તમિલનાડુના દરિયાકાંઠાના પ્રદેશમાં તાજેતરના વર્ષોમાં સૌથી મોટા નાર્કોટિક્સ જપ્તીમાંથી એકમાં, સંગઠિત ડ્રગ તસ્કરી સામેની એક મોટી કાર્યવાહીમાં, ડિરેક્ટોરેટ ઓફ રેવન્યુ ઇન્ટેલિજન્સ (DRI) એ તમિલનાડુના નાગપટ્ટનમ જિલ્લાના દરિયાકાંઠાના એક ગામમાંથી 137 કિગ્રા (ગ્રોસ) ક્રિસ્ટલ મેથામ્ફેટામાઇન, એક પ્રતિબંધિત સિન્થેટિક ડ્રગ જપ્ત કર્યું છે. ચોક્કસ ગુપ્ત માહિતીના આધારે, DRI અધિકારીઓએ 16-17 ઓક્ટોબર, 2026 દરમિયાન સઘન તપાસ અને એન્ફોર્મેશન ઓપરેશન હાથ ધર્યું હતું, જેમાં શ્રીલંકામાં નશીલા પદાર્થોની તસ્કરી કરવાનો પ્રયાસ કરી રહેલા શંકાસ્પદ દરિયાકાંઠાના ડ્રગ-તસ્કરી નેટવર્કનો સફળતાપૂર્વક પર્દાફાશ કર્યો હતો. આ જથ્થો મિડ-સી ટ્રાન્સફર દ્વારા શ્રીલંકામાં તસ્કરી કરવાનો હતો. ગેરકાયદેસર ડ્રગ માર્કેટમાં જપ્ત કરાયેલ પ્રતિબંધિત સામગ્રીની કિંમત 100 કરોડ રૂપિયાથી વધુ હોવાનો અંદાજ છે.

આ ઓપરેશન ચોક્કસ ગુપ્ત માહિતીને અનુસરીને હાથ ધરવામાં આવ્યું હતું જેમાં સંકેત મળ્યો હતો કે સંગ્રહ કરવા અને શ્રીલંકામાં આગળની તસ્કરી માટે નાગપટ્ટનમ જિલ્લાના દરિયાકાંઠાના સ્થળે નશીલા પદાર્થોનો મોટો જથ્થો પરિવહન કરવામાં આવ્યો હતો. ત્યારબાદની શોધખોળમાં છ ડફલ બેગ મળી આવી હતી જેમાં 27 સિલ્વર-ફોઇલ પેકેટ હતા, જેમાંથી દરેકનું વજન આશરે 5 કિગ્રા હતું. પેકેટોમાં ઉચ્ચ શુદ્ધતાના મેથામ્ફેટામાઇન હોવાની શંકાસ્પદ સફેદ સ્ફટિકીય પદાર્થ હતો. આ પ્રતિબંધિત સામગ્રીને નાર્કોટિક ડ્રગ્સ એન્ડ સાયકોટ્રોપિક સબસ્ટેન્સિસ (NDPS) એક્ટ, 1985 ની જોગવાઈઓ હેઠળ જપ્ત કરવામાં આવી હતી.

શંકાસ્પદ આયોજકના પરિસરમાં એક સાથે હાથ ધરેલી શોધખોળમાં, DRI અધિકારીઓએ વેચાણની આવક હોવાની શંકાસ્પદ રૂ. 10 લાખ રોકડા જપ્ત કર્યા હતા. નશીલા પદાર્થોના પરિવહન માટે કથિત રીતે ઉપયોગમાં લેવાતી બે ફોર-વ્હીલર અને એક ટુ-વ્હીલર પણ જપ્ત કરવામાં આવી હતી. આ ઓપરેશને દરિયાકાંઠાની નિકાસ, પરિવહન, સંગ્રહ અને લોજિસ્ટિક્સનું આયોજન કરવામાં સંડોવાયેલા વ્યક્તિઓ સહિતના ડ્રગ તસ્કરી નેટવર્કને સફળતાપૂર્વક ખુલ્લું પાડ્યું છે. NDPS એક્ટ, 1985 ની જોગવાઈઓ હેઠળ ચાર વ્યક્તિઓની ધરપકડ કરવામાં આવી છે અને તેમને ન્યાયિક કસ્ટડીમાં રિમાન્ડ પર મોકલવામાં આવ્યા છે.

આ ઓપરેશન દ્વારા, DRIએ માત્ર ગેરકાયદેસર બજારમાં પહોંચતા પ્રતિબંધિત ડ્રગ્સનો નોંધપાત્ર જથ્થો દૂર કર્યો નથી પરંતુ ડ્રગ-તસ્કરી નેટવર્કને પણ સફળતાપૂર્વક તોડી પાડ્યું છે. આ મુખ્ય જપ્તી સંગઠિત ડ્રગ-તસ્કરી નેટવર્ક્સને ડહોળવામાં અને ગેરકાયદેસર નર્કોટિક્સ તસ્કરી માટે ભારતના દરિયાકાંઠાના ઉપયોગને અટકાવવામાં DRI ના સતત પ્રયાસો અને અમલીકરણ ક્ષમતાઓને રેખાંકિત કરે છે.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com