কাইলৈ গুজৰাটৰ বানচকণ্ঠত প্ৰধানমন্ত্ৰী শ্ৰী নৰেন্দ্ৰ মোদীয়ে মুকলি কৰিব পিএম-কিষাণৰ চৌবিশ সংখ্যক কিস্তি

প্ৰধানমন্ত্ৰী শ্ৰী নৰেন্দ্ৰ মোদীয়ে কাইলৈ (৩০ অক্টোবৰ ২০২৬) গুজৰাটৰ বানাসকান্থাত প্ৰধানমন্ত্ৰী কিষাণ সন্মান নিধিৰ ২৪ সংখ্যক কিস্তি মুকলি কৰিব। এই কিস্তিৰ জৰিয়তে সমগ্ৰ দেশৰ ৯.৩৪ কোটিতকৈও অধিক কৃষকৰ বেংক একাউণ্টত পোনপটীয়াকৈ ১৮,৬৯০ কোটিতকৈও অধিক টকা হস্তান্তৰ কৰা হ’ব, যিয়ে কৃষকসকলৰ কল্যাণ আৰু অৰ্থনৈতিক সৱলীকৰণৰ প্ৰতি চৰকাৰৰ প্ৰতিশ্ৰুতিবদ্ধতাক প্ৰতিফলিত কৰিছে।

প্ৰধানমন্ত্ৰীয়ে কৃষি সংৰক্ষণ, প্ৰক্ৰিয়াকৰণ আৰু আনুষংগিক আন্তঃগাঁথনি শক্তিশালী কৰাৰ বাবে কৃষি আন্তঃগাঁথনি পুঁজিৰ অধীনত স্থাপন কৰা ৫২১টা গোট ৰাষ্ট্ৰলৈ উৎসৰ্গা কৰাৰ লগতে উচ্চ মূল্যৰ উদ্যান শস্যৰ প্ৰচাৰ আৰু কৃষকসকলৰ উপাৰ্জনৰ সম্ভাৱনা বৃদ্ধিৰ বাবে ১২টা উদ্যান কৃষি গোট মুকলি কৰিব।

কেন্দ্ৰীয় কৃষি আৰু কৃষক কল্যাণ মন্ত্ৰী শ্ৰী শিৱৰাজ সিং চৌহানে মধ্যপ্ৰদেশৰ ৰাইচেনত প্ৰধানমন্ত্ৰী কিষাণ সন্মান নিধিৰ  ২৪ সংখ্যক কিস্তি মুকলি কৰাৰ অনুষ্ঠানত অংশগ্ৰহণ কৰিব। এই অনুষ্ঠানত অঞ্চলটোৰ বৃহৎ সংখ্যক কৃষকে অংশগ্ৰহণ কৰিব বুলি আশা কৰা হৈছে, যিয়ে প্ৰধানমন্ত্ৰী কিষাণ সন্মান নিধি আৰু কৃষি বিভাগৰ অন্যান্য প্ৰধান পদক্ষেপসমূহৰ গুৰুত্বক আলোকপাত কৰাৰ বাবে এক গুৰুত্বপূৰ্ণ মঞ্চ প্ৰদান কৰিব। ইয়াৰ লগতে কৃষকৰ কল্যাণ, সমৃদ্ধি আৰু সৱলীকৰণৰ প্ৰতি চৰকাৰৰ নিৰন্তৰ প্ৰতিশ্ৰুতিক পুনৰ দৃঢ় কৰিব।

প্ৰধানমন্ত্ৰী কিষাণ সন্মান নিধিৰ  প্ৰথম ২৩টা কিস্তিৰ জৰিয়তে ইতিমধ্যে যোগ্য কৃষকসকলক ৪.৪৭ লাখ কোটিতকৈও অধিক ধন বিতৰণ কৰা হৈছে। এই আঁচনিখনে প্ৰত্যক্ষ লাভ হস্তান্তৰৰ জৰিয়তে যোগ্য কৃষক পৰিয়ালসমূহক উপাৰ্জনৰ সহায় প্ৰদান কৰাৰ উপৰি তেওঁলোকক কৃষি আৰু ঘৰুৱা ব্যয় পূৰণ কৰাত সহায় কৰে তথা তেওঁলোকৰ জীৱিকা সুৰক্ষাত সহায় কৰে।

কৃষি হৈছে ভাৰতৰ অৰ্থনীতিৰ মেৰুদণ্ড, যিয়ে কোটি কোটি কৃষকৰ জীৱিকাৰ সুবিধা দিয়াৰ লগতে খাদ্য আৰু পুষ্টি সুৰক্ষা নিশ্চিত কৰে। প্ৰধানমন্ত্ৰী শ্ৰী নৰেন্দ্ৰ মোদীৰ দূৰদৰ্শী নেতৃত্বত চৰকাৰে বিগত ১২ বছৰত কৃষকসকলৰ উপাৰ্জন উন্নত কৰা, কৃষি খণ্ডত আত্মনিৰ্ভৰশীলতাৰ লক্ষ্য আৰু দৃষ্টিভংগী প্ৰাপ্ত কৰাৰ বাবে আধুনিক কৃষি পদ্ধতিৰ প্ৰচাৰৰ ক্ষেত্ৰত কেইবাটাও গুৰুত্বপূৰ্ণ পদক্ষেপ গ্ৰহণ কৰিছে।

এই ক্ষেত্ৰত প্ৰধানমন্ত্ৰী কিষাণ সন্মান নিধি (পিএম-কিষাণ), প্ৰধানমন্ত্ৰী ফচল বীমা যোজনা, কিষাণ ক্ৰেডিট কাৰ্ড, ন্যূনতম সমৰ্থন মূল্য (এম এছ পি), প্ৰতি টোপালত অধিক শস্যকে ধৰি  কেইবাটাও মূল পদক্ষেপসমূহৰ ভিতৰত সামৰি লোৱা হৈছে । এই ব্যৱস্থাসমূহৰ লক্ষ্য হৈছে খেতিয়কসকলক আৰ্থিক সাহায্য প্ৰদান কৰা, বিপদাশংকাৰ সুৰক্ষা শক্তিশালী কৰা, কৃষি ঋণৰ সুবিধা উন্নত কৰা আৰু কৃষকসকলৰ সামগ্ৰিক সৱলীকৰণৰ বাবে প্ৰযুক্তি-চালিত কৃষি শাসন ব্যৱস্থাক প্ৰসাৰিত কৰা।

চৰকাৰে ৰাষ্ট্ৰীয় খোৱাতেল অভিযান আৰু দাইলৰ ক্ষেত্ৰত স্বাৱলম্বিতাৰ বাবে অভিযান আদি পদক্ষেপৰ জৰিয়তে কৃষিখণ্ডত স্বাৱলম্বিতাৰ দিশতো আগবাঢ়িছে। ইয়াৰ উপৰিও, ৰাষ্ট্ৰীয় প্ৰাকৃতিক কৃষি অভিযানে দেশজুৰি ক্লাষ্টাৰ গঠনৰ জৰিয়তে কৃষকসকলক বহনক্ষম কৃষি পদ্ধতি গ্ৰহণ কৰিবলৈ উৎসাহিত কৰিছে।

কৃষকসকলৰ লাভ বৃদ্ধিৰ ক্ষেত্ৰত শস্য চপোৱাৰ পিছৰ ব্যৱস্থাপনা আৰু কৃষি আন্তঃগাঁথনিৰ গুৰুত্ব স্বীকাৰ কৰি কৃষি আন্তঃগাঁথনি পুঁজি (এ আই এফ) য়ে গুদাম, শীতল ভাণ্ডাৰৰ সুবিধা, প্ৰাথমিক প্ৰক্ৰিয়াকৰণ কেন্দ্ৰ আৰু অন্যান্য অত্যাৱশ্যকীয় কৃষি আন্তঃগাঁথনিৰ ক্ষেত্ৰত বিনিয়োগক উৎসাহিত কৰে। এই আঁচনিৰ অধীনত সমগ্ৰ দেশতে ২.২৮ লাখতকৈও অধিক প্ৰকল্পত প্ৰায় ১.৭৫ লাখ কোটি টকাৰ বিনিয়োগ কৰা হৈছে, যিয়ে দেশৰ গুৰুত্বপূৰ্ণ কৃষি আন্তঃগাঁথনিৰ বিকাশত সহায় কৰিছে। এই বিনিয়োগসমূহে মজুতকৰণ আৰু প্ৰক্ৰিয়াকৰণৰ ক্ষমতা শক্তিশালী কৰিব, চপোৱাৰ পিছত হোৱা লোকচান হ্ৰাস কৰিব, বজাৰৰ সংযোগ উন্নত কৰিব আৰু কৃষকসকলক তেওঁলোকৰ উৎপাদিত সামগ্ৰীৰ উচিত মূল্য লাভ কৰাত সহায় কৰিব বুলি আশা কৰা হৈছে।

উপাৰ্জনৰ সুযোগ বৃদ্ধি কৰিবলৈ আৰু কৃষিকাৰ্য্যক অধিক লাভজনক কৰি তুলিবলৈ চৰকাৰে উদ্যানশস্যৰ দৰে উচ্চ-মূল্যৰ কৃষি কাৰ্য্যকলাপৰ দিশত বৈচিত্ৰ্যতাকো উদগনি যোগাইছে। উদ্যানশস্যৰ ক্লাষ্টাৰসমূহৰ উন্নয়ন হৈছে উদ্যানশস্যৰ মূল্য শৃংখলা শক্তিশালী কৰা আৰু উচ্চ-মূল্যৰ শস্যৰ উৎপাদন তথা বিপণনক উৎসাহিত কৰাৰ দিশত এক গুৰুত্বপূৰ্ণ পদক্ষেপ।

এই পদক্ষেপসমূহে কৃষকসকলক আৰ্থিক সাহায্য প্ৰদান কৰা, কৃষি আন্তঃগাঁথনি আধুনিকীকৰণ কৰা, শস্যৰ বৈচিত্ৰ্যতাক উদগনি যোগোৱা আৰু 'বিকশিত ভাৰত'ৰ দৃষ্টিভংগীৰ সৈতে সংগতি ৰাখি এক সমৃদ্ধিশালী, স্থিতিস্থাপক তথা স্বাৱলম্বী কৃষি খণ্ড গঢ়ি তোলাৰ ক্ষেত্ৰত চৰকাৰৰ প্ৰচেষ্টাক আৰু অধিক আগুৱাই নিব।

***

SS/DK/DD