পি.এম. মেমেন্তোসকী ৮শুবা ইদিসন অসিনা নমামি গঙ্গে ইনিসিএতিবপু চাওনা মতেং পাংলিবা অসিগী মথক্তা, ভারতকী তোঙান তোঙানবা কলচরেল হেরিতেজগা মীয়ামগা হেন্না নকশিন্ননবা খুদোংচাবা অমা পীরি।

মসিগী ইদিসন অসিদা নিলাম লাওনবা মেমেন্তোশিংগী মরক্তা সিক্কিমগী তোপ তোপ্পা আর্তিফেক্ত অনি য়াওরি। মখোয়না রাজ্য অসিগী তোপ তোপ্পা আর্তিস্তিক হেরিতেজ অদুগী মতাংদা খংহল্লি। হায়রিবা আর্তিফেক্তশিং অসি য়াওহনবনা সিক্কিমগী হেরিতেজ অসি নেস্নেল প্লেৎফোর্ম অমদা থম্লে। মসিনা মতম অমদা থবক থৌরম কয়াগী শরুক ওইরম্বা পোৎলমশিং অসি নাগরিকশিং অমসুং কল্লেক্তরশিংগা অনৌবা মরী অমা লৈনবা ঙমহল্লে।

শক্তমশিং অদুগী মনুংদা অমদি সিক্কিমগী গভর্নরনা প্রধান মন্ত্রী শ্রী নরেন্দ্র মোদীদা খুদোল ওইনা পীখিবা ভগবান বুদ্ধগী অখন্নবা মওং-মতৌদা শাবা ব্রাস স্কুল্পচর অমনি। অনিশুবা আর্তিফেক্ত অসি তিবেতান বুধিস্ত তেবলতোপ লাই খোইরুমনবা কাং, নৎত্রগা মনি খোরলোনি, মসিদা হিমালয়ান স্তেৎকী আর্তিস্তিক অমসুং স্পিরিচুএল ইথোস উৎলিবা, অশেংবা ওম মনি পদ্মে হম মন্ত্র ইম্বোস তৌরি।

চহি অসিগী নিলামদা হায়রিবা আর্তিফেক্ত অনি অসি য়াওরকপা অসিনা ভারতকী কলচরেল লেন্দস্কেপকী মখল-মখা কয়াগী মরমদা তাক্লি। মসিনা পি.এম. মেমেন্তোসকুম্বা ইনিসিএতিবশিংনা লৈবাক অসিগী তোঙান তোঙানবা কলচরেল ত্রেদিসনশিংবু মসিগী নাগরিকশিংগী মনাক্তা হেন্না নকশিন্নহন্দুনা অপুনবা মপাঙ্গল অমা ওইনা লৌবা ঙম্বগী মরু ওইবা থৌদাং অদুসু ময়েক শেংহল্লি।

পি.এম. মেমেন্তোসকী ৮শুবা এদিসন অসি হৌজিক লাইব ওইরি অমসুং মসি ২০২৬গী ওক্তোবর ৩১ ফাওবা শাংদোক্লে। নিলাম অসিদগী ফংগদবা শেনফম্না নমামি গঙ্গে প্রোজেক্তপু মতেং পাংগনি। পাম্বিবা বিদরশিংনা মখোয়গী বিদশিং ওফিসিএল পি.এম. মেমেন্তোস ই-ওক্সন পোর্তেল: https://pmmementos.gov.inগী খুত্থাংদা ওনলাইন ওইনা থাগৎপা য়াগনি।

***