প্রধান মন্ত্রী ওক্তোবর ২৫ দা উত্তর প্রদেস অমসুং উরিসাদা চৎকনি

প্রধান মন্ত্রী শ্রী নরেন্দ্র মোদী ওক্তোবর ২৫,২০২৬ দা উত্তর প্রদেস অমসুং উরিসাদা চৎকনি। অয়ুক পুং ১১ রোম তাবদা, প্রধান মন্ত্রীনা বরানাসীদা নৌনা শাবা ফি-রোল তুফম অমা শঙ্গাগনি। নুংথিল পুং ১ তাবদা, মহাক্না চীফ গেষ্ট ওইনা, বরানাসীদা নমো ঘাত্ত এয়র ফোর্স এরিয়েল দিসপ্লে-২০২৬ য়েংগনি।

তুংদা, প্রধান মন্ত্রী নুংথিলগী পুং ৪:৪৫ রোম তাবদা উরিসাদা চৎকনি, মহাক্না ভুবনেশ্বরদা আর.বি.আইগী নৌনা লিংখৎপা দেতা সেন্তর অমসুং সাইবর সেকুরিতি ত্রেনিং ইন্সতিতুৎ শঙ্গাগনি। মহাক্না থৌরম অদুদা মীয়ামদা ৱা ঙাংগনি।

বরানাসীদা প্রধান মন্ত্রী

প্রধান মন্ত্রীনা উত্তর প্রদেসকী বরানাসীদা অর্বিন্দ লিমিতেৎকী অনৌবা ফি তুফম অমা শঙ্গাগনি। ফি তুফম অসি ভারতকী তেক্সতাইল অমসুং এপ্পরেল মেনুফেকচরিংগী থবক ফগৎনবা মাইকৈদা থাংজিনবা মরুওইবা খোঙথাং অমনি অমসুং লমদম অসিদা উদ্যোগ চাউখৎপা হেনগৎহনগনি।

অনৌবা মতমগী মেনুফেকচরিংগী থবকশিংদা মীৎয়েং থমদুনা, ফি তুফম অসিনা মরুওইনা নুপীশিংদা থবক ফংহনগনি অমসুং লমদম অসিগী শেন-থুম চাউখৎপদা মতেং পাংগনি। উত্তর প্রদেস অসি উদ্যোগকী শেন থাদফম অমসুং মেনুফেকচরিংগী লমজিংদুনা চাউখৎপা পুরক্নবা মফম অমা ওইনা শঙ্গাবা অসিনা মশক তাক্কনি। মালেমগী কষ্টমরশিংগী মফম অমা ওইনা, বরানাসীদা পুথোকপা পোৎথোকশিংনা কমদৌনা মালেম শীনবা থুংনা য়ৌগনি হায়বগী খুদম মসিনা ওইরে। নুপীশিংনা লুচিংবা থবক অমা ওইনা, মসি নুপীশিংনা মাংজিল থাদুনা চাউখৎপা পুরকপগী শক্তি লৈরবা খুদম অমনি।

প্রধান মন্ত্রীনা বরানাসীদা নমো ঘাত্ত এয়র ফোর্স এরিয়েল দিসপ্লে-২০২৬ য়েংগনি। “ৱিংস ওভর গঙ্গেস” থিমগী মখাদা ইন্দিয়ান এয়র ফোর্সকী ৯৪ শুবা মপোক কুমওন থৌরম পাংথোক্কনি। 

এরিয়েল দিসপ্লে অসিদা তেজাস, লাইত কম্বেৎ হেলিকোপ্তর(এল.সি.ঐচ) প্রাচান্দ, সু-৩০এমকি, রাফেল অমসুং ত্রান্সপোর্ত এয়রক্রাফ য়াওগনি। ইন্দিয়ান নেভি অমসুং ইন্দিয়ান আর্মিগী এয়রক্রাফশিং শরুক য়াগনি, ওপরেসনশিংদা পুন্না থবক তৌমিন্নবা অদু উৎকনি। ইন্দিয়ান এয়রফোর্সকী সু্র্যা এরোবেতিক তিম অমসুং সারাং হেলিকোপ্তর দিসপ্লে তিম থৌরম অসিদা শরুক য়াগনি। দিসপ্লে অসিদা ফজনা পাইবা, পুন্না থবক তৌমিন্নবা অমসুং ওপরেসন্দা হৈথোই-শিংথোইবা উৎকনি।

ভুবনেশ্বরদা প্রধান মন্ত্রী

ভারতকী শেন-থুমগী থবকশিং তেক্নোলোজিগী য়ুম্ফমশিং মপাঙ্গল কনখৎহন্নবা মরুওইবা খুমাঙচাউশিনবা অমা ওইনা, প্রধান মন্ত্রীনা ভুবনেশ্বরদা আর.বি.আইগী নৌনা লিংখৎপা দেতা সেন্তর অমসুং সাইবর সেকুরিতি ত্রেনিং ইন্সতিতুৎ শঙ্গাগনি। মখোয়না বেঙ্কগী দরকার ওইবা কম্পুতিং ফংহনগনি অমসুং বেঙ্ক অমসুং শেন-থুমগী থবকশিংগী অশোই-অঙাম লৈতবা, খুদোংথিবা মায়োক্নবা ঙম্ব অমসুং তুংগী শেম-শারবা কম্পুতিংগী থবক অমা ফংহনগনি।

অনৌবা দেতা সেন্তর মরি অসিনা অতোপ্পা মরুওইবা থবকশিংগা লোয়ননা মিসন-ক্রিতিকেল পেমেন্ত অমসুং সেত্তলমেন্ত সিষ্টেমশিং লৈগনি। মখোয়গী মালেমগী অফবা দেতা সেন্তর ইনফ্রাষ্ট্রকচরগী অপতাইম ইন্সতিতুৎ তয়ার ৪ ষ্টেন্দার্দনা শক খঙলে- মসি খুদোংথিবা থেংনবা ঙম্বা ওপরেসনগী খ্বাইদগী ৱাংবা থাক্ত থম্লে। মসি মালেম শীনবা থুংবগী বেঙ্কিং, শেন-থুমগী থবকশিং অমসুং ইন্সুরেন্সগী খ্বাইদগী চাউবা তয়ার ৪ সর্তিফিকেত পীনবা ফেসিলিতিশিংগী মরক্ত য়াওরে। মসিনা দিজিতেলগী ওইবা শেন-থুমগী থবকশিং ফজনা পাংথোকপা ঙমহনগনি অমসুং ভারতকী চাউখৎলক্লিবা তেক্নোলোজিনা লমজিংবা শেন-থুমগী থবকশিংগী দিজিতেলগী য়ুম্ফম অমা ওইগনি। মসিনা সেন্ত্রেল বেঙ্কিংগী মরক্ত দিজিতেল ইনফ্রাষ্ট্রকচরদা আর.বি.আই মাংজিল থাহনবদা মতেং পাংগনি।

সাইবর সেকুরিতি ত্রেনিং ইন্সতিতুৎ অসিনা কেপাসিতি বিল্দিং হেনগৎহনগনি, সাইবরসেকুরিতিগী মফম অমা পীগনি অমসুং তেক্নোলোজি ত্রেনিং, থিজিনবা অমসুং সেক্তর-ৱাইদ কেপাবিলিতি চাউখৎহনগনি। ইন্সতিতুৎ অসিনা ক্বানতম কম্পুতিং, এ.আই অমসুং অতোপ্পা মরুওইবা তেক্নোলোজিশিং য়াওনা শেন-থুমগা মরী লৈনবা অৱাংবা থাক্কী তেক্নোলোজিশিংদা মীৎয়েং চঙগনি।

***