তৱাং মোনাস্তরীদা শাক্যমুনি বুদ্ধগী শেংলবা রেলিকশিংদা ভক্তা ২১,০০০ হেনবনা ইকাই খুম্নবা উৎখ্রে

হৌজিক ফাওবদা ভক্তা ২১,০০০ হেনবনা গদেন নামগ্যাল লহাৎসে (তৱাং মোনাস্তরী) শাক্যমুনি বুদ্ধগী শেংলবা রেলিকশিংদা থৌনিখ্রে অমসুং ইকাই খুম্নবা উৎখ্রে। মখোয়না শাক্যমুনি বুদ্ধগী লাইনিং লাইশোনগী মফমদা ইকাই খুম্নবা উৎখ্রে। তৱাং অমসুং অরুনাচল প্রদেশকী মনাক নকপদা লৈবা মফমশিংদগী ভক্তাশিংনা শেংলবা রেলিকশিং লৈরিবা অসিদা থৌজালশিং নীজহৌনবা মোনাস্তরীদা লাক্নখি। তাৱাং মোনাস্তরীদা লৈরিবা এক্সপোজিসন অসি ২০২৬গী নবেম্বর ৭ ফাওবা মীয়ামগীদমক্তা হাংদুনা লৈগনি।

এক্সপোজিসন অসি অখন্নবা পুৱারী অমসুং স্পিরিচুএলগী ওইবা মরুওইবা অমা লৈরি মরমদি অরুনাচল প্রদেশতা চহি ১৩গী মতুংদা হল্লকপনি। ন্যু দিল্লীগী নেস্নেল ম্যুজিয়মদগী পুরকখিবা রেলিকশিং অসিনা বুদ্ধিস্তকী লম্বোইবশিং, লম্বোইবীশিং, ভক্তাশিং অমসুং মীয়ামদা শাক্যমুনি বুদ্ধগী শেংলবা লেমহৌরিবা পোৎশকশিংদা ইকাই খুম্নবা উৎনবা অমসুং ভারতকী বুদ্ধিস্ত হেরিতেজগা লোয়ননা মখোয়গী মরী হেন্না চেৎশিনহন্নবা খুদোংচাবা অমা পীরি।

১৮৯৮দা উত্তর প্রদেশকী পিপরাহৱাহতা শেংলবা রেলিকশিং অদু ফংখি। মখোয়গী দিস্কোভরী অসিনা বুদ্ধিজমগী আর্কিওলোজিকেল হিস্তরীদা মরু ওইবা মাইলস্তোন অমা ওইখি। ন্যু দিল্লীগী নেস্নেল ম্যুজিয়মদা ঙাক-শেন্দুনা থম্বা, রেলিকশিং অসি বুদ্ধিস্ত কম্ম্যুনিতীশিংগীদমক পুৱারী, আর্কিওলোজিকেল অমসুং স্পিরিচুএলগী ওইবা মরুওইবা লৈ।

বুদ্ধ ধর্মগী শিংথানীংঙাই ওইরবা হেরিতেজ অদু উৎনবা তৱাং মোনাস্তরীদা অখন্নবা একজিবিসন অনিসু পাংথোকখ্রে ,সোমা বুদ্ধিজমগী ইনাক খুল্লবা লেগেসী উৎখি। ইন্তর্নেস্নেল বুদ্ধিস্ত কনফেদরেসন (আই.বি.সি.)গী ‘অনআর্থিং দি সেক্রেদ পিপরাহৱা: দি স্তোরী ওফ দি হোলী বুদ্ধ রেলিক্স এন্দ দিয়র দিস্কোভরী’ন্যু রেলিকশিং অসিগী দিস্কোভরী অমসুং পুৱারীগী ওইবা মরু ওইবা অদু থীজিনখি। নই দিল্লীগী নেস্নেল ম্যুজিয়মনা শেমখিবা 'ক্রোসরোদস ওফ ধম্ম: ক্লাসিকল লেগেসিস, লিভিং আর্ত, অমসুং এন্থ্রোপোলোজিকেল পর্সপেক্তিভস'দা বুদ্ধ ধর্ম্মগী পুৱারী, আর্তিস্তিক অমসুং কলচরেলগী মগুনশিং উৎলি।

তৱাং মোনাস্তরীদা এক্সপোজিসন অদুগী মতুংদা, শেংলবা রেলিকশিং অসি নবেম্বর ৮দগী ১৩ ফাওবা বোমদিলাগী তি.জি.এল. মোনাস্তরী (লোয়র গোম্পা), অমসুং মদুগী মতুংদা নবেম্বর ১৪দগী ২০, ২০২৬ ফাওবা নামসাইগী গোল্দন পেগোদাদা পুগনি। হোলী রেলিকশিং অদু নবেম্বর ২১, ২০২৬তা ন্যু দিল্লীগী নেস্নেল ম্যুজিয়মদা অমুক হল্লক্নবা থৌরাং তৌরি।

এক্সপোজিসন অসি ভারত সরকারগী কলচর মন্ত্রালয়না ইন্তর্নেস্নেল বুদ্ধিস্ত কনফেদরেসন অমসুং অরুনাচল প্রদেশ সরকারগা খুৎশম্নদুনা শীন-লাংদুনা পাংথোক্লি। মসিগী খোঙথাং অসিনা লৈবাক অসিগী চাউরবা বুদ্ধ হেরিতেজ অসিবু ঙাক-শেন্দুনা থম্নবা অমসুং প্রমোৎ তৌনবা ভারত সরকারগী অচেৎপা ফিরেপ অদু উৎলি অমসুং শান্তি, নুংশিবা, লৌশিং অমসুং য়ুনিভর্সেল ব্রদরহুদতা য়ুম্ফম ওইবা ভগবান বুদ্ধগী মতম চুপ্পগী ওইবা পাউতাকশিং শন্দোক্লি।

***