Ha ka:
02 NOV 2026 1:04PM by PIB Shillong
U Myntri Rangbahduh ka Ri, U Narendra Modi, mynta ka sngi, u la sam ïa kawei ka jingthoh ba la thoh da u Myntri ka Sorkar Pdeng, U Pralhad Joshi, bad U Mike Bloomberg, halor kumno ba ka jingkylla jong ka India sha ka jingpyndonkam ïa ka bording kaba khuid (clean energy) ka la nang kiew stet, ha kaba ka bording da ka sngi (solar power) ka don ia ka bynta kaba khraw ha ka ban pynbiang ïa ki jingdonkam bording ha ka ri. U Modi u la pynpaw ba kane ka jingthoh ka kdew ïa ka jingroi jong ka bording ba lah ban pynthymmai (renewable energy), ka jingpyniar jong ka jingpyndonkam ïa ki solar panel ha ki tnum ïing (rooftop solar), bad ki jingbei tyngka ha ki rukom buh bad rukom pynpoi ia ki bording. U la kdew ruh ba kane ka jingkylla ka ïarap ban pynduna ïa ki bai bording, ban thaw ïa ki lad kamai kajih bad ban pynkhlaiñ ïa ka jingpynbiang bording.
U Myntri Rangbahduh ka ri ha u kyrwoh lyngba ka rynsan social media X
Ka jingkylla jong ka India sha ka jingpyndonkam ïa ka bording kaba khuid ka la nang kiew stet, ha kaba ka bording sngi (solar power) ka don ia ka bynta kaba khraw ha ka ban pynbiang ïa ki jingdonkam bording ha ka ri.
U @MikeBloomberg bad u Myntri ka Sorkar Pdeng, U @JoshiPralhad, ki la thoh shaphang ka jingroi jong ka bording ka ba lah ban pynthymmai (renewable energy), ka jingnang pyniar ïa ka jingpyndonkam ïa ki solar panel ha ki tnum ïing (rooftop solar), bad ki jingbei tyngka ha ki rukom buh bad pynpoi ia ki bording.
Ki la pynpaw ruh kumno kane ka jingkylla ka ïarap ban pynduna ïa ki bai bording, ban thaw ïa ki lad kamai kajih bad ban pynkhlaiñ ia ka jingpynbiang bording