دفاعی تحقیق و ترقی کی تنظیم (ڈی آر ڈی او) نے بلندی والے جدید پیراشوٹ(اے ایچ اے پی) کی پہلی لائیو جمپ سب سے زیادہ بلندی پر واقع ڈراپ زونز میں سے ایک، نیوما (مُدھ ڈی زیڈ) میں کی۔

یہ جمپ سطحِ سمندر کی اوسط سطح سے 16,000 فٹ کی بلندی پر کی گئی۔ پیراشوٹ سطحِ سمندر کی اوسط سطح سے 15,500 فٹ کی بلندی پر کھولا گیا اور نیوما (مُدھ ڈی زیڈ) میں لینڈنگ کی گئی، جو 13,700 فٹ کی بلندی پر واقع ہے۔ اس جمپ نے انتہائی بلند پہاڑی علاقوں میں اے ایچ اے پی پیراشوٹ کی مؤثریت اور فوجی آپریشنز میں اس کے استعمال کی صلاحیت کو ثابت کیا۔

آگرہ میں واقع ایریل ڈیلیوری ریسرچ اینڈ ڈیولپمنٹ اسٹیبلشمنٹ(اے ڈی آر ڈی ای) کے ذریعے ڈیزائن اور تیار کیا گیا اے ایچ اے پی پیراشوٹ ایک اسٹیٹک لائن پیراشوٹ نظام ہے، جو بڑی تعداد میں پیراٹروپرز کو پیراشوٹ کے ذریعے اتارنے کے لیے استعمال کیا جاتا ہے۔

اس نظام کو آرڈیننس پیراشوٹ فیکٹری(او پی ایف) ، کانپور نے تیار کیا ہے، ڈی جی اے کیو اے (ڈی جی اے کیو اے)نے اس کا معائنہ کیا ہے اور سی ای ایم آئی ایل اے س(سی ای ایم آئی ایل اے سی) ، آر سی ایم اے کانپور نے اسے سرٹیفائیڈ کیا ہے۔

اے ایچ اے پی پیراشوٹ میں تعیناتی کے مختلف طریقے دستیاب ہیں، اس کی آپریشنل بلندی کی حد بہت وسیع ہے، جو 18,000 فٹ تک ہے، اور اس میں نیچے آنے کی رفتار بھی محفوظ ترین ہے۔ یہ خصوصیات اسے بلند پہاڑی علاقوں میں بھارتی دفاعی افواج کی فوجی ضروریات کے لیے خاص طور پر موزوں بناتی ہیں۔ ان بلندیوں پر اسٹیٹک لائن پیراشوٹ جمپ پیچیدہ اور فطری طور پر خطرناک ہوتی ہے، کیونکہ پیراشوٹ کھلنے کے وقت جھٹکا بہت زیادہ ہوتا ہے اور نیچے آنے کی رفتار بھی زیادہ ہوتی ہے۔

وزیر دفاع جناب راج ناتھ سنگھ نے اے ایچ اے پی کے دیسی پیراشوٹ نظام کی پہلی کامیاب لائیو جمپ پر ڈی آر ڈی او، دفاعی افواج، ڈی پی ایس یوز اور صنعت کو مبارکباد دی اور اسے آتم نربھر بھارت کی سمت ایک اور اہم قدم قرار دیا۔

دفاعی سکریٹری اور محکمہ دفاع تحقیق و ترقی کے سکریٹری و چیئرمین، ڈی آر ڈی او جناب راجیش کمار سنگھ نے اس نظام کے ڈیزائن اور تیاری سے وابستہ ٹیم کے ارکان کو مبارکباد دی۔

*****

ش ح۔ ا ع خ ۔ ج

uno-4708