মন্ত্রীমন্দল
মন্ত্রী মন্দলনা রেলৱেগী শিন্মীশিংগী নুমিৎ ৭৮ নিগী প্রদক্তিবিতী লিঙ্ক বোনস (পি.এল.বি.) অয়াবা পীখ্রে
থাগৎখিবা:
14 OCT 2026 4:03PM by PIB Imphal
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা রেলৱে স্তাফশিংগী ফজবা থবকপু শকখঙবা ওইনা রেলৱেগী শিন্মী ১১,৪০,৭৭০ দা লুপা করোর ২০০৯.৬১ গী নুমিৎ ৭৮ নিগী পি.এল.বি. পীবদা অয়াবা পীরে।
ইলিজিবল ওইবা রেলৱেগী শিন্মীশিংদা পি.এল.বি. পীবা অসি দুর্গা পুজা/দসেরাগী শুতিগী মাঙওইননা চহি খুদিংগী পাঙথোকই। চহিসিদসু, নন-গেজেতেদ রেলৱে শিন্মী লাখ ১১.৪০ রোমদা নুমিৎ ৭৮ নিগী তলবকা মান্নবা পি.এল.বি.গী শেনফম পীখ্রে। পি.এল.বি. পীবা অসিনা রেলৱেগী থবক-থৌরম ফগৎহন্নবগীদমক থবক তৌরিবা রেলৱেগী শিন্মীশিংবু পুক্নিং থৌগৎনবগী ইনসেন্তিব অমা ওইনা মথৌ তৌরি।
ইলিজিবল ওইবা রেলৱেগী শিন্মী অমদা নুমিৎ ৭৮ নিগীদমক পীবা য়াবা খ্বায়দগী ৱাংবা শেনফম অসি লুপা ১৭,৯৫১/-নি। মথক্কী শেনফম অসি ত্রেক মেনতেনর্স, লোকো পাইলোত্স, ত্রেন মেনেজর্স (গার্দস), স্তেসন মাস্তর্স, সুপরভাইজর্স, তেক্নিসিয়ন্স, তেক্নিসিয়ন হেল্পর্স, পোইন্তসমেন, মিনিস্তরিয়েল স্তাফ অমসুং অতোপ্পা গ্রুপ ‘সি’ স্তাফকুম্বা তোঙান-তোঙানবা কাঙলুপশিংগী রেলৱে স্তাফশিংদা পীগনি।
ইং ২০২৫-২৬ দা রেলৱেগী থবক-থৌরমশিং য়াম্না ফখি। রেলৱেনা রেকোর্দ ওইনা পোৎ মিলিয়ন তন ১৬৭০ পুখি অমসুং পেসেঞ্জর বিলিয়ন ৭.৪১ রোম পুখি।
***
(রিলিজ আই.দি.: 2324108)
ভিজিতর কাউন্তর : 5
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam