இடுகை இடப்பட்ட நாள்:
22 APR 2026 11:28AM by PIB Chennai
இந்த ஆண்டுக்கான சார்தாம் யாத்திரையின் தொடக்கத்தைக் குறிக்கும் வகையில், உத்தராகண்டின் தேவபூமியில் உள்ள ஸ்ரீ கேதார்நாத் ஆலயத்தின் கதவுகள் திறக்கப்பட்ட புனிதமான தருணத்தில் பிரதமர் இன்று தனது மரியாதையை வெளிப்படுத்தியுள்ளார். இந்த நிகழ்வின்போது, யாத்திரைக்காக உத்தராகண்டிற்கு வருகை தரும் அனைத்து பக்தர்களுக்கும் எழுதிய கடிதத்தின் மூலம் பிரதமர் தனது மனமார்ந்த உணர்வுகளைப் பகிர்ந்துகொண்டுள்ளார். மேலும், அவர்களின் நல்வாழ்விற்காக தனது நல்வாழ்த்துகளையும் பிரார்த்தனைகளையும் தெரிவித்துள்ளார்.
இந்த நிகழ்வின் ஆன்மீக முக்கியத்துவத்தை எடுத்துரைத்துள்ள திரு. மோடி, கேதார்நாத் தாம் மற்றும் சார்தாம் யாத்திரையானது இந்தியாவின் நீடித்த நம்பிக்கை, ஒற்றுமை மற்றும் வளமான கலாச்சார மரபுகளின் தெய்வீகக் கொண்டாட்டமாகும் என்று குறிப்பிட்டுள்ளார். இதுபோன்ற புனித யாத்திரைகள் நாட்டின் நித்திய பாரம்பரியம் மற்றும் ஆன்மீக உணர்வின் ஒரு பார்வையை வழங்குகின்றன என்றும் அவர் தெரிவித்துள்ளார்.
***
(Release ID: 2254383)
TV/PKV/RJ