مرکزی وزیر ماحولیات، جنگلات اور موسمیاتی تبدیلی جناب بھوپیندریادو نے آج نئی دہلی میں ہمالیائی ماحولیات اور ترقی سے متعلق جی بی پنت سوسائٹی کے 27ویں اجلاس کی صدارت کی۔ اس اجلاس میں ماحولیات، جنگلات اور موسمیاتی تبدیلی کی وزارت کے سکریٹری جناب نریندر بھوشن، وزارت کے ڈائریکٹر جنرل (جنگلات)اور اسپیشل سکریٹری جناب سنتوش تیواری، وزارت کے دیگر سینئر افسران اور جی بی پنت سوسائٹی کے اراکین نے شرکت کی۔

 

اجلاس کے دوران جناب یادو نے ہمالیائی ماحولیاتی نظام میں مقامی دیہاتیوں کے ذریعۂ معاش کو بہتر بنانے اور اس کی مجموعی فلاح و بہبود میں تعاون دینے کے لیے رسائی اور فوائد کی تقسیم کے حقوق اور عوامی حیاتیاتی تنوع رجسٹروں (پی بی آر)کی اہمیت پر زور دیا۔

Chaired the 27th Meeting of GB Pant Society of Himalayan Environment and Development in Delhi today. Emphasised on the importance of access and benefit-sharing rights and People’s Biodiversity Register as a means to improve the livelihood of native villagers in the Himalyan ecosystem and also for its greater good. Under the leadership of Hon'ble PM Shri @narendramodi ji, there has been a concerted focus on the policy framework which focuses on balancing ecological security with sustainable socio-economic growth in the Indian Himalayan region by 2047. Released four publications which add to the knowledge repository of the work done by the institute. 1. Biodiversity and its Conservation practices for Bhagirathi Eco-sensitive Zone 2. Gangotri Glaciated System 3. E-PBR Governance for the Indian Himalayan Region 4. Ramsar Wetlands of the Indian Himalayan Region

— Bhupender Yadav (@byadavbjp) October 15, 2026

جناب یادو نے اس بات کو اجاگر کیا کہ وزیر اعظم جناب نریندر مودی کی قیادت میں2047 تک ہندوستان کے ہمالیائی خطے میں ماحولیاتی تحفظ اور پائیدار سماجی و اقتصادی ترقی کے درمیان توازن قائم رکھنے والا پالیسی فریم ورک تیار کرنے پر مسلسل توجہ دی جا رہی ہے۔

اجلاس کے دوران چار مطبوعات جاری کی گئیں، جن سے ادارے کے کام سے متعلق علمی ذخیرے میں اضافہ ہوا۔ ان مطبوعات میں بھاگیرتھی کے ماحولیاتی لحاظ سے حساس علاقے میں حیاتیاتی تنوع کے تحفظ کے طریقوں، گنگوتری کے گلیشیائی نظام، الیکٹرانک عوامی حیاتیاتی تنوع رجسٹروں کی حکمرانی اور ہندوستان کے ہمالیائی خطے میں رامسر مقامات پر روشنی ڈالی گئی ہے۔

جاری کی گئی چار مطبوعات درج ذیل ہیں:

1. بھاگیرتھی کے ماحولیاتی لحاظ سے حساس علاقے میں حیاتیاتی تنوع اور اس کے تحفظ کے طریقے

2. گنگوتری کا گلیشیائی نظام

3. بھارت کے ہمالیائی خطے کے لیےای-پی بی آر گورننس

4. بھارت کے ہمالیائی خطے کے رامسر آبی علاقے

*******

) ش ح – رک )

U.NO- 6130

(ریلیز آئی ڈی: 2323746) وزیٹر کاؤنٹر : 5