এয়রপোর্ত তরেৎতা দিজি য়াত্রানা ইন্তর্নেস্নেল পেসেঞ্জর ত্রাইলশিং হৌখ্রে

লৈবাক অসিগী এভিএসন সেক্তরদা দিজিতেল তেক্নোলোজী শিজিন্নবদা অতোপ্পা খোঙথাং অমা ওইনা দিজি য়াত্রা অসি ভারত শিনবা থুংবগী এয়রপোর্ত তরেৎতা ইন্তর্নেস্নেল পেসেঞ্জরশিংগীদমক চাংয়েং হৌখ্রে। ২০২৬কী নবেম্বরদগী দিসেম্বর ফাওবা চৎথগদবা ত্রাইএল অসিনা ই-পাসপোর্ত লৈবা ইলিজিবল ওইরবা ভারত মচাশিংনা এয়র ইন্দিয়া অমসুং ইন্দিগোনা ওপরেৎ তৌবা খনগৎলবা ইন্তর্নেস্নেল ফ্লাইতশিংদা চৎপা মতমদা দিজি য়াত্রা অসি এয়রপোর্ত তচপোইন্তশিংদা শিজিন্নবা য়াহল্লগনি।

ত্রাইএলশিং অসি দিল্লী, বেঙ্গালুরু, হায়দ্রাবাদ, কোচিন, মুম্বাই, চেন্নাই অমসুং অমৃতসর এয়রপোর্তশিংদা পাংথোক্লি। ইলিজিবল ওইবা পেসেঞ্জরশিংনা তর্মিনেল এন্ত্রী পোইন্তশিং, সেক্যুরিতী হোল্দ এরিয়াশিং (এস.ঐচ.এ.) অমসুং বোর্দিং গেৎশিংদা, মথৌ তাবা ইনফ্রাস্ত্রকচর ফংলবা মফম খুদিংদা ফেসিলিতী অসি শীজিন্নবা য়াগনি। চাংয়েং মতমগী মনুংদা ফংবা ফীদবেক অসিনা ২০২৭তা পাক-শন্না রোল আউৎ তৌনবগী থৌরাং তৌবদা ইনফোর্ম তৌগনি।

ফেসিলিতী অসি এক্সেস তৌনবগীদমক, ইলিজিবল ওইবা ভারত মচাশিংনা দিজি য়াত্রা মোবাইল এপ্লিকেসনগী খুত্থাংদা ই-পাসপোর্ত-বেজ ভেরিফাইদ ক্রেদেন্সিএল (ভি.সি.) অমা শেমগদবনি। থৌওং অসিদা ই-পাসপোর্তকী মেছিন রিদেবল জোন (এম.আর.জে.দি.) স্কেন তৌবা, কমপেতিবল স্মার্তফোন অমগী নেয়র ফিল্দ কম্ম্যুনিকেসন (এন.এফ.সি.) ফিচর শিজিন্নদুনা এম্বেদ তৌরবা চিপ অদু লৌবা, সেল্ফি অমা লৌবা অমসুং অকুপ্পা মরোলশিং অদু ভেরিফাই তৌবা য়াওরি। ক্রেদেন্সিএল অসি পেসেঞ্জরগী দিজি য়াত্রা ৱাল্লেৎতা দিভাইস অদুদা স্তোর তৌগনি অমসুং ত্রাইএলশিংগীদমক এয়রপোর্ত তচপোইন্তশিংদা শিজিন্নবা য়াগনি।

ফেসিলিতী অসিনা হৌজিক লৈরিবা ত্রেভেল প্রোসেসশিংবু মহুৎ শিন্দোক্লোই, অদুবু মখোয়বু মতেং পাংশিন্নবগী শেমগৎলি। পেসেঞ্জরশিংনা মখোয়গী ত্রেভেল দোক্যুমেন্তশিং মখা তানা পুগদবনি অমসুং এয়রলাইন্সকী দোক্যুমেন্ত চেক তৌবা, ইমিগ্রেসন প্রোসিজরশিং অমসুং অতোপ্পা চৎনবা য়াবা ত্রেভেল ফোর্মেলিতীশিং মপুং ফাহনগদবনি।

দিজি য়াত্রা অসি ভারতকী এভিএসন নেৎৱার্ক শিনবা থুংনা পাকথোক চাউথোকপা লেপ্তনা হেনগৎলক্লি। প্লেৎফোর্ম অসিদা য়ুজর মিলিয়ন ২৬.৫ হেনখ্রে অমসুং দোমেস্তিক এয়রলাইনশিং সর্বিস তৌরিবা দোমেস্তিক এয়রপোর্ত ৩৯দা ত্রেন মিলিয়ন ১১০ হেন্না পাংথোকখ্রে। ২০২৭ ফাওবদা অতোপ্পা দোমেস্তিক এয়রপোর্ত ২৫ কভর তৌনবা থৌরাং তৌরি।

দিজিতেল ইন্দিয়া অমসুং ইজ ওফ ফ্লাইংগী ভারত সরকারগী মঙলানগী মতুং ইন্না সিভিল এভিএসন মন্ত্রালয়না এয়রপোর্ত ওপরেসনশিং ফগৎহন্নবা অমসুং এয়র ত্রেভেলগী খুদোংচাবা ফংহন্নবা তেক্নোলোজী শিজিন্ননবা লেপ্পা লৈতনা হোৎনরি।

***