પ્રધાનમંત્રી શ્રી નરેન્દ્ર મોદીએ આજે RSS સ્થાપના દિવસના ખાસ પ્રસંગે તમામ સ્વયંસેવકોને શુભેચ્છાઓ પાઠવી. તેમણે નાગપુરમાં 'શતાબ્દી વર્ષ શ્રી વિજયાદશમી ઉત્સવ' દરમિયાન સરસંઘચાલક ડૉ. મોહન ભાગવતજી દ્વારા આપવામાં આવેલા પ્રેરણાદાયી ભાષણને પણ શેર કર્યું.

'X' (ટ્વિટર) પર શ્રેણીબદ્ધ પોસ્ટ્સમાં, પ્રધાનમંત્રીએ કહ્યું:

"આજે, RSS સ્થાપના દિવસના ખાસ પ્રસંગે, બધા સ્વયંસેવકોને મારી શુભેચ્છાઓ. હું તે બધા મહાન વ્યક્તિઓને પણ નમન કરું છું જેમણે વર્ષોથી RSSનું સિંચન કર્યું છે અને તેને આગળ ધપાવ્યું છે.

RSS એ સેવા, રાષ્ટ્ર નિર્માણ અને સામાજિક સંવાદિતાના ક્ષેત્રોમાં એક ભવ્ય સદી પૂર્ણ કરી છે. અસંખ્ય સ્વયંસેવકોએ ફરજની ભાવના અને 'રાષ્ટ્ર પ્રથમ' ની ભાવના સાથે સમાજ માટે કાર્ય કર્યું છે.

આ ભાવના આવનારા સમયમાં રાષ્ટ્રીય વિકાસને મજબૂત બનાવતી રહે તેવી પ્રાર્થના."

રાષ્ટ્રીય સ્વયંસેવક સંઘના સ્થાપના દિવસના ખાસ પ્રસંગે તમામ સ્વયંસેવકોને મારી હાર્દિક શુભેચ્છાઓ! હું તે તમામ વિભૂતિઓને પણ નમન કરું છું જેમણે પોતાના અથાક પરિશ્રમ અને સેવાની ભાવના દ્વારા સંઘનું સિંચન અને પાલન કર્યું છે.

રાષ્ટ્રીય સ્વયંસેવક સંઘે સેવા, રાષ્ટ્રનિર્માણ અને સામાજિક પ્રતિબદ્ધતાની ભવ્ય શતાબ્દી પૂર્ણ કરી છે. અસંખ્ય સ્વયંસેવકોએ હંમેશા પોતાના સમર્પણ, ફરજ પ્રત્યેની નિષ્ઠા અને રાષ્ટ્ર-પ્રથમતાની ભાવનાથી સમાજના ઉત્થાન માટે કાર્ય કર્યું છે.

મને વિશ્વાસ છે કે આવનારા સમયમાં આ ભાવના દેશને વધુને વધુ મજબૂત બનાવશે."

નાગપુરમાં શ્રી વિજયાદશમીના શતાબ્દી સમારોહ દરમિયાન, પરમ પૂજ્ય સરસંઘચાલક ડૉ. મોહન ભાગવતે ખૂબ જ પ્રેરણાદાયી ભાષણ આપ્યું.

તેમણે રાષ્ટ્રીય પ્રગતિ, સામાજિક એકતા, આત્મનિર્ભરતાની જરૂરિયાત અને સમાજના ચારિત્ર્યને મજબૂત બનાવવા સહિતના વિવિધ વિષયો પર વિસ્તૃત રીતે વાત કરી.

વિશેષ રૂપે નોંધનીય એ હતું કે તેમણે "સેવા" અને "રાષ્ટ્ર નિર્માણ" પ્રત્યેની પ્રતિબદ્ધતા પર ભાર મૂક્યો હતો જે દરેક RSS સ્વયંસેવક માટે અભિન્ન અંગ છે.

તેમણે "પંચ પરિવર્તન" અને તે કેવી રીતે સકારાત્મક સામાજિક પરિવર્તનમાં અર્થપૂર્ણ યોગદાન આપી શકે છે તે વિશે પણ વાત કરી.

@RSSorg

@DrMohanBhagwat

https://www.youtube.com/live/PcWgPtMVw_Q?si=mCFMUSKnpi_UvUhQ”

SM/NK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com