ದಾರಿತಪ್ಪಿಸುವ ಜಾಹೀರಾತುಗಳು ಮತ್ತು ಕಾನೂನಾತ್ಮಕ ಅನುಸರಣೆಯಿಲ್ಲದ ವಾಕಿ-ಟಾಕಿಗಳ ಮಾರಾಟದ ವಿರುದ್ಧ ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರವು (ಸಿಸಿಪಿಎ) ಕಾನೂನು ಕ್ರಮವನ್ನು ತೀವ್ರಗೊಳಿಸಿದೆ

ಕಾರ್ಯಾಚರಣಾ ಆವರ್ತನಗಳು ಮತ್ತು ಅನ್ವಯವಾಗುವ ಪರವಾನಗಿ ಅಗತ್ಯತೆಗಳು ಸೇರಿದಂತೆ ಅಗತ್ಯ ನಿಯಂತ್ರಕ ಮಾಹಿತಿಯನ್ನು ಬಹಿರಂಗಪಡಿಸಲು ವಿಫಲವಾದ ದಾರಿತಪ್ಪಿಸುವ ಜಾಹೀರಾತುಗಳು ಮತ್ತು ವಾಕಿ-ಟಾಕಿಗಳ ಉತ್ಪನ್ನ ಪಟ್ಟಿಗಳಿಗಾಗಿ ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರವು (ಸಿಸಿಪಿಎ) ಮೆಸ್ಸರ್ಸ್ ಹೊಗರ್ ಟೆಕ್ನಾಲಜೀಸ್ ಮತ್ತು ಇನ್ನೋವೇಶನ್ಸ್ ಎಲ್.ಎಲ್.ಪಿ. ಮೇಲೆ ₹1 ಲಕ್ಷ ದಂಡ ವಿಧಿಸಿದೆ. ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರದ (ಸಿಸಿಪಿಎ) ಮುಖ್ಯ ಆಯುಕ್ತೆ ಶ್ರೀಮತಿ ನಿಧಿ ಖರೆ ಮತ್ತು ಆಯುಕ್ತೆ ಶ್ರೀ ಅನುಪಮ್ ಮಿಶ್ರಾ ಅವರ ನೇತೃತ್ವದಲ್ಲಿ , ಗ್ರಾಹಕ ಸಂರಕ್ಷಣಾ ಕಾಯ್ದೆ, 2019 ರ ಅಡಿಯಲ್ಲಿ ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರವು (ಸಿಸಿಪಿಎ) ಈ ಆದೇಶವನ್ನು ಅಂಗೀಕರಿಸಿ ಸೂಚನೆ ನೀಡಿದೆ.

ಆನ್‌ಲೈನ್ ಪ್ಲಾಟ್‌ ಫಾರ್ಮ್‌ ಗಳು ಮತ್ತು ವೆಬ್‌ಸೈಟ್‌ ಗಳಲ್ಲಿ ವಾಕಿ-ಟಾಕಿಗಳ (ವೈಯಕ್ತಿಕ ಮೊಬೈಲ್ ರೇಡಿಯೋಗಳು) ಮಾರಾಟ ಪಟ್ಟಿ, ಜಾಹೀರಾತು ಮತ್ತು ಮಾರಾಟಕ್ಕೆ ಸಂಬಂಧಿಸಿದಂತೆ ದಾರಿತಪ್ಪಿಸುವ ಜಾಹೀರಾತುಗಳು ಮತ್ತು ಅನ್ಯಾಯದ ವ್ಯಾಪಾರ ಪದ್ಧತಿಗಳ ವಿರುದ್ಧ ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರವು (ಸಿಸಿಪಿಎ) ನಡೆಸುತ್ತಿರುವ ಕಾನೂನು ಜಾರಿ ಕ್ರಮಗಳ ಭಾಗವಾಗಿ ಈ ದಂಡ -ಕ್ರಮವು ಕಠಿಣ ಗೊಳಿಸಲಾಗಿದೆ.

ಗ್ರಾಹಕರ ನಿಯಂತ್ರಣ ಅವಶ್ಯಕತೆಗಳ ಅಸಮರ್ಪಕ ಬಹಿರಂಗಪಡಿಸುವಿಕೆಯನ್ನು ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರವು (ಸಿಸಿಪಿಎ) ಈ ಜಾಹೀರಾತುಗಳಲ್ಲಿ ಕಂಡುಕೊಂಡಿದೆ

ತನ್ನ ಇತ್ತೀಚಿನ ಆದೇಶದಲ್ಲಿ, ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರ (ಸಿಸಿಪಿಎ) ಎಂ/ಎಸ್. ಹೊಗರ್ ಟೆಕ್ನಾಲಜೀಸ್ ಮತ್ತು ಇನ್ನೋವೇಶನ್ಸ್ ಎಲ್.ಎಲ್.ಪಿ. ಯ ವೆಬ್‌ ಸೈಟ್‌ ನಲ್ಲಿ ಪ್ರದರ್ಶಿಸಲಾದ ವಿವಿಧ ವಾಕಿ-ಟಾಕಿ ಮಾದರಿಗಳ ಜಾಹೀರಾತುಗಳು ಮತ್ತು ಉತ್ಪನ್ನ ಪಟ್ಟಿಗಳನ್ನು ಪರಿಶೀಲಿಸಿದೆ. ಜಾಹೀರಾತಿನಲ್ಲಿ ಸೂಚಿಸಲಾದ ಮಾರಾಟ ಪಟ್ಟಿಗಳಲ್ಲಿ ಸಾಧನಗಳ ಕಾರ್ಯಾಚರಣಾ ಆವರ್ತನಗಳು, ಅನ್ವಯವಾಗುವ ಪರವಾನಗಿ ಅವಶ್ಯಕತೆಗಳು ಮತ್ತು ನಿಯಂತ್ರಕ ಅನುಮೋದನೆಗಳನ್ನು ಸ್ಪಷ್ಟವಾಗಿ ಬಹಿರಂಗಪಡಿಸಿಲ್ಲ. ಅಂತಹ ಲೋಪಗಳು ಗ್ರಾಹಕರನ್ನು ಅಗತ್ಯವಿರುವ ನಿಯಂತ್ರಕ ಅಧಿಕಾರಗಳನ್ನು ಪಡೆಯದೆಯೇ ಸಾಧನಗಳನ್ನು ಕಾನೂನುಬದ್ಧವಾಗಿ ನಿರ್ವಹಿಸಬಹುದೆಂದು ನಂಬುವಂತೆ ದಾರಿ ತಪ್ಪಿಸಬಹುದು ಎಂದು ಪ್ರಾಧಿಕಾರವು ಗಮನಿಸಿದೆ.

 ಕಡಿಮೆ ಶಕ್ತಿ ಮತ್ತು ಅತಿ ಕಡಿಮೆ ಶಕ್ತಿಯ ಶಾರ್ಟ್ ರೇಂಜ್ ರೇಡಿಯೋ ಫ್ರೀಕ್ವೆನ್ಸಿ ಸಾಧನಗಳ ಬಳಕೆ (ಪರವಾನಗಿ ಅವಶ್ಯಕತೆಯಿಂದ ವಿನಾಯಿತಿ) ನಿಯಮಗಳು, 2018 ರ ಅಡಿಯಲ್ಲಿ, 446.0–446.2 ಮೆಗಾಹರ್ಜ್ಡ್ ನಿಗದಿತ ಆವರ್ತನ ವ್ಯಾಪ್ತಿಯಲ್ಲಿ ಕಾರ್ಯನಿರ್ವಹಿಸುವ ವೈಯಕ್ತಿಕ ಮೊಬೈಲ್ ರೇಡಿಯೋಗಳು ಅನ್ವಯವಾಗುವ ಷರತ್ತುಗಳಿಗೆ ಒಳಪಟ್ಟು ಪರವಾನಗಿ ಪಡೆಯುವ ಅವಶ್ಯಕತೆಯಿಂದ ವಿನಾಯಿತಿ ಪಡೆದಿವೆ. ವಿನಾಯಿತಿ ಪಡೆದ ಆವರ್ತನ ಶ್ರೇಣಿಯ ಹೊರಗೆ ಕಾರ್ಯನಿರ್ವಹಿಸುವ ಇತರ ವೈರ್‌ ಲೆಸ್ ರೇಡಿಯೋ ಫ್ರೀಕ್ವೆನ್ಸಿ ಸಾಧನಗಳು ಸಂಬಂಧಿತ ನಿಯಂತ್ರಕ ಅವಶ್ಯಕತೆಗಳಿಗೆ ಎಂದು ಗುರುತಿಸಲಾಗಿ ಇವುಗಳನ್ನು ಒಳಪಟ್ಟಿಯಲ್ಲಿ ನಮೂದಿಸಲಾಗಿರುತ್ತವೆ.

ವಿಚಾರಣೆಯ ಸಮಯದಲ್ಲಿ, ಕಂಪನಿಯು ಮಾನ್ಯವಾದ ಡೀಲರ್ ಹೊಂದಿರುವ ಪರವಾನಗಿ (ಡಿಪಿಎಲ್) ಅನ್ನು ಹೊಂದಿದೆ ಮತ್ತು ಸಾಧನಗಳು ಅನ್ವಯವಾಗುವ ಸಲಕರಣೆ ಪ್ರಕಾರ ಅನುಮೋದನೆ (ಇಟಿಎ) ಪ್ರಮಾಣೀಕರಣಗಳಿಂದ ಒಳಪಟ್ಟಿವೆ  ಎಂದು ಮಾಹಿತಿಯನ್ನು ಸಲ್ಲಿಸಿತು. ತನ್ನ ವೆಬ್‌ಸೈಟ್ ಪ್ರಾಥಮಿಕವಾಗಿ ಮಾಹಿತಿ ಮತ್ತು ಲೀಡ್-ಜನರೇಷನ್ ಉದ್ದೇಶಗಳಿಗಾಗಿ ಉದ್ದೇಶಿಸಲಾಗಿದೆ ಮತ್ತು ನೇರ ಆನ್‌ ಲೈನ್ ವಹಿವಾಟುಗಳನ್ನು ಸುಗಮಗೊಳಿಸಲಿಲ್ಲ ಎಂದು ಕೂಡ ಕಂಪನಿ ವಾದಿಸಿತು.

ಕಂಪನಿಯ ಸಲ್ಲಿಕೆಗಳು, ತನಿಖಾ ಸಂಶೋಧನೆಗಳು ಮತ್ತು ದಾಖಲೆಯಲ್ಲಿ ಲಭ್ಯವಿರುವ ವಸ್ತುಗಳನ್ನು ಸುದೀರ್ಘವಾಗಿ ಪರಿಶೀಲಿಸಿದ ನಂತರ, ನಿಯಂತ್ರಕ ಅನುಮೋದನೆಗಳನ್ನು ಹೊಂದಿರುವುದು ಖರೀದಿ ಪೂರ್ವ ಹಂತದಲ್ಲಿ ಗ್ರಾಹಕರಿಗೆ ನಿಖರ, ಸಂಪೂರ್ಣ ಮತ್ತು ವಸ್ತು ಮಾಹಿತಿಯನ್ನು ಒದಗಿಸುವ ತನ್ನ ಬಾಧ್ಯತೆಯಿಂದ ಜಾಹೀರಾತುದಾರರನ್ನು ಮುಕ್ತಗೊಳಿಸುವುದಿಲ್ಲ ಎಂದು ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರವು (ಸಿಸಿಪಿಎ) ಗಮನಿಸಿದೆ.

ವೆಬ್‌ಸೈಟ್ ಆಧಾರಿತ ಉತ್ಪನ್ನ ಪ್ರಚಾರಗಳು ಗ್ರಾಹಕ ರಕ್ಷಣೆಯ ಅವಶ್ಯಕತೆಗಳಿಗೆ ಒಳಪಟ್ಟಿರುತ್ತವೆ

ಆನ್‌ಲೈನ್ ಪಾವತಿ ಗೇಟ್‌ ವೇ ಅಥವಾ ಶಾಪಿಂಗ್ ಕಾರ್ಟ್ ಸೌಲಭ್ಯದ ಅನುಪಸ್ಥಿತಿಯು ವೆಬ್‌ಸೈಟ್ ಮೂಲಕ ಮಾಡಿದ ಪ್ರಚಾರದ ಪ್ರಾತಿನಿಧ್ಯಗಳನ್ನು ಗ್ರಾಹಕ ಸಂರಕ್ಷಣಾ ಕಾಯ್ದೆ, 2019 ರ ಅಡಿಯಲ್ಲಿ ದಾರಿತಪ್ಪಿಸುವ ಜಾಹೀರಾತುಗಳ ವ್ಯಾಪ್ತಿಯಿಂದ ಹೊರಗಿಡುವುದಿಲ್ಲ ಎಂಬ ಮತ್ತಷ್ಟು ಮಾಹಿತಿಯನ್ನು ಕೂಡ ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರವು (ಸಿಸಿಪಿಎ) ಗಮನಿಸಿದೆ. ಜಾಹೀರಾತುಗಳು ಮತ್ತು ಉತ್ಪನ್ನ ಪಟ್ಟಿಗಳು ಉತ್ಪನ್ನಗಳನ್ನು ಅಂತಿಮವಾಗಿ ಮಾರಾಟ ಮಾಡುವ ವಿಧಾನವನ್ನು ಲೆಕ್ಕಿಸದೆ ಅನ್ವಯವಾಗುವ ನಿಯಂತ್ರಕ ಅವಶ್ಯಕತೆಗಳ ಬಗ್ಗೆ ಸಾಕಷ್ಟು ಮಾಹಿತಿಯನ್ನು ಒದಗಿಸಬೇಕು.

ಕಾರ್ಯಾಚರಣಾ ಆವರ್ತನಗಳು ಮತ್ತು ಪರವಾನಗಿ ಅವಶ್ಯಕತೆಗಳಿಗೆ ಸಂಬಂಧಿಸಿದ ವಸ್ತು ಮಾಹಿತಿಯನ್ನು ಬಿಟ್ಟುಬಿಡುವುದು ಜಾಹೀರಾತು ಸಾಧನಗಳನ್ನು ಕಾನೂನುಬದ್ಧವಾಗಿ ನಿರ್ವಹಿಸಬಹುದಾದ ಪರಿಸ್ಥಿತಿಗಳ ಬಗ್ಗೆ ಗ್ರಾಹಕರನ್ನು ದಾರಿತಪ್ಪಿಸುವ ಸಾಧ್ಯತೆಯಿದೆ ಎಂದು ಪ್ರಾಧಿಕಾರವು ಗಮನಿಸಿದೆ. ಅಂತಹ ಲೋಪಗಳು ಗ್ರಾಹಕರನ್ನು ಸಂಭಾವ್ಯ ಕಾನೂನು ಮತ್ತು ಆರ್ಥಿಕ ಪರಿಣಾಮಗಳಿಗೆ ಒಡ್ಡಬಹುದು ಮತ್ತು ತಿಳುವಳಿಕೆಯುಳ್ಳ ಖರೀದಿ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಅವರ ಸಾಮರ್ಥ್ಯವನ್ನು ದುರ್ಬಲಗೊಳಿಸಬಹುದು.

ಅಂತೆಯೇ, ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರ (ಸಿಸಿಪಿಎ) ಎಂ/ಎಸ್. ಹೊಗರ್ ಟೆಕ್ನಾಲಜೀಸ್ ಮತ್ತು ಇನ್ನೋವೇಶನ್ಸ್ ಎಲ್.ಎಲ್.ಪಿ. ಯ ನಡವಳಿಕೆಯು ದಾರಿತಪ್ಪಿಸುವ ಜಾಹೀರಾತುಗಳು ಮತ್ತು ಅನ್ಯಾಯದ ವ್ಯಾಪಾರ ಅಭ್ಯಾಸಗಳಿಗೆ ಸಂಬಂಧಿಸಿದಂತೆ ಗ್ರಾಹಕ ಸಂರಕ್ಷಣಾ ಕಾಯ್ದೆ, 2019 ರ ಸಂಬಂಧಿತ ನಿಬಂಧನೆಗಳ ಉಲ್ಲಂಘನೆಯಾಗಿದೆ ಎಂದು ಕಂಡುಹಿಡಿದಿದೆ.

ವಾಕಿ-ಟಾಕಿಗಳ ಆನ್‌ಲೈನ್ ಪಟ್ಟಿಗಳ ವಿರುದ್ಧ ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರದಿಂದ (ಸಿಸಿಪಿಎ) ಕ್ರಮ

ಕಡ್ಡಾಯ ನಿಯಂತ್ರಕ ಕಾನೂನು ಬಹಿರಂಗಪಡಿಸುವಿಕೆಗಳಿಲ್ಲದೆ ಇ-ಕಾಮರ್ಸ್ ಪ್ಲಾಟ್‌ ಫಾರ್ಮ್‌ ಗಳಲ್ಲಿ ದೊಡ್ಡ ಪ್ರಮಾಣದ ವಾಕಿ-ಟಾಕಿಗಳ ಪಟ್ಟಿ ಮತ್ತು ಮಾರಾಟವನ್ನು ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರವು (ಸಿಸಿಪಿಎ) ಈ ಹಿಂದೆ ಸ್ವಯಂಪ್ರೇರಿತವಾಗಿ ಗಮನಕ್ಕೆ ತೆಗೆದುಕೊಂಡಿತ್ತು. ಅದರ ಪರಿಶೀಲನೆಯ ಸಮಯದಲ್ಲಿ, ಪ್ಲಾಟ್‌ಫಾರ್ಮ್‌ಗಳಲ್ಲಿ ಕಾನೂನಾತ್ಮಕ ಅನುಸರಣೆಯಿಲ್ಲದ 16,970 ಕ್ಕೂ ಹೆಚ್ಚು ಮಾರಾಟ ಪಟ್ಟಿಗಳನ್ನು ಗುರುತಿಸಲಾಗಿದೆ ಮತ್ತು ಅಮೆಜಾನ್, ಫ್ಲಿಪ್‌ಕಾರ್ಟ್, ಮೀಶೋ, ಮೆಟಾ (ಫೇಸ್‌ ಬುಕ್ ಮಾರುಕಟ್ಟೆ), ಜಿಯೋಮಾರ್ಟ್, ಇಂಡಿಯಾಮಾರ್ಟ್ ಮತ್ತು ಟ್ರೇಡ್‌ ಇಂಡಿಯಾ ಸೇರಿದಂತೆ 13 ಇ-ಕಾಮರ್ಸ್ ಘಟಕಗಳಿಗೆ ನೋಟಿಸ್ ನೀಡಲಾಗಿದೆ.

ಪ್ರಾಧಿಕಾರವು ಇಲ್ಲಿಯವರೆಗೆ 12 ಸಂಸ್ಥೆಗಳ ವಿರುದ್ಧ ಅಂತಿಮ ಆದೇಶಗಳನ್ನು ಹೊರಡಿಸಿದ್ದು, ದಾರಿತಪ್ಪಿಸುವ ಜಾಹೀರಾತುಗಳು ಮತ್ತು ವಾಕಿ-ಟಾಕಿಗಳಿಗೆ ಸಂಬಂಧಿಸಿದ ಅನ್ಯಾಯದ ವ್ಯಾಪಾರ ಪದ್ಧತಿಗಳಿಗಾಗಿ ₹58 ಲಕ್ಷ ಒಟ್ಟು ದಂಡವನ್ನು ವಿಧಿಸಿದೆ. ಇವುಗಳಲ್ಲಿ ಅಮೆಜಾನ್ ಸೆಲ್ಲರ್ ಸರ್ವೀಸಸ್ ಪ್ರೈ. ಲಿಮಿಟೆಡ್, ಫ್ಲಿಪ್‌ಕಾರ್ಟ್ ಇಂಟರ್ನೆಟ್ ಪ್ರೈ. ಲಿಮಿಟೆಡ್, ಮೀಶೋ ಪ್ರೈ. ಲಿಮಿಟೆಡ್, ಮೆಟಾ ಪ್ಲಾಟ್‌ ಫಾರ್ಮ್‌ ಗಳು ಮತ್ತು ಟ್ರೇಡ್‌ ಇಂಡಿಯಾ (ಇನ್‌ಫೋಕಾಮ್ ನೆಟ್‌ವರ್ಕ್ ಪ್ರೈ. ಲಿಮಿಟೆಡ್) ಮೇಲೆ ತಲಾ ₹10 ಲಕ್ಷ ದಂಡ ಮತ್ತು ಜಿಯೋಮಾರ್ಟ್ (ರಿಲಯನ್ಸ್ ರಿಟೇಲ್ ಲಿಮಿಟೆಡ್), ಚಿಮಿಯಾ, ಮಾಸ್ಕ್‌ ಮ್ಯಾನ್ ಟಾಯ್ಸ್, ಟಾಕ್ ಪ್ರೊ (ಐಕೋನೆಟ್ ಸರ್ವೀಸಸ್ ಪ್ರೈ. ಲಿಮಿಟೆಡ್), ಸಂಚಾರ್ ವೈರ್‌ ಲೆಸ್ ಕಮ್ಯುನಿಕೇಷನ್ಸ್ ಲಿಮಿಟೆಡ್, ಆಂಟ್ರಿಕ್ಷ್ ಟೆಕ್ನೋಸಿಸ್ ಪ್ರೈ. ಲಿಮಿಟೆಡ್ ಮತ್ತು ಹೊಗರ್ ಟೆಕ್ನಾಲಜೀಸ್ ಅಂಡ್ ಇನ್ನೋವೇಶನ್ಸ್ ಎಲ್‌.ಎಲ್‌.ಪಿ. ಮೇಲೆ ತಲಾ ₹1 ಲಕ್ಷ ದಂಡ ಸೇರಿವೆ.

ಈ ಸೂಚಿತ ಕೆಲವು ಸಂಸ್ಥೆಗಳು ನ್ಯಾಯಾಂಗ ವೇದಿಕೆಗಳಲ್ಲಿ ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರವು (ಸಿಸಿಪಿಎ) ಪ್ರಾರಂಭಿಸಿದ ಆದೇಶಗಳು ಮತ್ತು ವಿಚಾರಣೆಗಳ ವಿರುದ್ಧ ದೂರು ಮೂಲಕ ಪ್ರಶ್ನಿಸಿವೆ. ಅಮೆಜಾನ್ ಸೆಲ್ಲರ್ ಸರ್ವೀಸಸ್ ಪ್ರೈ. ಲಿಮಿಟೆಡ್ ಮತ್ತು ಫ್ಲಿಪ್‌ ಕಾರ್ಟ್ ಇಂಟರ್ನೆಟ್ ಪ್ರೈ. ಲಿಮಿಟೆಡ್ ಪ್ರಾಧಿಕಾರವು ನೀಡಿದ ಆದೇಶಗಳನ್ನು ಪ್ರಶ್ನಿಸಿ ಗೌರವಾನ್ವಿತ ಕರ್ನಾಟಕ ಹೈಕೋರ್ಟ್‌ ಗೆ ಅರ್ಜಿ ಸಲ್ಲಿಸಿವೆ. ಮೆಟಾ ಪ್ಲಾಟ್‌ ಫಾರ್ಮ್‌ ಗಳು ಮತ್ತು ಟ್ರೇಡ್‌ ಇಂಡಿಯಾ (ಇನ್ಫೋಕಾಮ್ ನೆಟ್‌ ವರ್ಕ್ ಪ್ರೈ. ಲಿಮಿಟೆಡ್) ತಲಾ ₹10 ಲಕ್ಷ ದಂಡ ವಿಧಿಸುವ ಆದೇಶಗಳ ವಿರುದ್ಧ ರಾಷ್ಟ್ರೀಯ ಗ್ರಾಹಕ ವಿವಾದ ಪರಿಹಾರ ಆಯೋಗವನ್ನು (ಎನ್.ಸಿ.ಡಿ.ಆರ್.ಸಿ.) ಸಂಪರ್ಕಿಸಿವೆ. ಟ್ರೇಡ್‌ ಇಂಡಿಯಾ ಪ್ರಕರಣದಲ್ಲಿ,  ಕಂಪನಿಗೆ ದಂಡದ ಮೊತ್ತವನ್ನು ಕೂಡಲೇ ಠೇವಣಿ ಇಡುವಂತೆ ರಾಷ್ಟ್ರೀಯ ಗ್ರಾಹಕ ವಿವಾದ ಪರಿಹಾರ ಆಯೋಗವು (ಎನ್.ಸಿ.ಡಿ.ಆರ್.ಸಿ.) ನಿರ್ದೇಶಿಸಿದೆ. ಇಂಡಿಯಾಮಾರ್ಟ್ ಇಂಟರ್‌ ಮೆಶ್ ಲಿಮಿಟೆಡ್ ಕೂಡ ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರವು (ಸಿಸಿಪಿಎ) ಪ್ರಾರಂಭಿಸಿದ ಪ್ರಕ್ರಿಯೆಗಳನ್ನು ಪ್ರಶ್ನಿಸಿ ಗೌರವಾನ್ವಿತ ದೆಹಲಿ ಹೈಕೋರ್ಟ್ ಅನ್ನು ಸಂಪರ್ಕಿಸಿದೆ, ಹಾಗೂ ಈ ವಿಷಯವು ಪ್ರಾಧಿಕಾರದ ಮುಂದೆ ಪರಿಗಣನೆಯಲ್ಲಿದೆ.

ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರವು (ಸಿಸಿಪಿಎ) ಪಾರದರ್ಶಕ ನಿಯಂತ್ರಕ ಬಹಿರಂಗಪಡಿಸುವಿಕೆಯ ಪ್ರಾಮುಖ್ಯತೆಯನ್ನು ಪುನರುಚ್ಚರಿಸುತ್ತದೆ

ವಾಕಿ-ಟಾಕಿಗಳ ಜಾಹೀರಾತುಗಳು ಮತ್ತು ಉತ್ಪನ್ನ ಪಟ್ಟಿಗಳು ಕಾರ್ಯಾಚರಣೆಯ ಆವರ್ತನಗಳು, ಅನ್ವಯವಾಗುವ ಪರವಾನಗಿ ಅವಶ್ಯಕತೆಗಳು ಮತ್ತು ಇತರ ವಸ್ತು ನಿಯಂತ್ರಕ ಮಾಹಿತಿಯನ್ನು ಗ್ರಾಹಕರು ತಿಳುವಳಿಕೆಯುಳ್ಳ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಅನುವು ಮಾಡಿಕೊಡಲು ಸ್ಪಷ್ಟವಾಗಿ ಬಹಿರಂಗಪಡಿಸಬೇಕು ಎಂದು ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರವು (ಸಿಸಿಪಿಎ) ಪುನರುಚ್ಚರಿಸಿದೆ. ಕಾನೂನುಬದ್ಧ ಬಳಕೆಯು ನಿರ್ದಿಷ್ಟ ನಿಯಂತ್ರಕ ಷರತ್ತುಗಳಿಗೆ ಒಳಪಟ್ಟಿರುವ ಉತ್ಪನ್ನಗಳಿಗೆ ಅಂತಹ ಬಹಿರಂಗಪಡಿಸುವಿಕೆಗಳು ವಿಶೇಷವಾಗಿ ಮುಖ್ಯವಾಗಿವೆ.

ಗ್ರಾಹಕರ ಹಿತಾಸಕ್ತಿಗಳನ್ನು ಕಾಪಾಡುವುದು, ದಾರಿತಪ್ಪಿಸುವ ಜಾಹೀರಾತುಗಳನ್ನು ತಡೆಗಟ್ಟುವುದು ಮತ್ತು ಅನ್ಯಾಯದ ವ್ಯಾಪಾರ ಅಭ್ಯಾಸಗಳನ್ನು ಪರಿಹರಿಸುವ ಬದ್ಧತೆಯನ್ನು ಪ್ರಾಧಿಕಾರವು ಪುನರುಚ್ಚರಿಸಿದೆ, ವಿಶೇಷವಾಗಿ ನಿಯಂತ್ರಕ ಅನುಸರಣೆ ಮತ್ತು ಸಾರ್ವಜನಿಕ ಸುರಕ್ಷತಾ ಪರಿಗಣನೆಗಳನ್ನು ಒಳಗೊಂಡಿರುವ ಉತ್ಪನ್ನಗಳಿಗೆ ಸಂಬಂಧಿಸಿದಂತೆ.

ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರದ (ಸಿಸಿಪಿಎ) https://ccpa.doca.gov.in/ ವೆಬ್‌ ಸೈಟ್‌ ನಲ್ಲಿ ಅಂತಿಮ ಆದೇಶವು ಲಭ್ಯವಿದೆ.

*****