থাগৎখিবা:
23 OCT 2026 1:32PM by PIB Imphal
প্রধান মন্ত্রী শ্রী নরেন্দ্র মোদীনা ঙসি নই দিল্লীগী ভারত মন্দপমদা চিনময় অমৃত মহোৎসব গ্লোবেল সম্মেলন হৌদোকখ্রে। থৌরম অদুদা ৱা ঙাংলদুনা, প্রধান মন্ত্রীনা মহাক্কী শরুক য়াবা অসি লাইরবশিংগী নুংশিবা অমসুং য়াইফ-পাউজেলদগী ফংলকপা ৱাখলগী ওইবা এক্সপরিয়েন্স অমনি হায়না ফোঙদোকখি। চিনময় মিসন অসি ইন্সতিত্যুসন অমখক্তমক নত্তে, অদুবু ইচিল-ইনাও অমনা লিংখৎপা অমসুং চহী কয়াগী অচেৎপা ৱারেপ্না লমজিংবা অমরোইবা ৱাখল্লোন অমনি হায়না মহাক্না ফোংদোকখি।
মোদর্ন তেক্নোলোজীনা রেভরেদ গুরুদেব স্বামী চিনময়নন্দাগা হোলোবোতকী খুত্থাংদা মতৌ করম্না ইভেন্ত অদুগী ইমোস্নেল রেসোনেন্স হেনগৎহনবগে হায়বগী মতাংদা প্রধান মন্ত্রীনা হায়খি মদুদি এক্সপরিয়েন্স অদুনা মহাকপু চহি ৩৩গী মমাংদা ১৯৯৩দা ভদোদারাদা স্পিরিচুএল লিদরগা উনখিবা অদুদা পুরকখি। গুরুদেবকী নুংশিজবা, ৱারী শানখিবা অমসুং মহাক্কী মফমদা অমুক হন্না থেংনখিবগুম্না মহাক্কী য়াইফ পাউজেলশিং নীংশিংলদুনা মহাক্না মিসনগী মেম্বরশিংদা অসিগুম্বা পুক্নিং থৌগৎনীংঙাই ওইবা থৌরম অমা পাংথোকপগীদমক থাগৎপা ফোংদোকখি।" ঐহাক্কী ওইনা, মসি য়াম্না ইমোস্নেল ওইবা এক্সপরিয়েন্স অমনি।"
মহাক্কী ফেব্রুৱারী-মার্চ ১৯৯৩গী মহাক্কী খোঙচৎ অদু নীংশিংলদুনা প্রধান মন্ত্রীনা হায়খি মদুদি মহাক কুমজা ১৯৯৩গী ফেব্রুৱারী-মার্চতা স্বামী চিনময়নন্দাবু মালেমগী ধর্মশিংগী পার্লিয়ামেন্তকী চহি ১০০ মপুং ফারকপগী থৌরমদা, স্বামী বিবেকানন্দগী পুৱারী ওইরবা ৱা ঙাংবগী চহি ১০০ মপুং ফারকপগী থৌরমদা, চিকাগোদা কৌখি। সেপ্তেম্বর ১১দা চিকাগোদা পাংথোকখিবা মীফম অদুদা গুরুদেব লৈখিদবগী অৱাবা অদু নীংশিংলদুনা, মহাক্না মখোয়গী অরোইবা ৱারী শানখিবা অদু নিংশিংখি, মসিদা নহাশিংগী পাঙ্গল কলচর তৌবগী মতাংদা মীৎয়েং থমখি।" মসিগী মরুওইবা পান্দমদি নহারোলশিংগী শক্তি শেমগৎপা অমসুং নহারোলশিংগী শক্তিগী খুত্থাংদা মপাঙ্গল কনবা অমসুং মপাঙ্গল লৈবা ভারত অমা শেমগৎপনি! শ্রী মোদীনা ফোংদোকখি।
মীফম অদুগী চহি খরগী মতুংদা গুজরাতকী মুখ্য মন্ত্রী ওইরকপদগী হৌরগা সরকারগী মকোক ওইদুনা মহাক্না চহী ২৫ চুপ্না লেপ্পা লৈতনা থবক তৌবগী খোঙচৎ অদু য়েংলদুনা প্রধান মন্ত্রীনা হায়খি মদুদি লৈবাক অসিগী নহাশিং অসি মহাক্কী পোলিসীশিংগী ময়াইদা লৈরি। মহাক্না চিনময় অমৃত মহোৎসবকী নহা ওইরিবা ভোলুন্তিয়রশিংবু মরুওইবা থৌদাংশিং লৌবগীদমক অমসুং নুমিৎ ৩০০গী মনুংদা কি.মি. ৪০,০০০ চৎতুনা নহা ওইরিবা নাগরিক লাখ অমগা ৱারী শানবগীদমক থাগৎপা ফোংদোকখি।" মসিগী অফবা থবক অসিগীদমক্তা ঐনা তীম পুম্নমকপু থাগৎপা ফোংদোকচরি।"
উপনিশাদকী ৱারোল 'ভায়াম অমৃতস্য পুতরাহ' (ঐখোয় অসি অমরিতগী মচাশিংনি) অসিবু পল্লদুনা প্রধান মন্ত্রীনা হায়খি মদুদি ভারতনা চহি লিশিং কয়াদগী লৌশিং অমসুং মঙালগীদমক হোৎনদুনা লাক্লি মরমদি মসিগী ৱাখল অমসুং লৌশিং অসি অমরিতনি। মসিনা মহাকপু নীংখা তম্বগী ৭৫শুবা চহিগী থৌরমদা অমৃত মহোৎসব অমা পাংথোক্নবা পুক্নিং থৌগৎখি। মসিনা বিক্সিত ভারত অমা শেমগৎনবা অমসুং মীওইবা খুন্নাইগীদমক ভারতকী চহি লিশিং কয়াগী মমাংগী পুক্নিং চিংশিনবা অদু অমুক হন্না হৌদোক্নবা হোৎনগনি। মতৌ করম্না অয়াম্বা স্পিরিচুএল, কলচরেল অমসুং সোসিএল বোদীশিংনা মরুওইবা মাইলস্তোনশিংদা অচেৎপা অচেৎপা থৌদাংশিং লৌরকপগে হায়বদু পল্লদুনা মহাক্না চিনময় মিসনবু লৈবাক অসিগী অমৃত কাল কেম্পেনদা য়াওশিনখিবদা নুংঙাইবা ফোংদোকখি। শ্রী মোদীনা হায়খি, "মসি তশেংনা ঐখোয়গী অমৃতসিয়া পুথ্রা ওইবগী অচুম্বা খুদম্নি।"
লৈবাক অসিবু চিংখৎনবা অমসুং চাউখৎহন্নবা "ভায়ম রাস্ত্র জগরিয়ম পুরোহিত" হায়বা বেদিক্কী ৱারোল পল্লদুনা, প্রধান মন্ত্রীনা স্বামী চিন্ময়ানন্দনা মতৌ করম্না নেস্নেল প্রাইওরিতিশিংদা মহাক্না স্পিরিচুএলিতিদা তৌবগুম্না ৱা ঙাংখিবগে হায়বগী মতাংদা পনখি। মহাক্না তম্বীরম্মি মদুদি লৈবাক অসি ঐখোয়গী কলচর অমসুং লৈমিন্নবগী য়ুম্ফম ওইবনা, স্পিরিচুএল গ্রোথনা পর্সোনেল গ্রোথ অমসুং নেস্নেল প্রগতিদা ইনোৎ পীগদবনি। লৈবাক্কী মশাগী ইকায়খুম্নবা পীনবা, স্বামীজীনা উপনিষদ, বেদান্ত অমসুং লাইরিকশিং মীয়ামদা য়ৌহন্নবগীদমক গীতা জ্ঞান যজ্ঞ হৌদোকখি। মসিনা মরম ওইদুনা ঙসিদি চিনময় মিসনগী নহারোল লাখ কয়ানা ভারতকী মগুনশিংবু কলচরেল ব্রান্দ এম্বেসেদরশিং ওইনা য়ৌহনখ্রে।" ইকাই খুম্নরবা গুরুদেবকী থৌদাং অসি ভারতকী কলচরেল অমসুং স্পিরিচুএল রিনাইসেন্সকী মরুওইবা চেপ্তর অমনি হায়না প্রধান মন্ত্রীনা ফোংদোকখি।
২০১৫দা গুরুদেবকী মপোক কুমওন চহী ১০০ শুরকপদা কুমহৈগী শেনফম অমা রিলিজ তৌখিবা অদু নীংশিংলদুনা প্রধান মন্ত্রীনা গুরু স্বামী শিবানন্দনা হায়রম্বা 'চিংবগুম চিংবিয়ু' হায়বা ৱাফম অদু মপুং ফাহনখিবা গায়না, কর্মা অমসুং ভক্তিগী অঙকপা মরী অমা ওইনা স্বামীজীগী পুন্সিগী মরমদা ফোংদোকখি। মহাক্না হায়খি মদুদি স্বামীজীগী মনুংগী ওইবা থাজবা অসিনা শোইরোইদবা ইথিল অমা অইবশিংদা পীখি, অদুগা মহাক্কী 'আর্ত ওফ মেন মেকিং' রেদিও প্রোগ্রামনা মশিং য়াম্লবা পুন্সি কয়াদা লমজিং-লমতাক পীখি।" মহাক্কী খোঞ্জেলদা য়াওরিবা মশাগী থাজবা, মহাক্কী মপুং ওইবা পাঙ্গল অসিনা মীপুম খুদিংমক্কী থম্মোয়দা মহাক্কী ৱাখল্লোনগী ইথিল পীখি।"
শক্নাইরবা মীওইশিংগী মিসন অসি মখোয়গী পুন্সিগী মতমদগী হেন্দুনা চৎলি হায়না পল্লদুনা, প্রধান মন্ত্রীনা চিনময় মিসননা শেমগৎলিবা পাক চাউবা এজুকেসন নেটৱার্ক অদু পনখি। মহাক্না পনখি মদুদি হৌজিক চিংমৈগী এজুকেস্নেল ইন্সতিত্যুসন ১০০ হেনবনা লৈবাক শীনবা থুংনা লৈরিবা মহৈরোয় লাখ কয়াগী তুংলমচৎ শেমগৎলি।" মখোয়না ইন্সতিত্যুসনশিং অসিদা মোদর্ন এজুকেসন ফংলি, অমসুং মখোয়না ভারতকী ভেল্যুশিংসু লৌনরি।"
হৌজিক মতমগী লৈঙাক অসি স্বামী চিন্ময়ানন্দাগুম্বা ৱাখল খনবা মীওইশিংগী নীংতম্লবা মতুংগী মিৎয়েংগা মান্নহল্লদুনা প্রধান মন্ত্রীনা হায়খি মদুদি লৈবাক অসিনা অনৌবা ভারত অমগীদমক্তা একাদেমিকশিংবু মোদর্নাইজ তৌনবা মাগী থৌদাং অদু থবক ওইনা পাংথোক্লি। মহাক্না নেস্নেল এজুকেসন পোলিসী হৌদোকখিবগী মতাংদা পনখি, মসিদা ভারতকী লৌশিং ত্রেদিসন, মমা লোনদা এজুকেসন, মোদর্ন সাইন্স অমসুং তেক্নোলোজী অসি পুন্সিল্লি। অনৌবা এজুকেসন পোলিসী অসিদা, মখোয় পুম্নমক্তা মরুওইবা পীরি হায়না শ্রী মোদীনা ফোংদোকখি।
ভারতকী হেরিতেজ ঙাক্তুনা থম্নবগীদমক্তা গুরুদেবনা পুন্সি চুপ্পা হোৎনখিবা অদু পল্লদুনা প্রধান মন্ত্রীনা গুরুদেবনা কন্যাকুমারীদা সমুদ্রদা বিবেকানন্দ রোক মেমোরিয়েল শাগৎনবা একনাথ রানাদেবকী ৱারেপ অদুদা মতৌ করম্না চেৎনা লেপখিবা অমসুং প্রোজেক্ত অসিগীদমক্তা অহানবা শেলগী তেংবাং পীখিবা অদু নীংশিংখি। মহাক্না হায়খি মদুদি স্তেমিক অসিনা হৌজিক মালেম শিনবা থুংনা মীওই মিলিয়ন কয়াদা ইথিল পীবগী মৈরা ওইনা মথৌ তৌরি।" স্বামিজীগী পুন্সিগী অতোপ্পা মিসন অমা হায়রগদি ভারতকী হেরিতেজদা চাউথোকচবা অমসুং মদুবু ঙাক-শেন্দুনা থম্বা হায়বসিনি। প্রধান মন্ত্রী মোদীনা হায়খি।
লৈবাক অসিদা অৱাংদগী খা ফাওবা অমসুং নোংপোক থংবা অমসুং নোংচুপ থংবা ফাওবদা চৎনরিবা কলচরেল রিনাইসেন্সকী মতাংদা পল্লদুনা, প্রধান মন্ত্রীনা কাশী বিশ্বনাথ ধাম, অয়োধ্যাদা লৈবা শ্রী রাম মন্দির, উজ্জয়িনগী মহাকল মহালোক, কেদর্নাথ অমসুং বদ্রীনাথ, কলচরেল সাইতশিং য়ু.এন.ই.এস.সি.ও.গী ৱার্ল্দ হেরিতেজ লিস্ততা য়াওহনবগা লোয়ননা চাউনা নৌহৌননা শেমগৎপগী মতাংদা পনখি। হান্নগী মতমশিংদগী তোঙান্না থমদুনা, লুহোংলবা ভারতকী অরিবা মতমগী পোৎলমশিং অসি মপান্দা মায়োক্নবা লৈতনা য়োনবা মতমদা, মহাক্না হৌখিবা চহি তরানিপাল অসিদা হেরিতেজ আর্তিফেক্তশিং অমুক হন্না য়ুমদা পুশিল্লকপগী মতাংদা পনখি।" হৌখিবা চহি ১২ অসিদা, ঐখোয়না অসিগুম্বা অরিবা মীতম ৬৫০ হেন্না পুশিল্লকখ্রে।"
স্বামীজীনা মালেমদা ভারতকী ফিলোসোফী য়ৌহনখিবা অমসুং ঙসি মালেম অসিগা ভারতপু পুনশিনখিবা ইন্তর্নেস্নেল য়োগ নুমিৎকী মরক্তা মান্নবা অমা পল্লদুনা প্রধান মন্ত্রীনা হায়খি মদুদি লৈবাক অসিনা মসিগী হেরিতেজ অসিদা অমুক্কা হন্না চাউথোকচবা অমসুং কোলোনিএল মাইন্দসেৎতগী নীংতম্বা অসিনা মসিনা অরিবা মতমগী অঙকপা মীওইশিং অমসুং পেত্রিওৎশিংনা খল্লম্বা লম্বীদা মাংলোমদা চংশিল্লি হায়বা উৎলি। মহাক্না হায়খি মদুদি মখোয়গী ইন্তলেকচুএল লেগেসী অসি লমদম অসিগী খ্বাইদগী চাউবা শক্তি ওইরি।" ঐখোয়গী হেরিতেজ অসিদা ইকাই খুম্নবা অমসুং ক্রীতদাস ওইবগী ৱাখল্লোনদগী নীংতম্বা ফংলগনি হায়বগী থাজবা অসিনা লৈবাক অসিনা হৌজিক অওনবা পুরকপগী লম্বীদা মাংলোমদা চংশিল্লি হায়বা অসিগী খুদম্নি।"
তোঙান তোঙানবা ওর্গনাইজেসনশিংনা তোঙান তোঙানবা পান্দমশিং থম্নবা হোৎনরবসু, লম্বী পুম্নমক্না জাতিগী চাউখৎপা অমসুং চাউথোকচবগী অমত্তা ঙাইরবা পান্দমদা চঙশিল্লি হায়বা ৱাফম থম্লদুনা প্রধান মন্ত্রীনা হায়খি মদুদি স্বামী চিন্ময়ানন্দনা মহাক্কী মতমগী শিংনবশিং অদুগী মতুং ইন্না মহাক্কী ৱারেপশিং অদু শেমখিবগুম্না, ঙসিগী মীরোলনা অনৌবা খুন্নাইগী অৱাবা অমসুং শিংনবশিং অদু থেংনগদবনি। মহাক্না তান্থোক্নীংঙাই ওইবা ফোর্সশিংগী মায়োক্তা খুন্নাই অসিবু অমত্তা ওইনা পুন্সিন্ননবা, মশা-মরোমদোম লেপচবা হেনগৎহন্নবা অমসুং ২০৪৭তা বিক্সিত ভারতকী পান্দমগা লোইননা নাগরিক খুদিংমকপু শম্নহন্নবা হোৎননবা হায়খি।" ঙসিদি, ঐখোয়না সমাজবু য়েৎননিংঙাই ওইবা ফোর্সশিংগী মায়োক্তা পুন্সিনবা তাই।"
২০৪৭দা ভারতকী নীংতম্বগী চহি ১০০শুবা কুমওন অসি চিনময় মিসনগী চহি ১০০শুবা কুমওনগা চপ মান্নরগনি হায়না পল্লদুনা প্রধান মন্ত্রীনা হায়খি মদুদি খোঙচৎ অনিমক্কী পান্দম মান্নৈ অমসুং মখোয়না অমগা অমগা চৎমিন্নদুনা মাংলোমদা চংশিনগদবনি। মিসন অসিগী মালেমগী আচার্য, থিজিনবশিং অমসুং ভোলুন্তিয়রশিংনা গুরুদেবকী লিগেসী অমসুং চহী কয়াগী এক্সপরিয়েন্স অসি বিক্সিত ভারত অমা শেমগৎপদা মতেং পাংগনি হায়না মপুং ফানা থাজবা থম্লি।" মসিনা তাকপদি, চিনময় মিসনগী চহি চাগী খোঙচৎ অমসুং বিক্সিত ভারতকী খোঙচৎ অসি অমত্তা ওইনা মাংলোমদা চংশিল্লগনি।"
***