কেন্দ্ৰীয় পৰিৱেশ, বন আৰু জলবায়ু পৰিৱৰ্তন মন্ত্ৰী শ্ৰী ভূপেন্দ্র যাদৱে আজি নতুন দিল্লীত জি বি পন্ত ছ’চাইটি অৱ হিমালয়ান এনভাইৰনমেণ্ট এণ্ড ডেভেলপমেণ্টৰ ২৭সংখ্যক বৈঠকত সভাপতিত্ব কৰে। মন্ত্ৰালয়ৰ সচিব শ্ৰী নৰেন্দ্ৰ ভূষণ, সঞ্চালক প্ৰধান (বন) আৰু বিশেষ সচিব শ্ৰী সন্তোষ তিৱাৰীকে ধৰি অন্যান্য জ্যেষ্ঠ বিষয়া তথা জি বি পন্ত ছ’চাইটিৰ সদস্যসকলে বৈঠকত অংশগ্ৰহণ কৰে।

Chaired the 27th Meeting of GB Pant Society of Himalayan Environment and Development in Delhi today. Emphasised on the importance of access and benefit-sharing rights and People’s Biodiversity Register as a means to improve the livelihood of native villagers in the Himalyan ecosystem and also for its greater good. Under the leadership of Hon'ble PM Shri @narendramodi ji, there has been a concerted focus on the policy framework which focuses on balancing ecological security with sustainable socio-economic growth in the Indian Himalayan region by 2047. Released four publications which add to the knowledge repository of the work done by the institute. 1. Biodiversity and its Conservation practices for Bhagirathi Eco-sensitive Zone 2. Gangotri Glaciated System 3. E-PBR Governance for the Indian Himalayan Region 4. Ramsar Wetlands of the Indian Himalayan Region

— Bhupender Yadav (@byadavbjp) October 15, 2026

বৈঠকত দিয়া ভাষণৰ জৰিয়তে মন্ত্ৰী শ্ৰী যাদৱে হিমালয়ৰ পৰিৱেশ তন্ত্ৰত স্থানীয় গাঁওবাসীৰ জীৱিকা উন্নত কৰা আৰু ইয়াৰ বৃহত্তৰ কল্যাণত অৰিহণা যোগোৱাৰ ক্ষেত্ৰত অংশগ্ৰহণ আৰু লাভৰ বিতৰণৰ অধিকাৰ তথা গণ জৈৱ বৈচিত্ৰ্য পঞ্জী (পি বি আৰ) যুগুতকৰণত গুৰুত্ব আৰোপ কৰে।

শ্ৰী যাদৱে কয় যে প্ৰধানমন্ত্ৰী শ্ৰী নৰেন্দ্ৰ মোদীৰ নেতৃত্বত ২০৪৭ চনৰ ভিতৰত ভাৰতীয় হিমালয় অঞ্চলত বহনক্ষম আৰ্থ-সামাজিক বিকাশৰ সৈতে পৰিৱেশগত সুৰক্ষাক সন্তুলিত কৰিব পৰাকৈ এলানি নীতিগত পৰিকাঠামো বিকশিত কৰাত সামগ্ৰিকভাৱে গুৰুত্ব দিয়া হৈছে।

প্ৰতিষ্ঠানটোৱে হাতত লোৱা কামৰ অভিজ্ঞতাৰ ভাণ্ডাৰ সমৃদ্ধ কৰিব পৰাকৈ চাৰিখন পুস্তিকা বৈঠকত মুকলি কৰা হয়। এই পুস্তিকাকেইখনে ভাৰতীয় হিমালয় অঞ্চলৰ ভাগীৰথী পৰিৱেশ সংবেদনশীল অঞ্চল, গংগোত্ৰী হিমবাহ প্ৰণালী, ই-পি বি আৰ প্ৰশাসন আৰু ৰামছাৰ জলাশয়ত জৈৱ বৈচিত্ৰ্য সংৰক্ষণৰ অনুশীলনসমূহক সামৰি লৈছে।

মুকলি কৰা পুস্তিকা চাৰিখন হ’লঃ

1. ভাগীৰথী পৰিৱেশ সংবেদনশীল অঞ্চলৰ জৈৱ বৈচিত্ৰ্য আৰু ইয়াৰ সংৰক্ষণৰ অনুশীলন।
2. গংগোত্ৰী হিমবাহ প্ৰণালী।
3. ভাৰতীয় হিমালয় অঞ্চলৰ বাবে ই-পিবিআৰ প্ৰশাসন।
4. ভাৰতীয় হিমালয় অঞ্চলৰ ৰামছাৰ জলাশয়।

***

VM/GS/PK

(ৰিলিজ আই ডি : 2323800) অতিথি কক্ষ : 2