ইন্দিয়া-পোলেন্দ জোইন্ত স্তেৎমেন্ত

ভারতকী প্রধান মন্ত্রী, শ্রী নরেন্দ্র মোদীনা বর্তন তৌবদগী রিপব্লিক ওফ পোলেন্দগী প্রধান মন্ত্রী, শ্রী দোনাল্দ তস্কনা ওক্তোবর ২১-২৩, ২০২৬তা ভারত্তা ওফিসিএল ওইবা খোঙচৎ অমদা লাকখি। মকোক থোংবা সি.ই.ও. ১০০ অমসুং ইন্দস্ত্রীগী মীহুৎশিংগা লোয়ননা অৱাংবা থাক্কী খোঙবু অমনা প্রধান মন্ত্রী তস্কগা লোয়ননা লাকখি।

প্রধান মন্ত্রী মোদী অমসুং প্রধান মন্ত্রী তস্কনা বাইলেতরেল, রিজনেল অমসুং নাকল অনিগী কান্নগদবা মালেমগী হীরমশিংদা পুম্নমক শুবা খন্ন-নৈনবশিং পাংথোকখি।

স্ত্রেতেজিক পার্তনরশিপকী থআক্তা বাইলেতরেলগী মরী থাক ৱাংখৎহনখিবা অমসুং ২০২৪-২০২৮কীদমক ইন্দিয়া-পোলেন্দ এক্সন প্লান এদোপ্ত তৌখিবা ওগস্ত ২০২৪দা প্রধান মন্ত্রী মোদীনা পোলেন্দদা লাকখিবা পুৱারী ওইরবা খোঙচৎ অদুবু প্রধান মন্ত্রীনা নীংশিংখি। মখোয়না ভারতকী মপাল থৌরম মন্ত্রী দা. এস. জয়শঙ্কর অমসুং পোলিশকী উপ প্রধান মন্ত্রী অমসুং ফোরেন মন্ত্রী রাদোস্লো সিকোর্সকীনা সেপ্তেম্বর ২০২৬তা ৱারসোদা এক্সন প্লানগী মিদ-তর্ম রিভ্যু তৌখিবা অদু পনখি।

প্রধান মন্ত্রীনা হায়খি মদুদি হৌজিক লাক্লিবা খোঙচৎ অসিনা স্ত্রেতেজিক পার্তনরশিপতা অনৌবা শাহৌ পীরি অমসুং মসিগী পার্তনরশিপ অসিবু অচেৎপা, অকক্নবা মতমগী মনুংদা পাংথোকপা ঙম্বা অমসুং নাকল অনিমক্তা কান্নগদবা ফলশিং পীগদবা ওইহন্নবা মখোয়গী ফিরেপ অদু নৌনা ফোংদোক্লি।

লুচিংবশিংনা অৱাংবা থাক্কী পোলিতিকেল এক্সচেঞ্জশিং অমসুং ইন্সতিত্যুস্নেল দাইলোগ কনশিনহনবা, অমসুং মখোয়গী পার্লিয়ামেন্তশিং, স্তেৎ অমসুং রিজনেল ওথোরিতীশিং, থিঙ্ক তেঙ্কশিং অমসুং পোলিসী ইন্সতিত্যুসনশিংগী মরক্তা এঙ্গেজমেন্ত হেন্না হেনগৎহন্নবা পুক্নিং থৌগৎনবা য়ান্নখি।

প্রধান মন্ত্রীশিংনা নই দিল্লীদা জনুৱারী ২৭, ২০২৬তা পাংথোকখিবা পুৱারী ওইরবা ইন্দিয়া-ই.য়ু. সম্মিৎ, তুৱার্দস ২০৩০: এ জোইন্ত ইন্দিয়া-য়ুরোপিয়ন য়ুনিয়ন কমপ্রিহেন্সিব স্ত্রেতেজিক এজেন্তা, ই.য়ু.-ইন্দিয়া ফ্রী ত্রেদ এগ্রীমেন্ত (এফ.তি.এ.) অমসুং কমপ্রিহেন্সিব ফ্রেমৱার্ক ওফ কোওপরেসন ওন মোবিলিতী লোইশিনখিবগী মরু ওইবা অদু থমখি। এফ.তি.এ.দা মখোয়না ললোন-ইতিক অমসুং ইনভেস্তমেন্তগীদমক অনৌবা খুদোংচাবশিং পুথোকপা, ক্রিতিকেল ভেল্যু চেনশিং দাইভর্সিফাই তৌবা অমসুং মপাঙ্গল কনখৎহনবা, অমসুং অনৌবা কৈথেলশিং হাংবগী ৱাখল্লোনগা লোয়ননা মসিবু ঙন্না খুৎয়েক পীননবা অমসুং রেতিফিকেসন তৌনবা লোয়ননা মতম চানা ইমপ্লিমেন্ত তৌনবগীদমক হায়খি।

ললোন-ইতিক, ইকনোমিক কোওপরেসন অমসুং ইনভেস্তমেন্ত

ভারতকী প্রধান মন্ত্রীনা পোলেন্দনা জি.দি.পি.দা য়ু.এস.দি. ত্রিলিয়ন ১ লানখিবদা নুংঙাইবা ফোংদোকখি অমসুং পোলিশ ইকনোমীগী মপাঙ্গল কনবা অমসুং দাইনামিজমবু শীংথাখি। পোলেন্দনা ভারতনা খ্বাইদগী খুমাং চাউশিল্লিবা অচৌবা ইকনোমী ওইনা লৈরিবা ভারতকী রেকোর্দ অমসুং লাক্কদৌরিবা চহিশিংদা য়ু.এস.দি. ত্রিলিয়ন ১০গী ইকনোমী অমা ওইনবগী শীংথানীংঙাই ওইবা ত্রেজেক্তরী অসিবু থাগৎখি। লুচিংবশিংনা ইকনোমী অনিগী অমনা অমদা মতেং পীনবা য়াবা পাঙ্গলশিং অমসুং ভারতকী অমসুং পোলেন্দগী মশাগী গ্রোথকী লম্বীদগী লাকপা খুদোংচাবশিং অদু মশক খঙদোকখি ।

লুচিংবশিংনা ২০৩০ ফাওবদা বাইলেতরেল ত্রেদকী তার্গেৎ থমখি। ভারতকী প্রধান মন্ত্রীনা পোলিশ কম্পনীশিংদা ভারত্তা মখোয়গী ইনভেস্তমেন্তশিং অমসুং ওপরেসনশিং পাকথোক চাউথোক্নবা অমসুং ভারতকী অচৌবা কৈথেলম স্কিল ৱার্কফোর্স অমসুং চাউখৎলক্লিবা মেন্যুফেকচরিং অমসুং ইন্নোভেসন ইকোসিস্তেমদা কান্নবা লৌনবা বর্তন তৌখি। প্রধান মন্ত্রী তস্কনা পোলেন্দদা ভারতকী ইনভেস্তমেন্ত তৌরিবা অদুবু থাগৎখি অমসুং সেন্ত্রেল অমদি ইস্তর্ন য়ুরোপতা অমসুং পাক চাউরবা য়ুরোপিয়নগী কৈথেলদা মাগী প্রজেন্স পাকথোক চাউথোকহন্নবা ভারত মচাগী বিজিনেসশিংগীদমক গেৎৱে অমা ওইনা পোলেন্দগী মপাঙ্গল অদুগী মতাংদা ফোংদোকখি।

লুচিংবশিংনা বাইলেতরেল ত্রেদ অমসুং কোওপরেসন মপাঙ্গল কনখৎহন্নবা পান্দম থম্মিবা বাইলেতরেল ৱার্কিং গ্রুপকী থবক-থৌরমশিং অমুক হৌদুনা লৌউ-শিংউদা তেংবাং পীনবা হেনগৎহন্নবা য়ান্নখি।

লুচিংবশিংনা লৈবাক অনিমক্কী মকোক থোংবা সি.ই.ও.শিং অমসুং ইন্দস্ত্রীগী মীহুৎশিং য়াওদুনা খোঙচৎ মনুংদা ইন্দিয়া-পোলেন্দ বিজিনেস ফোরমবু তরাম্না ওকখি। মখোয়না ইন্দস্ত্রিএল মেছিনরী, দিফেন্স, ইনফ্রাস্ত্রকচর, ফার্মাস্যুতিকেল্স, মাইনিং, অমসুং ক্রিতিকেল মিনরেলশিং, ইনর্জী, আই.সি.তি. অমসুং নাকল অনিগী ওইবা অতোপ্পা লমশিং য়াওনা সেক্তরশিংদা পার্নরশিপশিং থিদোক্নবা বিজিনেসশিংগী পুক্নিং থৌগৎখি।

লুচিংবশিংনা মপাঙ্গল কনবা অমসুং দাইভর্সিফাই ওইবা সপ্লাই চেনশিংগী মরু ওইবা, মীদিয়ম অমসুং স্মোল এন্তরপ্রাইজশিং প্রমোৎ তৌবা, ইন্নোবেসননা লমজিংবা গ্রোথ অমসুং ত্রান্সফোর্মেসনগী মতাংদা ফোংদোকখি। মখোয়না ইকনোমিক গ্রোথ, প্রদক্তিবিতী অমসুং পব্লিক সর্ভিস দেলিভরীদা দিজিতেল তেক্নোলোজীশিং অমসুং আর্তিফিসিএল ইন্তেলিজেন্সকী অওনবা পুরক্লিবা থৌদাং অদু শকখঙখি। ইন্দিয়া-ই.য়ু. কমপ্রিহেন্সিব স্ত্রেতেজিক এজেন্দাবু শকখঙবা ওইনা লুচিংবা অনিমক্না এ.আই., সেমিকন্দক্তরশিং অমসুং ক্বাতম তেক্নোলোজীশিং লোয়ননা স্তার্তঅপ পার্তনরশিপশিং হেনগৎহন্নবা কোলাবোরেতিব রিসর্চ তৌনবসু য়ান্নখি। মখোয়না লৈবাক অনিমক্তা এন্তরপ্রাইজশিং, রিসর্চ ইন্সতিত্যুসনশিং অমসুং ইন্নোভেসন ইকোসিস্তেমশিংগী মরক্তা হেন্না তেংবাং পীননবা পুক্নিং থৌগৎনবা য়ান্নখি।

দিফেন্স অমসুং সেক্যুরিতী কোওপরেসন

লুচিংবশিংনা দিফেন্স অমসুং সেক্যুরিতী কোওপরেসন মপাঙ্গল কনখৎহন্নবা মখোয়গী ফিরেপ অমুক হন্না ফোংদোক্নখি। মখোয়না ২০২৬কী সেপ্তেম্বরদা ৱারসোদা পাংথোকখিবা জোইন্ত ৱার্কিং গ্রুপ ওন দিফেন্সকী ৮শুবা মীফমগী ফলশিং অদু তরাম্না ওকখি অমসুং লৈবাক অনিমক্কী দিফেন্স এস্তাব্লিশমেন্তশিংগী মরক্তা চাং নাইনা এক্সচেঞ্জশিং তৌনবা য়ান্নখি।

লুচিংবশিংনা ভারত অমসুং পোলিশ দিফেন্স ইন্দস্ত্রীশিংগী মরক্তা হেনগৎলক্লিবা ইন্তরেক্সন অদুবু তরাম্না ওকখি অমসুং কম্মর্সিএল ওইনা তেংবাং পীনবা য়াবা লমশিং মশক খঙদোক্নবা মখোয়দা পুক্নিং থৌগৎখি। নাকল অনিমক্না য়ান্নরবা তেক্নোলোজী, কো-দিবেলপমেন্ত, কো-প্রদক্সন অমসুং ইন্দস্ত্রিএল কোল্লাবোরেসনগী অতোপ্পা মওংশিংদা পার্তনরশিপ তৌরিবা হেন্না চাউবা বিজিনেস-তু-বিজিনেস এঙ্গেজমেন্ত য়াওনা দিফেন্স ইন্দস্ত্রিএল কোওপরেসনগীদমক তুংলমচৎকী কান্নগদবা ফ্রেমৱার্ক অমা শেমগৎনবা পুক্নিং থৌনবা দিফেন্স ইন্দস্ত্রী দাইলোগ অমা লুচিংবশিংনা প্রপোজ তৌখি।

লুচিংবা অনিমক্না জনুৱারী ২০২৬তা খুৎয়েক পীনখিবা ইন্দিয়া-ই.য়ু. সেক্যুরিতী অমসুং দিফেন্স পার্নরশিপ অদু তরাম্না ওকখি অমসুং বিজিনেস অমদি অতোপ্পা প্লেৎফোর্মশিংগী খুত্থাংদা য়াওনা ক্রিতিকেল অমসুং ইমর্জিং তেক্নোলোজীশিং, সাইবরসেক্যুরিতী অমসুং দিফেন্স ইন্নোভেসনদা ইন্দিয়া-পোলেন্দ কোওপরেসন মপাঙ্গল কনখৎহনবগী মরু ওইবা অদু থমখি, মসিনা তেক্নোলোজিকেল রেজিলিয়েন্স হেনগৎহনগনি অমসুং ইন্দিয়া-ই,য়ু. সেক্যুরিতী অমসুং দিফেন্স কোওপরেসন হেন্না চেৎশিনহনগনি।

নাকল অনিমক্না ম্যুচুএল প্রোতেক্সন অমসুং ক্লাসিফাইদ ইনফোর্মেসন এক্সচেঞ্জ তৌবগী মতাংদা য়ান্ন-ৱারোল অমা তৌবগী মরু ওইবা থমখি অমসুং মসি অথুবদা খুৎয়েক পীনবগী মখোয়গী অপাম্বা ফোংদোকখি।

স্পেস কোওপরেসন/ অনৌবা তেক্নোলোজীশিং

লুচিংবশিংনা স্পেস সেক্তরদা তেংবাং পীনবা অসি স্ত্রেতেজিক পার্নতশিপকী মরু ওইবা মশক অমা ওইনা শকখঙখি অমসুং ইন্সতিত্যুস্নেল অমসুং ইন্দস্ত্রীগী থাক্কী এঙ্গেজমেন্ত মপাঙ্গল কনখৎহন্নবা পুক্নিং থৌগৎখি অমসুং নাকল অনিমক্তা কান্নগদবা কোওপরেসনগী কংক্রিৎ এরিয়াশিং মশক খঙদোক্নবা খোঙথাংশিং তরাম্না ওকখি।

লুচিংবা অনিমক্না সেমিকন্দক্তরশিংদা তেংবাং পীনবা হেনগৎহন্নবা খুদোংচাবশিংসু ফোংদোকখি।

প্রধান মন্ত্রীশিংনা সর্ক্যুলর ইকনোমী অমসুং রিকোভরী ইন্দস্ত্রীদা মরু ওইনা বেত্তরীশিংগী রিসাইক্লিং অমসুং রিয়র আর্থ মিনরেলশিংগী রিফাইনিংদা মীৎয়েং থম্বা কোল্লাবোরেসনগীদমক পোতেন্সিএল অদু ফোংদোকখি।

মখোয়না জিওলোজী, মাইনিং অমসুং ক্রিতিকেল মিনরেল্স সেক্তরদা তেংবাং পীনবা হেনগৎহন্নবী খুদোংচাবশিং ফোংদোকখি। হীরম অসিদা এম.ও.য়ু. অমা তৌনবা ৱারী শারি।

কন্নেক্তিবিতী, মেরিতাইম অমসুং শিপ্পিং

লুচিংবশিংনা পোলেন্দ অমসুং ভারতকী মরক্তা দাইরেক্ত ফ্লাইৎশিং হেনগৎহন্নবগীদমক খুদোংচাবশিং থীদোক্নবগী লমবু তরাম্না ওকখি। মখোয়না বাইলেতরেলগী মরী মপাঙ্গল কনখৎহন্নবা খুদম অমা ওইনা হকথেংননা ৱারী শানবা সিভিল এভিএসন/ এরোনোতিকেল ওথোরিতীশিংবু পুক্নিং থৌগৎখি।

নাকল অনিমক্না শিপ্পিং ইন্দস্ত্রী লোয়ননা মেরিতাইম সেক্যুরিতীদা লৈরিবা তেংবাং পীনবগী লমসু ফোংদোকখি।

লুচিংবশিংনা গ্লোবেল সপ্লাই চেনশিং দাইভর্সিফাই তৌরিবা, ত্রাঞ্জিৎকী মতমশিং তেনশিনহল্লিবা অমসুং জিওপোলিতিকেলগী ওইবা অপনবশিংদগী ক্রিতিকেল ইনফ্রাস্ত্রকচর ঙাকশেন্নবগী সেক্যুর, রেজিলিয়েন্ত, অমসুং ইন্তিগ্রেতেদ নেৎৱার্ক অমা শেমগৎনবা পোর্তশিংগী মরক্তা তেংবাং পীনবা মরু ওই হায়খি। লুচিংবা অনিনা ইন্দিয়া-মিদ্দল ইস্ত-য়ুরোপ ইকনোমিক কোরিদোর (আই.এম.ই.সি.) ইনিসিএতিবকী খুত্থাংদা য়াওনা কন্নেক্তিবতী ফগৎহনবগী মরু ওইবা থমখি।

প্রধান মন্ত্রীশিংনা পোলর এফিয়র্সতা সাইন্তিফিক কোওপরেসন দিবেলপ তৌনবা য়ান্নখি।

সাইন্স, এজুকেসন অমসুং একাদেমিক কোওপরেসন

লুচিংবশিংনা পোলেন্দগী ইন্দোলোজী অমসুং সংস্কৃৎতা স্কোলরশিপ পীবগী মতম শাংলবা চৎনবীগী মতাংদা ফোংদোকখি অমসুং ক্রাকোদা য়োগেল্লোনিয়ন য়ুনিভর্সিতীদা ইন্দিয়ন স্তেদীজকী আই.সি.সি.আর. চেয়রবু তরাম্না ওকখি। মখোয়না ভারতকী য়ুনিভর্সিতীশিংদা পোলিশ লোলগী ওজাশিং লৈরিবা অদুসু ফোংদোকখি। মখোয়না ভারত অমসুং পোলিশ হায়র এজুকেসন ইন্সতিত্যুসনশিংগী মরক্তা তেংবাং পীনবগী অচৌবা নেৎৱার্ক লৈ হায়না ফোংদোকখি অমসুং ইন্সতিত্যুস্নেল পার্নরশিপশিং চেৎশিনহন্নবা, মহৈরোই অমসুং ফেকলতীগী এক্সচেঞ্জশিং তৌনবা অমসুং অহেনবা কোল্লাবোরতিব রিসর্চ তৌনবা পুক্নিং থৌগৎখি।

কলচর অমসুং মীয়ামগী মরক্তা লৈনরিবা মরীশিং

লুচিংবশিংনা স্ত্রেতেজিক পার্তনরশিপকী ওইনা মপাঙ্গল কনবা মীয়ামগী মরক্তা লৈনরিবা মরীশিং অসি মরু ওইবা য়ুম্বীনি হায়না অমুক হন্না ফোংদোকখি। মখোয়না প্রোফেস্নেলশিং অমসুং তুরিস্তশিং য়াওনা নাকল অনিগী মীওইশিংগী মরক্তা এক্সচেঞ্জশিং হেনগৎলকপবু তরাম্না ওকখি অমসুং স্পোর্তস, য়ুথ এক্সচেঞ্জশিং অমসুং তুরিজম য়াওনা কলচরেল কোওপরেসন হেনগৎহন্নবা য়ান্নখি। কলচর, সাইন্স, অমসুং হায়র এজুকেসনগী লমশিংদা তেংবাং পীনবগী এগ্রীমেন্ত অমা অথুবদা লোইশিল্লগনি নেস্নেল আর্কাইবস ওফ ইন্দিয়া অমসুং রিপব্লিক ওফ পোলেন্দগী জেনরেল দিরেক্তর ওফ স্তেৎ আর্কাইবসকী মরক্তা কোওপরেসন এগ্রীমেন্ত অমা লোইশিনখ্রে অমসুং অথুবদা খুৎয়েক পীনরগনি।

নাকল অনিমক্না মহারাজা জমসাহেব (গুদ মহারাজা হায়না পোলেন্দদা খঙনরিবা) গী মেমোরিএল অমসুং ৱারসোদা প্রিন্সিপালিতী ওফ কোলহাপুর লৈরিবা অসিনা মরু ওইরিবা লৈবাক অনিগী মীয়ামগী মরক্তা অমসুং অনিশুবা মালেমগী লাঞ্জাওগী মনুংদা পোলিশ নুপী-অঙাং লিশিং কয়াদা ভারতনা চংজফম পীখিবা পুৱারীগী মুৎনাইদ্রবা পন্দুপ অমগীমক মসিনা অহিংবা থোং অমা ওইরি হায়না ফোংদোকখি। নাকল অনিমক্না জাম সাহেব মেমোরিএল য়ুথ এক্সচেঞ্জ প্রোগ্রাম পাংথোকখিবা, হন্দক্তা ওক্তোবর ২০২৬তা পাংথোকখিবা য়াওনা এদিসন অনিগী মতাংদা অপেনবা ফোংদোকখি।

নাকল অনিমক্না পোলিশ ওথোরিতীশিংনা ওপরেসন গঙ্গাগী মখাদা য়ুক্রেনদা পন্দুনা লৈখিবা ভারত মচা ২,০০০ হেনববু তেংবাং পীখিবদা থাগৎপা ফোংদোকখিবা অদু নীংশিংখি।

মল্তিলেতরেল কোওপরেসন অমসুং মালেমগী ইস্যুশিং

লুচিংবশিংনা য়ু.এন. চার্তরদা মল্তিলেতরেলিজম অসি মাগী মরু ওইবা মচাক অমা ওইবগী মরু ওইবা অদু ফোংদোকখি। নাকল অনিমক্না য়ুনাইতেদ নেসন্স অসি রেলিভেন্ত, ক্রেদিবল অমসুং ইফেক্তিব ওইনা লৈনবগীদমক পর্মিনেন্ত অমসুং নন-পর্মিনেন্ত কেতেগোরী অনিমক্তা য়ু.এন. সেক্যুরিতী কাউন্সিলগী পাকথোক চাউথোকপগী খুত্থাংদা য়াওনা স্ত্রকচরেল রিফোর্মশিং তৌবগী মথৌ তাই হায়না য়ান্নখি। পোলিশকী নাকদগী হেন্না ইনক্লুসিব ওইবা, রিফোর্ম তৌরবা অমসুং পাকথোক চাউথোকহল্লবা য়ু.এম.এস.সি. অমগীদমক ভারতকী মেম্বরশিপ সপোর্ত তৌই ফোংদোকখি লোয়ননা ২০২৮-২৯দা য়ু.এন.এস.সি.দা নন-পর্মিনেন্ত সীৎকীদমক ভারতকী কেন্দিদেচরবু মানা সপোর্ত তৌই হায়না অমুক হন্না ফোংদোকখি।

লুচিংবশিংনা ইন্তর্নেস্নেল কোওপরেসনগীদমক জি২০ অসি মরু ওইবা ফোরম অমা ওইনা লৌরিবা থৌদাং অদু ফোংদোকখি। মখোয়না জি২০ ত্রেকশিংদা অমসুং ৱার্কস্ত্রীমশিংদা কোওপরেৎ তৌনবা মখোয়না শেম শাদুনা লৈরিবা অদু ফোংদোকখি, মসিদা রিপব্লিক ওফ পোলেন্দনা শরুক য়াবা নত্ত্রগা শরুক য়ানবা বর্তন তৌরকপা য়াই।

লুচিংবা অনিনা শাথিবা অমসুং নুংঙাইতবা হ্যুমেনিতরিয়নগী ওইরিবা ফীভমশিং য়াওনা য়ুক্রেনদা শোক্নরিবা লানগী মতাংদা মখোয়না নুংনাংবা ফোংদোকখি। মখোয়না সোভরেন্তী অমসুং তেরিতোরিএল ইন্তিগ্রিতীগীদমক ইকাই খুম্নবা য়াওনা য়ু.এন. চার্তরগী পর্পসশিং অমসুং প্রিন্সিপলশিংগী মতুং ইন্না ইন্তর্নেস্নেল লোগী পরিং মখাদা কমপ্রিহেন্সিব, অচুম্বা অমসুং তুং কোইনা শান্তি লৈনবগীদমক মথৌ তাবা অদু অমুক হন্না ফোংদোকখি। মখোয়না গ্লোবেল ফুদ অমসুং ইনর্জী সেক্যুরিতী মতাংদা য়ুক্রেনগী লাননা মরু ওইনা গ্লোবেল সাউথতা পীরিবা নেগেতিব ওইবা শাফুশিংসু ফোংদোকখি।

লুচিংবা অনিমক্না তেরোরিজম অমদি ক্রোস-বোর্দর তেরোরিজম য়াওনবা মখোয়গী মোতিভেসনশিংদা য়েংদনা মখোয়গী মওংশিং অমসুং মেনিফেস্তেসন পুম্নমক্তা তেরোরিজম থোকহনবা তমথিরবা এক্সত্রিমিজমবু অমত্তা ওইনা য়ানীংদবা ফোংদোকখি অমসুং হীরম অমত্তদা তেরোরিজমবু চুম্মি হায়না তাকপা য়ারোই ফোংদোকখি। মখোয়না এপ্রিল ২২, ২০২৫দা জম্মু অমসুং কাশ্মিরগী পহালগামদা চৎথখিবা তেরোরিস্ত এত্তেক অদু খ্বাইদগী অৱাংবা থাক্তা য়ানীংদবা ফোংদোকখি। মখোয়না য়ু.এন.এস.সি. ১২৬৭ সেঙ্কসন্স কম্মিতিনা দেজিগনেৎ তৌবশিং য়াওনা তেরোরিস্তশিং অমসুং তেরোরিস্ত এন্তিতীশিংগী মায়োক্তা কন্না অমসুং অচেৎপা এক্সন লৌখৎনবা হায়খি। নাকল অনিমক্না তেরোরিস্তকী সেফ হাভেনশিং অমসুং ইনফ্রাস্ত্রকচর মুথৎনবা লোয়ননা তেরোরিজম ফাইনান্সিং নেৎৱার্কশিং থুগাইনবা মাইকৈদা মখা তানা থবক তৌনবা লৈবাক পুম্নমক্তা হায়খি। লুচিংবশিংনা য়ুনাইতেদ নেসন্সতা কমপ্রিহেন্সিব কনভেন্সন ওন ইন্তর্নেস্নেল তেরোরিজম (সি.সি.আই.তি.) ঙন্না এদোপ্ত তৌনবগীদমক হায়খি। মখোয়না কাউন্তর-তেরোরিজমদা দাইলোগ অমগীদমক য়ান্নখি।

লুচিংবশিংনা ফ্রী, ওপন ওইবা, শান্তি লৈবা অমসুং চাউখৎপা ইন্দো-পেসিফিক অমগী মরু ওইবা অমসুং ১৯৮২ য়ুনাইতেদ নেসন্স কনভেন্সন ওন দি লো ওফ দি সী (য়ু.এন.সি.এল.ও.এস.) য়াওনা ইন্তর্নেস্নেল লোগীদমক ইকাই খুম্নবগী মরু ওইবা অদু অমুক হন্না থমখি। মখোয়না নেভিগেসনগী নীংতম্বা অমসুং ইন্তর্নেস্নেল লোগী মতুং ইন্না দিস্প্যুৎশিং শান্তি ওইনা লোইশিনবগী মরু ওইবা অদু থমখি। ভারতনা পোলেন্দবু ইন্দো-পেসিফিক ওসীন্স ইনিসিএতিব(আই.পি.ও.আই.)দা য়াওরক্নবা বর্তন তৌখি।

লুচিংবা অনিমক্না ভারত অমসুং পোলেন্দ, হংগেরী, জেচ রিপব্লিক অমসুং স্লোবেক রিপব্লিক য়াওবা ভাইসগ্রাদ গ্রুপ (ভি৪)গী অহানবা ফোরেন মিনিস্তর্স মীতিংস পাংথোকখিবা অদু তরাম্না ওকখি। মখোয়না ভি৪+ইন্দিয়া ফোর্মেৎকী খুত্থাংদা তেংবাং পীনবা মপাঙ্গল কনখৎহন্নবা অমসুং মান্নবা অপাম্বশিং অমসুং কম্প্লিমেন্তরীশিংদা য়ুম্ফম ওইরগা তুংগী খল্লগা শেম্বা পার্নতশিপ অমা শেম্নবা মখোয়গী ফিরেপ অমুক হন্না ফোংদোকখি।

লুচিংবশিংনা ক্লাইমেৎ চেঞ্জতা গ্লোবেল এক্সন খোঙজেল য়াংশিনহনবগী মথৌ তাবা অদু ফোংদোকখি অমসুং য়ু.এন.এফ.সি.সি.সি. প্রোসেস অমসুং পেরিস এগ্রীমেন্তগীদমক মখোয়গী সপোর্ত অমুক হন্না ফোংদোকখি। মখোয়না কা হেনবা অইং-অশাগী ওইবা থৌদোকশিং, এনভাইর্নমেন্তেল দিগ্রেদেসন অমসুং বাইদাইভর্সিতী মাংশিল্লকপা অসিনা পীরিবা খুদোংথিবশিং অদু শকখঙখি অমসুং ক্লীন ইনর্জী, সস্তেনেবল তেক্নোলোজীশিং অমসুং ক্লাইমেৎ-রেজিলিয়েন্ত দিবেলপমেন্তদা বাইলেতরেল কোওপরেসন হেনগৎহন্নবা পুক্নিং থৌগৎখি। মখোয়না ইনর্জী সেক্যুরিতী হেনগৎহন্নবা, ক্লাইমেৎ ঙাকশেন্নবা অমসুং ইন্দস্ত্রিএল কম্পিতিতিবনেস ফগৎহন্নবা নেস্নেল ইনর্জী মিক্সশিংদা হোম-গ্রোন ক্লীন ইনর্জীগী শিয়র হেনগৎহনবগী মথৌ তাবা অদু ফোংদোকখি। ভারতনা কোলিজন ফোর দিজাস্তর রেজিলিয়েন্ত ইনফ্রাস্ত্রকচর (সি.দি.আর.আই.) য়াওবগী মতাংদা পোলেন্দনা লাউথোকখিবা অদু তরাম্না ওকখি। ভারতনা ইন্তর্নেস্নেল সোলর এলাইন্স অমসুং গ্লোবেল বাইওফ্যুএল এলাইন্সতা পোলেন্দনা য়াওরক্নবা বর্তন তৌখি।

প্রধান মন্ত্রী তস্কনা প্রধান মন্ত্রী মোদীবু মঙোন্দা অমসুং মহাক্কী খোঙবুদা তরাম্না ওক্তুনা মীয়োক মীচান ফবগী থৌওং উৎখিবগীদমক থাগৎপা ফোংদোকখি। লুচিংবশিংনা ইন্দিয়া-পোলেন্দ স্ত্রেতেজিক পার্নতশিপ হেন্না চেৎশিনহন্নবা অমসুং দাইভর্সিফাই তৌনবা অমসুং এক্সন প্লান (২০২৪-২০২৫) অসি চাং নাইনা অৱাংবা থাক্কী এঙ্গেজমেন্তগী খুত্থাংদা অমসুং ইন্সতিত্যুস্নেল কোওপরেসন মপাঙ্গল কনখৎহন্দুনা ইফেক্তিব ওইনা ইমপ্লিমেন্ত তৌনবা অমুক হন্না ফোংদোকখি।

প্রধান মন্ত্রী তস্কনা প্রধান মন্ত্রী মোদীবু পোলেন্দদা লাক্নবা বর্তনসু তৌরমখি।

***