नवी दिल्ली, 15 ऑक्टोबर 2026

केंद्रीय पर्यावरण, वने आणि हवामान बदल मंत्री भूपेंद्र यादव यांच्या अध्यक्षतेखाली आज नवी दिल्ली येथे 'जी.बी. पंत सोसायटी ऑफ हिमालयन एन्व्हॉयर्नमेंट अँड डेव्हलपमेंट'ची 27वी बैठक आयोजित करण्यात आली.

पर्यावरण, वने आणि हवामान बदल मंत्रालयाचे (MoEFCC) सचिव  नरेंद्र भूषण; महासंचालक (वने) आणि विशेष सचिव संतोष तिवारी, मंत्रालयातील इतर वरिष्ठ अधिकारी आणि जी.बी. पंत सोसायटीचे सदस्य या बैठकीस उपस्थित होते.

बैठकीदरम्यान, यादव यांनी हिमालयीन परिसंस्थेतील स्थानिक ग्रामस्थांचे जीवनमान उंचावण्यासाठी आणि त्यांच्या सर्वांगीण कल्याणात योगदान देण्यासाठी ’उपलब्धता आणि लाभांच्या वाटपाचे अधिकार' तसेच लोक जैवविविधता नोंदणी पुस्तिकेचे महत्त्व अधोरेखित केले.

पंतप्रधान नरेंद्र मोदी यांच्या नेतृत्वाखाली 2047 पर्यंत भारतीय हिमालयीन क्षेत्रात पर्यावरणीय सुरक्षा आणि शाश्वत सामाजिक-आर्थिक विकास यांचा समतोल साधणारी धोरणात्मक चौकट विकसित करण्यावर विशेष भर देण्यात आला आहे, असे त्यांनी सांगितले.

बैठकीदरम्यान, संस्थेने केलेल्या कामाच्या ज्ञान भांडारात भर घालणाऱ्या चार पुस्तकांचे प्रकाशन करण्यात आले. ही पुस्तके भागीरथी इको-सेंसिटिव्ह झोनमधील जैवविविधता संवर्धन पद्धती, गंगोत्री हिमनदी प्रणाली, ई-पीबीआर गव्हर्नन्स आणि भारतीय हिमालयीन क्षेत्रातील रामसर पाणथळ जागा या विषयांवर आधारित आहेत.

ही चार प्रकाशने खालीलप्रमाणे आहेत:

1.  बायोडायव्हर्सिटी अँड इट्स कन्झर्व्हेशन प्रॅक्टिसेस फॉर भागीरथी इको-सेंसिटिव्ह झोन

2.  गंगोत्री ग्लॅशिएटेड सिस्टम

3.  ई-पीबीआर गव्हर्नन्स फॉर द इंडियन हिमालयन रीजन

4.  रामसर वेटलँड्स ऑफ द इंडियन हिमालयन रीजन

Chaired the 27th Meeting of GB Pant Society of Himalayan Environment and Development in Delhi today. Emphasised on the importance of access and benefit-sharing rights and People’s Biodiversity Register as a means to improve the livelihood of native villagers in the Himalyan ecosystem and also for its greater good. Under the leadership of Hon'ble PM Shri @narendramodi ji, there has been a concerted focus on the policy framework which focuses on balancing ecological security with sustainable socio-economic growth in the Indian Himalayan region by 2047. Released four publications which add to the knowledge repository of the work done by the institute. 1. Biodiversity and its Conservation practices for Bhagirathi Eco-sensitive Zone 2. Gangotri Glaciated System 3. E-PBR Governance for the Indian Himalayan Region 4. Ramsar Wetlands of the Indian Himalayan Region

— Bhupender Yadav (@byadavbjp) October 15, 2026

 

 

नितीन फुल्लुके/शैलेश पाटील/प्रिती मालंडकर 

 

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

 

(Release ID: 2323816) अभ्यागत कक्ष : 11