وزارت دفاع نے 21 اکتوبر 2026 کو نئی دہلی میں دفاعی سکریٹری جناب راجیش کمار سنگھ کی موجودگی میں میسرز بھارت الیکٹرانکس لمیٹڈ (بی ای ایل) کے ساتھ تقریباً 770 کروڑ روپے کی لاگت سے بہتر صلاحیتوں کے حامل ہلکے وزن کے نچلی سطح کے ریڈار (ایل  ایل ایل آر-آئی) کی خریداری کے لیے ایک معاہدے پر دستخط کیے۔

ایل  ایل ایل آر-آئی نظام میں لڑاکا طیاروں کے حجم کے اہداف اور چھوٹے و انتہائی چھوٹے ڈرونز کا پتہ لگانے اور ان کا تعاقب کرنے کی صلاحیت موجود ہے۔ اس میں فضائی اہداف کو ترجیح دینے کی اضافی صلاحیت بھی ہے۔ اس سے بھارتی فوج کو بغیر پائلٹ کے  چلنے والےفضائی سسٹم (یو اے ایس)سے لاحق خطرات کا مؤثر طریقے سے مقابلہ کرنے میں مدد ملے گی۔

حکومت کے ’وکست بھارت @2047‘ کے وژن سے ہم آہنگ، یہ خریداری فضائی دفاعی آلات کی مقامی سطح پر تیاری کی جانب ایک اہم قدم ہے۔ اس سے بھارت کے دفاعی مینوفیکچرنگ نظام کو فروغ ملے گا، جس میں مائیکرو، چھوٹی اور درمیانے درجے کی صنعتیں (ایم ایس ایم ایز) بھی شامل ہیں، اور ایک مضبوط، خود انحصار اور عالمی سطح پر مسابقت سے بھرپور دفاعی صنعت کے فروغ میں مدد ملے گی۔

*******

 (ش ح ۔ ع و  ۔ص ج )

U. No.6407

(ریلیز آئی ڈی: 2326012) وزیٹر کاؤنٹر : 10