প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা ব্লুমবর্গ ন্যু ইকোনোমী ফোরমদা ৱা ঙাংখ্রে
ঐহাক্না মিৎয়েং থমদুনা লাক্লিবা অসিদি শক্তি পীবগী শক্তি; লাকশিনবগী শক্তিগী মথক্তা, শক্তি পীবগী শক্তি; চাংদম্নবগী শক্তিগী মথক্তা, মতেং পীনবগী শক্তি; মাই পাকপগী শক্তিগী মথক্তা, অতোপ্পশিংবু মাই পাকহনবদা মতেং পাংবগী শক্তি অসিনি: পি.এম.
ঐখোয়গী লেপ্পা লৈতনা হোৎনরিবদি ভারতকী তৌবা ঙম্বশিং অসিনা অতোপ্পা লৈবাকশিংগীদমক্তা অনৌবা খুদোংচাবা কয়া ফংহন্নবা হোৎনবনি: পি.এম.
ভারতকী খুমাং চাউশিনবা অসি পুন্না চাউখৎপা অমসুং খুদোংচাবশিং শরুক য়ামিন্নবদা য়ুম্ফম ওই: পি.এম.
ঐখোয়না কনাগুম্বা অমগী মমলদা চাউখৎপা নত্তে। ঐখোয়না মালেমগা লোয়ননা অমসুং মালেমগীদমক চাউখৎলি: পি.এম.
মালেম অসি থোইদোক হেন্দোক্না শিংথানিংঙাই ওইরিবা অসিদা, ভারতনা থাজবা অমসুং অচেৎপা লৈহল্লি: পি.এম.
ঐখোয়গীদমক্তদি, রিফোর্মশিং অসি তঙাইফদবা নত্তে। মখোয় অসি থাজবা অমনি: পি.এম.
থাগৎখিবা:
13 OCT 2026 12:42PM by PIB Imphal
প্রধান মন্ত্রী শ্রী নরেন্দ্র মোদীনা ঙসি নই দিল্লীদা ব্লুমবর্গ ন্যু ইকোনোমী ফোরমদা ৱা ঙাংখ্রে। মাইকেল ব্লুমবার্গকী মমাংগী ৱারোলদা, প্রধান মন্ত্রীনা ফোরম অসি ভারত্তা হান্না অমুক্তা ওইখিদ্রিবা মওংদা পাংথোকখিবগীদমক নুংঙাইবা ফোংদোকখি। মালেমগী মরুওইবা হীরমশিং হায়বদি শেন্মিৎলোন, তেক্নোলোজী, ইনর্জী অমসুং ইন্তরনেস্নেল এফেয়র্স য়াওনা খন্ন-নৈননবা মালেমগী খ্বাইদগী হৈথোই-শিংথোইবা মীওইশিংবু পুন্সিন্নবা প্লেৎফোর্ম অসিগী মতিকপু মহাক্না থাগৎখি। "ঐহাক্না মিস্তর ব্লুমবার্গ অমসুং মহাক্কী তীম পুম্নমক্না; অদোম্না অচুম্বা মফমদা অচুম্বা মতমদা খনখ্রে।"
সমিৎ অসিগী মরুওইবা মীৎয়েং অসি মালেমগী পাৱরশিং ওইরক্লিবা অসিনি হায়না পল্লদুনা প্রধান মন্ত্রীনা হায়খি মদুদি ২১শুবা চহিচাগী অহুমশুবা দিকেদ অসিদা তেক্নোলোজী, দেতা, লৌশিং অমসুং ইন্নোবেসন অসি পাৱরগী খ্বাইদগী মরুওইবা মেত্রিক্স ওইরক্লি। মহাক্না মীহুৎশিংবু শক্তি অসিগী মরুওইবা পান্দম অদু অমুক হন্না খন্ননবা শিংথানখি। মহাক্না হায়খি মদুদি মসিনা খনগৎলবা মীওই খরবু ৱাংখৎহনগদ্রা নৎত্রগা মীওই মিলিয়ন কয়াগী খুদোংচাবশিংবু দেমোক্রেতাইজ তৌগদ্রা হায়না হংখি। মহাক্না কন্ত্রোল তৌবদগী মপাঙ্গল হাপ্পদা অমসুং কম্পিতিসনদগী কোলাবোরেত তৌবদা অহোংবা লাকপদা মরুওইবা পীখি। 'পৱার তু এম্পৱার' অসি মাই পাকপা ঙম্নবগী শক্তিদগী অতোপ্পশিংবু মাই পাকপদা মতেং পাংনবা শক্তিদা খোংজেল য়াংশিনবনি।" হায়না শ্রী মোদীনা ফোংদোকখি।
মসিগী ফিলোসোফি অসি অরিবা মতমগী কলচরেল ৱিজদমদা য়ুম্ফম ওইদুনা, প্রধান মন্ত্রীনা ত্রেদিস্নেল সংস্কৃত তেক্সতশিং পনখি। লৌশিং, শেন্মিৎলোন অমসুং শক্তিগী অশেংবা ভেল্যু অসি মখোয়বু মতৌ করম্না ইথিক ওইনা শীজিন্নবগে হায়বসিনা মপুং ফানা লেপ্পি হায়না মহাক্না ফোংদোকখি। ঙসিগী অরুবা গ্লোবেল দাইনামিক্স অসি নেভিগেৎ তৌনবগীদমক্তা শক্তিগী অরুবা পান্দম অসি খঙবা অসি তঙাইফদে হায়না মহাক্না অকনবা ৱাফম থমখি। "হায়বদি, পাৱরগী অশেংবা ভেল্যু অসি মসিগী পান্দমদা লৈ" হায়না শ্রী মোদীনা ফোংদোকখি।
অরিবা মতমগী ৱাখল্লোনশিং অসিবু মোদর্ন এদমিনিস্ত্রেসনদা ওন্থোক্লদুনা, প্রধান মন্ত্রীনা হায়খি মদুদি 'পাৱর তু এম্পৱার' হায়বা ৱাখল্লোন অসি মালেমগী ওইবা ৱা ঙাংনবা নত্তে, অদুবু মসি লৈবাক অসিগী লৈঙাক অমসুং থবক তৌবগী চৎনবীদা কন্না চৎনরিবা চৎনবী অমনি। মহাক্না লৈবাক অসিগী খুমাং চাউশিল্লকপগী অকনবা খুদমশিং শীজিন্নদুনা ত্রান্সফোর্মেতিব ফিলোসোফী অসিবু শন্দোক্না তাক্নবা মহাক্কী ফিরেপ অদু লাউথোকখি। "মরম অদুনা, ঐহাক্না ভারত মশাগী খুদমশিং শীজিন্নদুনা ঐহাক্কী ৱাফম অদু ফোংদোক্কনি।"
'গণতন্ত্রগী মমানা'গী থৌনা অদু উৎতুনা, প্রধান মন্ত্রীনা লৈবাক অসিগী লোলগী মখল-মখা কয়া, মসিগী পব্লিকেসন ৮০,০০০ অমসুং তেলিভিজন চেনেল লিশিং অমদগী হেনবগী মতাংদা চাউথোকচবা পোকখি। মোদর্ন সোসিএল মীদিয়াগী মতম অসিদা, লৈবাক অসিগী য়ু.তিউব অমসুং ইন্সতাগ্রাম শিজিন্নরিবা বিলিয়ন তংখাইরোইনা মপাঙ্গল লৈরবা, থোঙ হাংবা দিবেৎশিংদা শরুক য়াদুনা দিজিতেলগী শক্তিনা দেমোক্রে সিগী ৱা ঙাংবদা শাফু পীরি হায়না মহাক্না ফোংদোকখি। হৌজিক্কী মতমদা, মসিদা মরুওইবা থৌদাং লৌরিবা অসি দিজিতেল পাৱরনি হায়না শ্রী মোদীনা ফোংদোকখি।
দিজিতেল এক্সক্লুজনগী মায়োক্তা পায়খৎলিবা লানগী মতাংদা পল্লদুনা প্রধান মন্ত্রীনা হায়খি মদুদি চহী তরাগী খুজিং খরাগী মমাংদা, মোবাইল ফোন অমসুং ইন্তরনেত ফংহনবা অসি অখন্নবা খুদোংচাবা অমনি হায়না লৌনরম্মি। মহাক্না শন্দোক্না হায়খি মদুদি ২০১৪দগী সরকারনা অপীকপা শহরগী মহৈরোয়শিংদগী হৌরগা খুঙ্গংগী দুকান ফম্লিবশিং ফাওবা মীপুম খুদিংমক্না লৌশিং অমসুং কৈথেলশিংদা খুদক্তা এক্সেস তৌবা ঙম্নবা দেতাগী মমলশিংবু খঙশিন্দুনা হন্থহনখি। মসিনা তাকপদি, ভারত্তা কনেক্তিবিতীনা মীশিংবু শম্নহনবতা নত্তনা খুদোংচাবশিংসু শম্নহল্লে।"
ফাইনান্সিএল ইনক্লুজনগী অখন্নবা স্কেল অদু পল্লদুনা প্রধান মন্ত্রীনা মালেমগী মীথুংলেনশিংবু লম্বীদা য়োল্লিবা মীওই অমগা অচৌবা কার শো-রুম অমগা তেক্নোলোজিকেল প্লেৎফোর্ম অমখক্তমক শীজিন্নরিবা সিমলেস দিজিতেল পেমেন্ত ইকোসিস্তেম অমা উননবা কৌখি। মহাক্না হায়রিবা রাদিকল ফাইনান্সিএল দেমোক্রে সিজেসন অসি থবক তৌবদা ইনক্লুসিব তেক্নোলোজীগী খ্বাইদগী ফবা খুদমনি হায়না ফোংদোকখি। "মসি ইনক্লুসিব তেক্নোলোজীগী পাঙ্গলনি" হায়না শ্রী মোদীনা ফোংদোকখি।
ইন্তর্নেস্নেল তেক্নোলোজিকেল সোলিদরিতীদা লৈবাক্কী অচেৎপা ফিরেপ অদু পল্লদুনা প্রধান মন্ত্রীনা হায়খি মদুদি গ্লোবেল সাউথ অমসুং অতোপ্পা পার্তনর লৈবাকশিংগা মখোয়গী দিজিতেল পব্লিক ইনফ্রাস্ত্রকচর শেমগৎপদা মতেং পাংনবা দোমেস্তিক দিজিতেল কেপেবিলিতীশিং অসি লেপ্পা লৈতনা শরুক য়ামিন্নরি। মহাক্না লাইচৎ অসিগী মনুংদা শীজিন্নখিবা ওপন-সোর্স কোউইন প্লেৎফোর্ম অসি মালেমগী ওইথোকপা য়াবশিংবু এক্তিব ওইনা হাংদোক্লিবা দোমেস্তিক ইন্নোবেসনগী মরুওইবা খুদম অমনি হায়না পনখি। মসিগী ৱাহন্থোক্তি, ঐখোয়গী তৌবা ঙম্বা অসিনা মীওইবা খুন্নাইবু শক্তি পীনবা মথৌ তাই।"
ইনোবেসনগী য়াম্না চাউবা দেমোক্রে তাইজেসনবু শৌগৎলদুনা, প্রধান মন্ত্রীনা লৈবাক অসিগী স্তার্তঅপশিং থুনা হেনগৎলকপগী থৌনা ফোংদোকখি। ২০১৪দা স্তার্তঅপ চাম্মরোমদগী ঙসিদি লাখ ২.৫ হেনখ্রে। স্তার্তঅপশিং অসিগী চাউরাক্না শরুক অনিমক অপীকপা শহরশিংদগী হৌরকপনি অমসুং মসিগী মনুংদা চাদা ৪৫গী মথক্তা নুপীশিংনা লুচিংলি। মসিনা খুদোংচাদবশিং কোকহন্নবগী শক্তি অসি খুন্নাইগী কাংলুপ খুদিংমক্তা য়ৌরে হায়বা উৎলি হায়না মহাক্না চাউথোক্না ফোংদোকখি। মসিনা তাকপদি, ইনোবেসনগী খুদোংচাবশিং অসি মীওই কয়া অমদা য়ৌরক্লি।"
পব্লিক এদমিনিস্ত্রেসনগী মরুওইবা ফিলোসোফী অদু পল্লদুনা প্রধান মন্ত্রীনা হায়খি মদুদি সরকারগী ওথোরিতীনা সিস্তেমিক দিপেন্দেন্সী শেমগৎনবা পান্দম অমত্তা থম্লোইদবনি, মদুগী মহুত্তা নাগরিকশিংবু মপুং ফানা তৌবা ঙম্বা অমসুং শক্তি পীনবা হোৎনবদা মীৎয়েং থমগদবনি। হৌখিবা চহী তরা অসিদা মীওই কোতি ২৫বু লায়রবা ফিবমদগী মায় পাক্না লৌথোকখিবগীদমক মহাক্না শক্তি পীবগী থৌনা লৈরবা গবর্নান্স মোদেল অসিবু থাগৎপা ফোংদোকখি। অমসুং ভারত অসি হায়রিবা লম্বী অসিদা চংশিল্লি।"
করপসন মুত্থৎপগী পথাপকী মতাংদা পল্লদুনা প্রধান মন্ত্রীনা সরকারগী তেংবাং অসি নাগরিকশিংগী বেঙ্ক একাউন্তশিংদা হকথেংননা পীনবা জে.এ.এম. ত্রিনিতি অমসুং দাইরেক্ত বেনিফিৎ ত্রান্সফর সিস্তেমশিং শীজিন্নবগী মতাংদা পনখি। "মসিনা লল্লোন-ঈতিক হন্থহনখ্রে, লৈবাক অসিগী প্রজাশিংগী খুদোংচাবশিং হেনগৎহনখ্রে, অমসুং সরকার অমসুং প্রজাগী মরক্তা হকথেংননা মরী অমা শেমগৎলে।"
মালেমগী থাক্তা এম্পাৱরমেন্ত ফিলোসোফী অসিবু শন্দোক্না তাক্লদুনা, প্রধান মন্ত্রীনা কোবিদ-১৯গী লাইচৎ মনুংদা ভেক্সিনগী অৱাবা ওইরবা অৱাৎপা অদু নীংশিংখি অমসুং পুন্সি কনবা মেন্যুফেকচরিং পাৱর অসি লৈবাক খরখক্তনা থাদোক্কদ্রা হায়না ৱাহং হংখি। লৈবাক অসিনা লৈবাক ১০০ হেনবদা ভেক্সিন সপ্লাই তৌদুনা হ্যুমেনিতরিয়ান ওইবা লম্বী অমা খনবদা মহাক্না চাউথোকচবা ফোংদোকখি। ঐখোয়গী মেনুফেকচরিং কেপাসিতী অসি অতোপ্পা লৈবাকশিংদসু মতেং পীনবগী মেদিয়ম অমা ওইরে।"
ইনক্লুসিব ফোরসাইৎকী অখন্নবা খুদম অমা পুথোক্লদুনা প্রধান মন্ত্রীনা হন্দক্তা পাংথোকখিবা দোমেস্তিক এ.আই. ইম্পেক্ত সমিৎ অমগী মতাংদা পনখি। মসিদা মীওইবগী এপ্লিকেসনগী ৱাংমদা আর্তিফিসিএল ইন্তেলিজেন্সনা শা-ঙাগী য়াইফ-থৌরাংদা মতৌ করম্না কান্নবা পীবা য়াবগে হায়বগী মতাংদা খন্ন-নৈনখি। মহাক্না মসিগী ৱারী অসি শিজিন্নদুনা মালেম পুম্বগীদমক্তা কান্নবা কয়া অমা পীরগনি হায়না প্রমান তৌখি। "ভারতনা মপাঙ্গল কনখৎলক্লিবমখৈ, মসিনা মীওইবা খুন্নাইগীদমক, মালেমগীদমক হেন্না কান্নগনি।" হায়না শ্রী মোদীনা ফোংদোকখি।
তংদু লৈতাবা মালেমগী চৎন-কাঙলোন অমা শেম্নবা হায়জদুনা প্রধান মন্ত্রীনা হায়খি মদুদি কম্পিতিসন, ইন্নোবেসন অমসুং নেস্নেল পাঙ্গল অসি মরু ওই, অদুবু মখোয়শিং অসি মরুওইনা নুংশি-চান্নবা অমসুং ক্লাইমেৎ চেঞ্জ, ৱাতর গবর্নান্স অমসুং অনৌবা তেক্নোলোজীশিংবু থৌদাং লৌনা শীজিন্নবা অসিনচিংবা মালেমগী শিংনবশিং কোকহন্নবগীদমক অচেৎপা ফিরেপ লৌগদবনি। মালেম অসিদা অনৌবা, শরুক য়ামিন্নবা খুদোংচাবশিং পুথোকপা ঙম্বা শক্তিশিং তঙাইফদনা মথৌ তাই হায়না মহাক্না অকনবা ৱাফম থমখি। শ্রী মোদীনা হায়খি, "পাৱর হায়বসি মাংলোমদা চংশিনবা ঙম্বা অদুখক্ত নত্তে, মসি মাংলোমদা চংশিনবা অতোপ্পশিংবু শক্তি পীনবা ঙম্বা অদুসুনি।"
ক্লাইমেৎ এক্সনগীদমক লৈবাক অসিনা অচেৎপা ফিরেপ লৌরিবা অদু উৎলদুনা, প্রধান মন্ত্রীনা ইং ২০৩০ ফাওবদা নন-ফোসিল সোর্সশিংদগী ইনস্তোল তৌরবা ইলেক্ত্রিসিতী কেপাসিতী চাদা ৪০ ফংনবা ইং ২০১৫গী পেরিস এগ্রীমেন্তকী থৌনা ফরবা ৱাশক অদু নীংশিংখি। মহাক্না লৈবাক অসিনা ২০২১গী নবেম্বরদা পান্দম অসি মপুং ফাহনখ্রে হায়না চাউথোকচবা ফোংদোকখি। চহি নিপানগী মমাংদা, মসি পাংথোকখিবা অহানবা জি ২০ লৈবাক ওইখি। শ্রী মোদীনা হায়খি, "মসি অচেৎপা ৱাফম অমা ঙাক্না চৎপগীদমক্তা নত্তে, মসি ভারতকী অহোংবা লাক্লিবা ইনর্জীগী খোঙচৎকী খুদম অমসুনি।"
গ্রীন ইনর্জীগী অচৌবা পিবোত অসিগী মতাংদা পল্লদুনা প্রধান মন্ত্রীনা হায়খি মদুদি লৈবাক অসিগী রিন্যুএবল ইনর্জীগী কেপাসিতী অসি ২০১৪দা গিগাৱাৎ ৭৫ ওইরম্বা অদু ঙসিদি গিগাৱাৎ ৩০০ ওইরে। মশিং অসি শরুক মরি হেনগৎলকপা অসি লৈবাক অসিগী তুংকোইনা চৎথগদবা চাউখৎ-থৌরাংদা অচৌবা মাইপাকপা অমনি হায়না মহাক্না ফোংদোকখি।
ইনর্জী ত্রাঞ্জিসন অসিগী গ্রাসরুৎ ইকোনোমিক বেনিফিৎশিং অদু শন্দোক্না তাক্লদুনা, প্রধান মন্ত্রীনা পি.এম. সুর্য গার অমসুং পি.এম.-কুসুম স্কিমশিংনা ইমুং মনুং অমসুং লৌমীশিংদা মখোয়গী মশাগী সোলর পাৱর পুথোক্নবা অমসুং ইনপুত কোস্ত হন্থহন্নবা মতৌ করম্না থৌনা লৈনা শক্তি পীরক্লিবা অদু শন্দোক্না তাকখি। থৌরাংশিং অসিনা গিগাৱাৎ ৩০ হেন্না কেপাসিতি হাপচিল্লে, চহিগী ওইনা কার্বন থাদোকপা তন মিলিয়ন ৩০ হেন্না হন্থহল্লে অমসুং মসিগা লোয়ননা মহৌশা ঙাকপা অমসুং নাগরিকশিংবু মপাঙ্গল কনখৎহল্লে হায়না মহাক্না ফোংদোকখি। "মসিনা মীয়াম্বুসু শক্তি পীরি।" হায়না শ্রী মোদীনা ফোংদোকখি।
লৈবাক অসিগী কোওপরেতিব ইথোস অসি গ্লোবেল পাৱর স্ত্রগলশিংগা চাংদম্নবদা, প্রধান মন্ত্রীনা হায়খি মদুদি দোমিনেসনগীদমক পাংথোক্লিবা ইন্তর্নেস্নেল রেসশিংগী মরক্তা, লৈবাক অসিনা মশক থোকপা, স্তেবিলাইজিং ওইবা লম্বী অমা খঙনা শেমগৎলি। মহাক্না হায়খি মদুদি চহী তরাগী খুজিং অসিমক্না অসিগুম্বা তোপ তোপ্পা নেস্নেল তেম্পেরামেন্তকী শকখঙদবা য়াদ্রবা খুদম অমা ওইরি। মালেমদা শক্তি ফংনবগী লমজেল অসিদা, ভারতনা তোঙানবা মওংদা মাংলোমদা চংশিল্লি হায়না শ্রী মোদীনা ফোংদোকখি।
২১শুবা চহিচাগী অহুমশুবা দিকেদকী মশক তাক্লিবা ক্যাসকেদ স্ত্রোকশিং অদু পল্লদুনা, প্রধান মন্ত্রীনা মালেমগী ওইবা লাইনা-লাইচৎ, লমদমসিগী ওইবা লান অমসুং মরুওইবা মিনরেলশিং, ইনর্জী অমসুং ললোন-ইতিক্কী মতাংদা শোকহল্লিবা সপ্লাই চেনগী অৱাৎপা লৈরকপা অদু পনখি। মহাক্না মালেম অমগী ময়েক লারবা মশক অমা উৎখি মদুদা ক্রাইসিস অমনা অতোপ্পা অমা থোক্নদ্রিঙৈগী মমাংদা কুইনা মাঙশিল্লকই। মালেম অসিনা অৱাবা অমা মায়োক্নবগী লম্বী অমা থিরি। মদুগী মতুংদা, অনৌবা অৱাবা অমা থোক্লকই হায়না শ্রী মোদীনা ফোংদোকখি।
মালেমগী ওইনা অমগা অমগা শম্নবা অসি খুৎলাই অমা ওইনা শিজিন্নবগী থৌওংবু য়ানিংদবা ফোঙদোক্লদুনা প্রধান মন্ত্রীনা হায়খি মদুদি সপ্লাই চেন, ইনর্জী, মিনরেলস, তেক্নোলোজী অমসুং পেমেন্ত সিস্তেমগুম্বা মরুওইবা মচাকশিং অসি প্রেসর অমসুং দোমিনেন্সকী খুৎলাই ওইনা শিজিন্নরি। মহাক্না পনখি মদুদি চহী তরাগী খুজিং কয়াগী গ্লোবেলাইজেসনগী মতুং ইন্না ফংলকখিবা ইন্তিগ্রেসন অসি জিওপোলিতিকেলগী ওইবা খুদোংথীনিঙাই ওইবা চিংনবশিং থোকহন্দুনা য়াম্না থুনা কায়থরক্লি। হৌখিবা দিকেদশিংদা গ্লোবেলাইজেসন্না ওইহল্লকখিবা হৌরকফমশিং, কদাইদা অমসুং কদাইদা মখোয়না চোকপোইন্ত ওইরকখিবগে হায়বদু ঐখোয় পুম্নমক্না উবা ফংলি, হায়না শ্রী মোদীনা হায়খি।
তেক্নোলোজিকেল দিসপেরিতী অমসুং দেমোগ্রাফিক চেলেঞ্জশিংগী মরক্তা লাক্লিবা গ্লোবেল ক্রাইসিস ওফ কনফিদেন্সকী মতাংদা পল্লদুনা প্রধান মন্ত্রীনা হায়খি মদুদি মালেম অসিনা খুদোংচাদবা মতমদা সপ্লাই লাইনশিং ঙাক-শেনবা অমসুং অচেৎপা থৌদাংশিং অদু ইকায় খুম্নবা ঙম্বা থাজবা য়াবা পার্তনরশিং য়াম্না মথৌ তাই। মহাক্না লৈবাক অসিবু মালেমগী মরীশিংদা তশেংনা তোঙানবা, কোওপরেতিব এপ্রোচ অমা পীরিবা, খ্বাইদগী থাজবা য়াবা মরী লৈনরিবা লৈবাক অমা ওইনা থমখি। শ্রী মোদীনা হায়খি, "মসিদা ভারত অসি তোঙানবা মওং-মতৌ, তোঙানবা ৱাখল্লোনগা লোয়ননা অদোমগী মমাংদা লেপ্লি।"
লৈবাক অসিগী গ্লোবেল ওপরেতিং মোদেল মশক তাক্লদুনা প্রধান মন্ত্রীনা হায়খি মদুদি ২১শুবা চহিচাদা লৈবাক অসিগী প্রোগ্রেস অসি মরুওইনা কোলাবোরেতিব, ইনক্লুসিব এদভান্সমেন্তনা মশক তাক্লি। মালেমগী জেনেরিক হিদাক-লাংথকশিংগী মঙাগী শরুক অমা ফংহল্লিবা লৈবাক অসিগী থৌদাং, দিজিতেল আইদেন্তিতী মোদেলশিংগী পাইওনিয়র অমা অমসুং মালেম পুম্বদা সর্ভিস পীরিবা গ্লোবেল কেপবিলিতী সেন্তর ২,০০০ হেনবদা হোস্তিং তৌবা থাজবা য়াবা তেলেন্ত হব অমা মহাক্না পনখি। শ্রী মোদীনা হায়খি, "ভারতকী চাউখৎপা অসি মীপুম খুদিংমক্তা তেংবাংদুনা, মীপুম খুদিংমকপু পুদুনা মাংলোমদা চংশিনবগী ৱারীনি।"
মালেমগী থাক্তা স্তেবিলাইজিং ফোর্স অমা ওইনা লৈবাক অসিনা লৌরিবা থৌদাং অদু অমুক্কা হন্না ফোংদোক্লদুনা প্রধান মন্ত্রীনা হায়খি মদুদি মালেম অসিনা লেপ্পা লৈতবা য়ুম্বী অমা মথৌ তারকপা মতমদা, লৈবাক অসিনা মালেমগী মীয়ামদা মতেং পাংনবা থৌদাং লৌদুনা মতেং পাংলি। মহাক্না মালেমগী থাক্তা চপ মান্নবা খুমাং চাওশিনবগী মরুওইবা ফিলোসোফী অমা ফোংদোকখি। ঐখোয়না কনাগুম্বা অমগী মমলদা চাউখৎপা নত্তে। ঐখোয়না মালেমগা লোয়ননা অমসুং মালেমগীদমক চাউখৎলি।"
পুৱারীগী অচেৎপা লিগেসিদা য়ুম্ফম ওইদুনা, প্রধান মন্ত্রীনা হায়খি মদুদি লৈবাক অসিনা রোয়েলতিগী দিমান্দ তৌদনা মীওইবা খুন্নাইদা 'জিরো'গী ৱাখল্লোন অসি পুৱারীগী ওইনা খুদোল ওইনা পীরম্মি, অমসুং ঙসিদি চপ মান্নবা মশাগীদমক্তা থাদবা থাজবগা লোয়ননা থবক তৌরি। মহাক্না মসিবু পুৱারীগী ওইবা মালেমগী ওইবা ওর্গনাইজেসনশিংগা মান্নহন্দুনা মশাগী কান্নবখক্তদা মপুং ফানা য়ুম্ফম ওইদুনা থবক তৌখি। ঙসিসু ভারতনা অসিগুম্বা ৱাখল্লোন অসিগা লোয়ননা থবক তৌরি।"
ইনক্লুসিব গ্লোবেল প্লেৎফোর্মশিং শেমগৎপদা লৈবাক্কী ত্রেক রেকোর্দ পল্লদুনা প্রধান মন্ত্রীনা ইন্তর্নেস্নেল সোলর এলাইন্স, সি.দি.আর.আই., বিগ কেৎ এলাইন্স, গ্লোবেল বাইওফুয়েল এলাইন্স, আই.এম.ই.সি. অমসুং মিসন লাইফীগুম্বা ত্রান্সফোর্মেতিব ইনিসিয়েতিবশিং পনখি। মহাক্না অকনবা জিওপোলিতিকেল ইন্তরেস্তশিং ফংবগী মহুত্তা পুন্সিগী মওং পুম্নমক্কীদমক য়ুনিভর্সেল বেনেফিৎশিং পুথোক্নবা হায়রিবা প্লেতফোর্মশিং অসি খঙনা দিজাইন তৌবনি হায়না অকনবা ৱাফম থমখি। শ্রী মোদীনা হায়খি, "অমদি মীপুম খুদিংমক্তা কান্নবা পীবা, পুন্সি খুদিংমক্তা কান্নবা পীবা, ভারতনা অসিগুম্বা থৌরাংশিং লৌখৎলি।"
লৈবাক অসিগী ফোরেন পোলিসীবু লমজিংলিবা ফিলোসোফিকেল ফ্রেমৱার্ক অদু শম্না তাক্লদুনা প্রধান মন্ত্রীনা 'নুমিৎ অমা, মালেম অমা, গ্রিদ অমা', 'লৈহাও অমা, ইমুং অমা, তুংলমচৎ অমা' অমসুং 'লৈহাও অমা, হকশেল অমা' হায়বা ভিজনশিং অদু পনখি। লৈবাক অসিনা মপাঙ্গল অসি কনেক্ত তৌনবা, অমত্তা ওইনা পুনশিন্নবা অমসুং অতোপ্পশিংবু মপাঙ্গল কনখৎহন্নবগীদমক্তা শিজিন্নরি হায়না মহাক্না অকনবা ৱাফম থমখি। "অদুবু মসিদসু পৱার অসি অতোপ্পশিংবু শক্তি পীনবগীদমক্তা শিজিন্নৈ।" হায়না শ্রী মোদীনা ফোংদোকখি।
মালেমগী অচেৎপা ফিবম অসিগী মরক্তা লৈবাক অসিগী মেক্রোইকোনোমিক রেসিলিয়েন্স উৎলদুনা প্রধান মন্ত্রীনা এপ্রিল-জুন ক্বার্তরগী ওইনা চাদা ৭.৮গী গ্রোথ রেৎ অমা, হৌজিক লৈরিবা একাউন্ত দিফিসিৎ অসি চাদা ০.৬১দা হন্থরকপা অমসুং ফোরেন এক্সচেঞ্জ রিজর্ব অসি দোল্লর বিলিয়ন ৭০০ হেনবগী মতাংদা চাউথোকচবা ফোংদোকখি। মহাক্না হায়খি মদুদি দোমেস্তিক বেঙ্কিং সিস্তেম অসি হৌজিক দিকেদশিংদা খ্বাইদগী মপাঙ্গল লৈরে। শ্রী মোদীনা হায়খি, "অননবা কয়া লৈরবা মালেম অসিদা, ভারতনা থাজবা য়াবা অমসুং অচেৎপা অমা পীরি।"
শেংলবা মতমগী সোভরেন রেতিং অপগ্রেদ তৌবা অসি মসিগী অচৌবা স্ত্রকচরেল ফিবম অসিনা ওইহনখি হায়না পল্লদুনা প্রধান মন্ত্রীনা সিস্তেমিক রিফোর্মশিং, য়ুনিফাইদ নেস্নেল মার্কেত অমা শেম্নবগীদমক জি.এস.তি.গী থবক পায়খৎপা, ইন্সোলভেন্সী লোশিং শেম্বা, লেবর কোদ ২৯বু মরিদা পুন্সিনবা অমসুং অপীকপা ব্যুজিনেস ওফেন্স কয়াগী দি-ক্রিমিনেলাইজেসন য়াওনা অকনবা মওংদা থবক পায়খৎপগী মতাংদা পনখি। মালেমগী ইনভেস্তরশিংদা মহাক্না থাজবা পীখি মদুদি মসিগী থিংবা ঙমদবা খোঙজং অসি লৈবাক অসিবু মাংলোমদা পুখৎলক্লিবা ৱাখল তানা খল্লবা, থৌনা লৈরবা খোংথাং অমনি। ঐখোয়গীদমক্তা, রিফোর্মশিং অসি তঙাইফদবা নত্তে। মখোয় অসি থাজবা অমনি হায়না শ্রী মোদীনা ফোংদোকখি।
অরিবা মতমগী বেদিক মন্ত্র অসিবু পল্লদুনা মহাক্কী ৱারোল লোইশিনখিবদা, প্রধান মন্ত্রীনা মালেমগী মীয়াম্বু অপুনবা মপাঙ্গল হেঙ্গৎহন্নবা অমসুং মালেমগী মরুওইবা শিংনবশিং কোকহন্নবা অমগা অমগা চৎমিন্ননবা, ৱারী শাননবা অমসুং খঙমিন্ননবা হায়খি। মহাক্না ব্লুমবর্গ ন্যু ইকোনোমী ফোরম অসিনা মালেমগী ওইবা খুদোংচাবশিং শেয়র তৌনবগী ৱাখল্লোন অসিবু শন্দোক্নবা অচৌবা প্লেৎফোর্ম অমা ওইনা মথৌ তৌগনি হায়বগী থাজবা থমখি।
***
(রিলিজ আই.দি.: 2323230)
ভিজিতর কাউন্তর : 4
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Assamese
,
Bengali
,
Bengali-TR
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam