থাগৎখিবা:
09 NOV 2026 6:59PM by PIB Imphal
ঙসি প্রধান মন্ত্রী শ্রী নরেন্দ্র মোদীনা তেলিফোন্দা য়ুক্রেনগী রাষ্ট্রপতি ভোলোদিমিয়র জেলেন্সকিগা ৱারি শানখ্রে।
হৌজিক চৎথরিবা লাল অসিগী ওইরক্লিবা ফিবমসিংগী মতাংদা রাষ্ট্রপতি জেলেন্সকিনা মহাক্কী ওইবা মীৎয়েং থমখ্রে।
মীওইবা খুন্নাইগী য়াইফনবা খনবা ভারতকী থৌরাং অদু প্রধান মন্ত্রীনা অমুক হন্না থমখি অমসুং ৱারি শানবা অমসুং কুতনিতিগী খুৎথাংদা মুক্নরিবা অসি ৱারোইশিন পুরক্কদবনি হায়বা ভারতকী ফিরেপ অমুক হন্না ফোঙদোকখি। মুক্নরিবা অসি শান্তি ওইনা ৱারোইশিন পুরক্নবা মতেং পাংনবা ভারতনা থৌরাং তৌদুনা লৈরিবা অদু প্রধান মন্ত্রী মোদীনা ফোঙদোকখ্রে।
লৈবাক অনিগী মীয়াম কান্নবশিং ফংনবা তোঙান তোঙানবা হিরমশিংদা ভারত-য়ুক্রেন লৈবাক অনি মতেং পাংনবা মখা তানা ফগৎহন্নবা লম্বীশিং লুচিংবশিংনা খন্নখ্রে।
***