দ প্রদক্ত সিম্যুলেসন (এ.আর.এস.তি.পি.এস.) অমসুং এদভান্স পোলীমর দিজাইন এন্দ দিভেলপমেন্ত রিসর্চ লেবোরেতরী (এ.এফ.দি.দি.আর.এল.) য়াওরি।
- সিপেতকী নেতৱর্ক অসিদা হৌজিক সেন্তর ৫১ লৈরে, মসিদা ইং ২০১৪গী মতুংদা লিংখৎখিবা সেন্তর ১৯ য়াওরি। সেন্তরশিং অসিগী মনুংদগী অহুমদি প্লাস্তিক ৱেস্ত মেনেজমেন্তকীদমক্তা ওইরি।
- ইন্সতিত্যুত অসিনা ২০১৪-২৪গী মনুংদা মীওই লাখ ৫.২১ হেনবদা ত্রেনিং পীখিবা য়াওনা স্কিল লৈবা প্রোফেস্নেল চাউরাক্না লাখ ৬.৭২দা ত্রেনিং পীখ্রে। হায়রিবা মতম অসিদা তেক্নোলোজী সপোর্ত সর্ভিস লাখ ৮.৫৩ মপুং ফানা লোইশিনখ্রে।
সেন্তর ওফ এক্সেলেন্স
হৌজিক লৈরিবা তেক্নোলোজী হেন্না চাউখৎহন্নবা, রিসর্চ খুমাং চাউশিলহন্নবা অমসুং অনৌবা এপ্লিকেসন শাবা হেনগৎহন্নবা সেন্তর ওফ এক্সেলেন্সশিং লিংখৎখ্রে। সেন্তর ১৮না পেতেন্ত ৮৫ ফাইল তৌখ্রে, রিসর্চ পেপর ৬০০ হেন্না ফোঙখ্রে অমসুং অনৌবা তেক্নোলোজী অমসুং প্রদক্ত ১০৫ শেমখ্রে। মায় পাকপশিং অসিনা রিসর্চ ইন্সতিত্যুসনশিংনা ইন্দিজিনিয়স কেপেবিলিতী শেমগৎপা অমসুং ইন্দস্ত্রীএল ইনোবেসন্দা মতেং পাংবদা লৌরিবা থৌদাংশিং উৎলি।
ক্বালিতী, সেফতী অমসুং থৌদাং খঙনা কেমিকেল শিজিন্নবা
ক্বালিতী, স্তেন্দর্দ অমসুং থবক মফম শাফহনবা হায়বসি কেমিকেল অমসুং পেত্রোকেমিকেল সেক্তর চাউখৎপদা মথৌ তাই। রেগ্যুলেতরী মীজরশিংনা প্রদক্ত ক্বালিতী লৈহনবদা তেংবাংবগা লোয়ননা তার্গেতেদ ত্রেনিংনা ইন্দস্ত্রীগী শিন্মীশিংদা খুদোংথীনিংঙাই ওইবা কেমিকেল শাফনা শিজিন্নবা ঙমহল্লি।
ক্বালিতী কন্ত্রোল ওর্দর
কঞ্জ্যুমরশিং ঙাক শেন্নবা, ক্বালিতী মেন্যুফেকচরিং লৈহন্নবা অমসুং স্তেন্দর্দ য়ৌদবা পোৎলমশিং মীরমদগী পুশিল্লকপা থিংনবগীদমক্তা ক্বালিতী কন্ত্রোল ওর্দর (ক্যু.সি.ও.) শেমখ্রে। ওগস্ত ২০২৬ ফাওবদা, ক্যু.সি.ও. ৩৭ চৎনরি অমসুং মসিনা কেমিকেল অমসুং পেত্রোকেমিকেলগী অখন্নবা স্তেন্দর্দ কয়া শোইদনা ইলহল্লি। মসিগী ওর্দরশিং অসিনা দোমেস্তিক মেন্যুফেকচরর অমসুং ইম্পোর্তরশিংবু ব্যুরো ওফ ইন্দিয়ন স্তেন্দর্দ (বি.আই.এস.)না পীবা ক্বালিতী পেরামীতরশিং ইলহল্লি।
থবক মফম শাফহনবা অমসুং খুদোংথীনিংঙাই ওইবা কেমিকেলশিং মেনেজ তৌবা
মেজর এক্সিদেন্ত হেজার্দস (এম.এ.ঐচ.) য়ুনিৎশিংদা থবক তৌবা মীওইশিংগী লৈবাক শিনবা থুংবগী ত্রেনিং প্রোগ্রাম অমা বিক্সিত ভারত@২০৪৭ এক্সন প্লানগী মখাদা হৌদোকখ্রে। মসিনা “থবক মফমদা খুদোংথীনিংঙাই ওইবা কেমিকেলশিং শাফনা শিজিন্নবা অমসুং খুদোংথীনিংঙাই ওইবা কেমিকেলশিংগা মরী লৈনবা শিংনবশিং হন্থহনবা” হায়বসিদা মিৎয়েং চঙলি। প্রোগ্রাম অসি চহি মঙাগী মনুংদা এম.এ.ঐচ. য়ুনিৎ ২৩৯৩ পুম্নমক থুংবা ঙম্নবা মওং শেম্বনি। ত্রেনিং প্রোগ্রাম অমমম্না এম.এ.ঐচ. য়ুনিৎ অমমদগী মীওই অনি য়াওহন্দুনা য়ুনিৎ ৫০দগী পার্তিসিপেন্ত ১০০দা ত্রেনিং পীরি।
ওগস্ত ২০২৬ ফাওবদা লৈবাক শিনবা থুংবদা ত্রেনিং প্রোগ্রাম ২১ পাংথোকখ্রে। ইন্দস্ত্রীএল য়ুনিৎ ১৩৭৬না প্রোগ্রাম অসিদা শরুক য়াখি অমসুং মীওই ২৪৪১দা ত্রেনিং পীখি। খোঙথাং অসিনা থবক মফমদা শেম-শাদুনা হান্না লৈবা হেনগৎহল্লি অমসুং খুদোংথীনিংঙাই ওইবা কেমিকেল মেনেজ তৌবগী থৌওং ফগৎহল্লি।
অপুনবা অমসুং কম্পিতিতিব ইন্দস্ত্রী অমগী মায়কৈদা
ভারতকী কেমিকেল অমসুং পেত্রোকেমিকেল ইন্দস্ত্রীদা মেন্যুফেকচরিং এক্তিবিতী, ইন্দস্ত্রীএল এপ্লিকেসন অমসুং দাউনস্ত্রীম প্রদক্তগী মখল কয়া অমা মনুং চল্লি। মসি চাউখৎহনবা হায়বসিদা প্রদক্সন তৌবা হেনগৎপা, ইন্দস্ত্রীগী অখন্নবা ফেসিলিতী লিংখৎপা অমসুং ইনভেস্তমেন্ত লাক্নবা চুনবা ফিভম শেম্বগী থৌওংশিং য়াওরি। মেন্যুফেকচরিং অসি খক্তা নত্তনা রিসর্চকী থবক অমসুং তেক্নিকেল ইন্সতিত্যুসনশিংনা লৌশিং লৈহনবা, তেক্নোলোজী চাউখৎহনবা অমসুং ৱর্কফোর্স ত্রেনিংদশু মতেং পাংলি। ক্বালিতী স্তেন্দর্দ অমসুং হেজার্দস কেমিকেল মেনেজমেন্তনা পদক্ত কমপ্লাইএন্স অমসুং ৱর্কপ্লেস সেফতীদা মিৎয়েং থম্লি। ইন্দিয়া কেম ২০২৬না মসিগুম্বা দোমেস্তিক দিভেলপমেন্তশিং অসিগা মালেমগী থাক্তা শরুক য়াবা, ইন্দস্ত্রীগা মরী লৈনবা অমসুং খুৎশম্ননা থবক তৌবগী খুদোংচাবা পীবশিংবু মরী লৈনহল্লি। লমশিং অসিনা অপুনবা অমা ওইনা সেক্তর অসিগী ইন্দস্ত্রী চাউখৎহনবা অমসুং মালেমগা মরী লৈননবা হোৎনরিবা অসিবু ময়েক শেংনা উৎলি।
রিফরেন্স
কেমিকেল অমসুং ফর্তিলাইজর মন্ত্রালয়: কেমিকেল অমসুং পেত্রোকেমিকেল বিভাগ
https://chemicals.gov.in/
https://chemicals.gov.in/sites/default/files/Reports/annual_report_2025-26_Eng_1.pdf
https://www.pib.gov.in/PressReleasePage.aspx?PRID=2246357®=48&lang=2
https://www.pib.gov.in/PressReleseDetailm.aspx?PRID=2325901®=48&lang=2
https://www.pib.gov.in/PressReleasePage.aspx?PRID=2294832®=3&lang=1
https://www.pib.gov.in/PressReleasePage.aspx?PRID=2323590®=48&lang=2
https://www.pib.gov.in/PressReleasePage.aspx?PRID=2120876®=3&lang=2
https://www.pib.gov.in/PressReleasePage.aspx?PRID=2220980®=3&lang=1
https://www.pib.gov.in/PressReleasePage.aspx?PRID=2288866&lang=1®=48
https://www.pib.gov.in/PressReleaseDetail.aspx?PRID=2327972®=48&lang=1
https://www.pib.gov.in/PressReleaseDetail.aspx?PRID=2326667®=6&lang=1
মফম অসিদগী পি.দি.এফ. পাবীয়ু
***