انسانی حقوق کے قومی کمیشن نے اپنے آن لائن منعقد  ’’انسانی حقوق کوئز 2026: زندگی، آزادی، مساوات اور وقار کا جشن‘‘ کے 10 فاتحین کے ناموں کا اعلان کیا ہے۔ یہ کوئز کمیشن کے 33ویں یومِ تاسیس کے سلسلے میں مائی گوو کے اشتراک سے یکم ستمبر سے 10 اکتوبر 2026 تک منعقد کیا گیا۔ اس کوئز کا مقصد ہر فرد کو انسانی حقوق، انسانی حقوق کے تحفظ کے قانون 1993 اور ملک بھر میں انسانی حقوق کے فروغ اور تحفظ کے لیے قومی انسانی حقوق کمیشن کے اختیارات، فرائض اور ذمہ داریوں کے بارے میں معلومات حاصل کرنے کے عمل میں شامل کرنا تھا۔

محترمہ آرتی مہاجن نے 15,000 روپے کا پہلا انعام حاصل کیا ہے۔ محترمہ ریتیکا نے 10,000 روپے کا دوسرا انعام حاصل کیا جبکہ محترمہ طوبیٰ بینظیر کو 5,000 روپے کے تیسرے انعام سے نوازا گیا۔ اس کے علاوہ، 2,000 روپے فی کس کے سات ترغیبی انعامات جناب آدتیہ گپتا،جناب ترون، جناب رانی منڈل، جناب بسنت کمار مہاتو، جناب  لکھت کمار اے اور محترمہ دیپیکا مداسو کو دیے گئے۔

اس کوئز میں ملک کی تمام ریاستوں اور مرکز کے زیر انتظام علاقوں کے شرکاء نے حصہ لیا۔ اسے 1,67,127 مرتبہ دیکھا گیا اور اس میں 26,459 جوابات موصول ہوئے۔ ان میں سب سے زیادہ جوابات 18 سے 24 سال کی عمر کے افراد کی جانب سے موصول ہوئے۔ ریاستوں کے لحاظ سے اترپردیش، مہاراشٹر اور تمل ناڈو شرکت کے معاملے میں سرفہرست رہے۔

مجموعی طور پر 5,753 شرکاء نے 15 میں سے 15 نمبر حاصل کیے۔ ان میں سے 10 فاتحین کا انتخاب کوئز کی شرائط و ضوابط کے مطابق مائی گوو کی ٹیم نے قرعہ اندازی کے ذریعے کیا۔ شرکاء کو 300 سیکنڈ کے اندر زیادہ سے زیادہ 15 سوالات کے جوابات دینے تھے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح –ش  م-ع ن)

U. No. 6299

(ریلیز آئی ڈی: 2325035) وزیٹر کاؤنٹر : 10