ৱাহং ১. আই.দি.বি.আই. বেঙ্ক লিমিতেদকী স্ত্রেতেজিক বায়র অদু কনানো?

পাউখুম: এম./এস. ১০৯৫৫২৩০ কেনাদা ইঙ্ক. (পেরেন্ত এন্তিততী এম./এস. ফেয়রফেক্স ফাইনান্সিয়েল হোল্দিংস লিমিতেদ)বু আই.দি.বি.আই. বেঙ্ক লিমিতেদকী স্ত্রেতেজিক বায়র ওইনা অয়াবা পীখ্রে।

ৱাহং ২. ত্রাঞ্জেক্সন অসিগী শেনফম অসি কয়া চাউবগে?

পাউখুম: ত্রাঞ্জেক্সন অসিগী লৈবগী মমল অসি লুপা করোর ৫২,৮৭৮.০৮০৬১৮১ নি (ৱাহৈদা লুপা করোর লিশিং য়াংখৈনিথৌই চানিপল হুমফুদ্রানিপাল লাখ নিপাল লিশিং তরুক চামগা মরিফু মাথোই খক্তমক)।

ৱাহং ৩. মসি ভারত সরকার (GoI) অমসুং লাইফ ইন্সুরেন্স কোর্পোরেসন ওফ ইন্দিয়াগী (LIC) মরক্তা করম্না খাইদোক্কনি?

পাউখুম: ত্রাঞ্জেক্সন অসিগী খুত্থাংদা আই.দি.বি.আই. বেঙ্ক লিমিতেদকী অপুনবা শিয়রদগী চাদা ৬০.৭২ স্তেক য়োল্লি, মসিদা ভারত সরকারনা থম্বা চাদা ৩০.৪৮ শিয়র অমসুং এল.আই.সি.না থম্বা চাদা ৩০.২৪ শিয়র য়াওরি। ফংলকপা শেনফম অদু চপ মান্নবা চাং অসিদা খাইদোক্কনি।

ৱাহং ৪. বিদ্দিংগী থৌওং অসিদা লুপ কয়া য়াওখিবগে?

পাউখুম: অহানবদা মখোয়গী এক্সপ্রেসন ওফ ইন্তরেস্ত পীশিনখিবা পার্তী মঙাগী মনুংদা, পার্তী মরিদি প্রিলিমিনরী ইনফোর্মেসন মেমোরেন্দম (PIM)দা পনখিবা এলিজিবিলিতী ক্রাইতেরিয়া অমসুং দিসক্বালিফিকেসন কন্দিসনশিংগী মতুং ইন্না ক্বালিফাই ওইখি, মখোয়গী মনুংদা অনিনা অরোইবদা মখোয়গী তেক্নো-ফাইনান্সিয়েল বিদশিং পীশিনখি অমসুং ত্রাঞ্জেক্সন অসিগীদমক ক্বালিফায়দ বিদ্দর (QBs) ওইখি।

ৱাহং ৫. আই.দি.বি.আই. বেঙ্ক লিমিতেদকী ভেল্যুৱেসনগীদমক করম্বা মেথদশিং শিজিন্নখিবগে?

পাউখুম: এন্তর্প্রাইজ অসিগী অচুম্বা মমল অদু তোঙানবা মেথদ অনি, হায়বদি মার্কেত মলতিপল মেথদ অমসুং এসেত ভেল্যুৱেসন মেথদ শিজিন্নদুনা লেপখি।

ৱাহং ৬. ভেল্যুৱেসনগী থবক অসি কনানা পাংথোকখিবগে?

পাউখুম: এন্তর্প্রাইজ অসিগী ভেল্যুৱেসন অসি মসিগীদমক খনখিবা তোপ-তোপ্পা, প্রোফেস্নেল ভেল্যুৱেসন এজেন্সী অনিনা পাংথোকখি। থৌওং অসিগী মনুংদা য়াওবা কনফিদেন্সিয়েল গেরেন্তীশিংনা মরম ওইরগা মখোয়গী মমিংশিং অদু ফোংদোকপা য়ারোই।

ৱাহং ৭. আই.দি.বি.আই. বেঙ্ককী ভেল্যুৱেসনদা স্তোক কৈথেলগী মমলনা করম্বা থৌদাং লৌখিবগে?

পাউখুম: খরা খক্তা ত্রেদ তৌবা আই.দি.বি.আই. স্তোক্কী লেপ্পা লৈতবা কৈথেলগী মমল অদু বিদ ওফরগী মমল অদুগী মথক্তা অমসুং মখাদা লেপ্পা লৈতনা হোংদুনা লৈখি (ভেল্যুৱেসনগী মতমদা শিয়র অমদা লুপা ৬১.০১দগী লুপা ১১৮.৩৮ ফাওবগী নেম্বা-ৱাংবা রেঞ্জ লৈখি)। মসি লৌখিদে, মরমদি মসিনা এন্তর্প্রাইজ অসিগী অশেংবা মমলগা ভেল্যুৱেসন অদু মান্নদবা থোকহনবগী চাং লৈ, অমসুং মসিগী মহুত্তা, খুদোংচাদবা অসি কোকহনবা মার্কেত মলতিপল মেথদকী খুত্থাংদা রিলেতিব ভেল্যুৱেসন অদু পব্লিক সেক্তর বেঙ্ক পুম্নমক্কী মার্চ ৩১, ২০২৬ কী ক্লোজিং একাউন্তশিংগী য়ুম্ফমদা এন্তর্প্রাইজ অসিগী অচুম্বা কৈথেলগী মমল লেপ্নবা শিজিন্নখি।

ৱাহং ৮. আই.দি.বি.আই. বেঙ্ককী লম অমসুং লন-থুমশিং য়াওনা এসেতশিং অদু করম্না ভেল্যু তৌখিবগে?

পাউখুম: লায়েবিলিতীশিংগা লোয়ননা লম অমসুং লন-থুমশিং য়াওনা তেঞ্জিবল অমসুং ইন্তেঞ্জিবল এসেত অনীমক য়েংশিনবা এসেত ভেল্যুৱেসন মেথদ অদু আই.দি.বি.আই. বেঙ্ককী মার্চ ৩১, ২০২৬ কী ওদিতেদ একাউন্তশিংগী মতুং ইন্না এন্তর্প্রাইজ অসিগী অচুম্বা নেত এসেত ভেল্যু লেপ্নবা শিজিন্নখি।

ৱাহং ৯. ত্রাঞ্জেক্সন অসিগীদমক শিজিন্নখিবা বেঞ্চমার্ক মমল অদু করিনো?

পাউখুম: ‌ইন্দিপেন্দেন্ত ভেল্যুৱেসন অনিগী চাংচৎ (শিয়র অমদা লুপা ৭৫.৯৯) অসিনা ক্বালিফাই তৌরবা বিশিং য়েংশিনবগী বেঞ্চমার্ক মমল ওইনা শিজিন্নখি। মাইপাক্লবা বিদ অদু বেঞ্চমার্ক মমল অদুদগী অমসুং ইন্দিপেন্দেন্ত ভেল্যুৱেসন এজেন্সী অনিমক্কী ফেয়র ভেল্যু এস্তিমেতশিংদগী হেন্না ৱাংবা ওইনা ফংখি।

ৱাহং ১০. বেঞ্চমার্ক মমল অদু করম্না লেপখিবগে?

পাউখুম: বেঞ্চমার্ক মমল অসি মার্কেত মলতিপল মেথদনা লেপখিবা অচুম্বা কৈথেলগী মমল অমসুং এসেত ভেল্যুৱেসন মেথদনা লেপখিবা অচুম্বা নেত এসেত ভেল্যুগী চাংচৎনি।

ৱাহং ১১. মখাতানা লৌখৎকদবা থৌরাং অদু করিনো?

পাউখুম: মাইপাক্লবা বিদ্দর অদুনা হৌজিক ই.ও.আই. (EoI) স্তেজদা পাংথোকখিবা ‘ফিৎ এন্দ প্রোপর’ এসেসমেন্তকী মতুং ইন্না আর.বি.আই.দা (RBI) মসিগী ক্রেদেন্সিয়েলশিং পীশিনগনি অমসুং মসিদা পনখিবা রেগ্যুলেতরী কন্দিসনশিং অদু ঙাক্না চৎনবা রোদমেপ অমা পীশিনগনি।

ৱাহং ১২. ভারত সরকার অমসুং এল.আই.সি.গী মখুত্তা লেমহৌরিবা ইক্বিতী স্তেক অদু করিনো?

পাউখুম: ভারত সরকারনা লেমহৌরিবা ইক্বিতী স্তেক চাদা ১৫ থমগনি অদুগা এল.আই.সি.না চাদা ১৯ ইক্বিতী স্তেক থমগনি। মখোয় অনীমক্না বোর্দতগী মখোয়গী নোমিনীশিং লৌথোক্কনি অমসুং পব্লিক শিয়রহোল্দরশিং ওইরক্কনি।

ৱাহং ১৩. ভারত সরকার অমসুং এল.আই.সি.না আই.দি.বি.আই. বেঙ্কতা লৈরিবা মখোয়গী লেমহৌরিবা শিয়রশিং অদু করম্না মাংহনগনি/য়োল্লগনি?

পাউখুম: কেবিনেত কম্মিতী ওন ইকোনোমিক এফিয়র্সনা স্তেন্দর্দ ওপরেতিং প্রোসিদ্যুরগী মতুং ইন্না ওপন মার্কেতকী খুত্থাংদা ভারত সরকারগী লেমহৌরিবা শিয়র অদু মাইনোরিতী স্তেক সেল তৌনবা অল্তর্নেতিব মেকানিজমদা শক্তি পীশিনখ্রে। এল.আই.সি.না মসিগী রেগ্যুলেতরশিংগী চৎন-কাংলোনশিং অদু ঙাক্না চৎপা শোয়দনা লৈহন্দুনা, মসিগী ইন্তর্নেল প্রোসিদ্যুরশিংগী মতুং ইন্না মসিগী লেমহৌরিবা শিয়র অদু মেনেজ তৌবদা নিংতম্বা ফংগনি।

ৱাহং ১৪. মসিনা বেঙ্কিং সেক্তর অমসুং অপুনবা শেন্মিৎলোন্দা করম্বা শাফু পীগনি?

পাউখুম: মসিনা ঐখোয়গী শেন্মিৎলোনগী বেঙ্কিং অমসুং ফাইনান্সিয়েল সেক্তরদা য়াম্না চাউবা অফবা শাফু অমা পীগনি। প্রাইভেতাইজেসনগী মতুংদা, আই.দি.বি.আই. বেঙ্কনা হান্না থেংনখিবা মওংগুম্না সরকারগী মতেংদা মপাল তাংদনা মশানা শেন্থং পুথোকপা ঙম্লক্কনি। স্ত্রেতেজিক বায়র অসিনা প্রাইভেত কেপিতেল হাপচিনগনি, অনৌবা তেক্নোলোজী অমসুং হেন্না ফবা মেনেজমেন্তকী চৎনবীশিং পুরক্কনি, মদুনা মসিগী বিজিনেসকী মতিক হেনগৎহনবদা মতেং পাংগনি অমসুং ক্রেদিত অমসুং দিপোজিৎ অনিমক্কী চাউখৎপদা মসিনা হেন্না কমপিতিতিব ওইহনগনি হায়না আশা তৌরি।

ৱাহং ১৫. জিও-পোলিতিকেল স্ত্রেনগী মতমদা মসিনা ভারতকী মপান্দগী লাকপা সেক্তরদা করম্বা শাফু পীগনি?

পাউখুম: মসি ঐখোয়গী শেন্মিৎলোনগী ফাইনান্সিয়েল সেক্তরদা হৌজিক ফাওবগী খ্বাইদগী চাউবা এফ.দি.আই. (FDI) ওইরক্কনি, অমসুং লৈবাক শিনবা থুংনা ইনভেস্তমেন্ত তৌবগী ফিবম ফগৎহনবগা লোয়ননা, ইকোনোমিক রিফোর্মশিংগীদমক অফবা ৱাখল্লোন অমা পুথোকপদা মতেং পাংগনি।

***