ভারতকী রাস্ত্রপতি শ্রীমতি দ্রুপদি মুর্মুনা হিস এক্সিলেন্সী মিস্তর গাই পরমেলিন, স্বিস কনফেদরেসনগী রাস্ত্রপতিবু ঙসি রাস্ত্রপতি ভবনদা (ওক্তোবর ৫, ২০২৬) তরাম্না ওকখ্রে। মহাকপু ইকাইখুম্নবা ওইনা চাক্লেন অমসু শিনখি।

রাস্ত্রপতি পরমেলিনবু ভারত্তা তরাম্না ওক্লদুনা রাস্ত্রপতিনা হায়খি মদুদি ভারত অমসুং স্বিজর্লেন্দনা মান্নবা দেমোক্রেসী অমসুং আইনগী কাংলোনদা য়ুম্ফম ওইবা নুংশি চান্নবা মরী লৈনরি। ঐখোয়না ললোন-ইতিক অমসুং ইনভেস্তমেন্ত, সাইন্স, তেক্নোলোজী অমসুং ইনোবেসন, কলচর, অমসুং মীয়ামগী ওইবা মরী য়াওনা হীরম কয়াদা কুপ্না তেংবাংমিন্নরি। ঐখোয়গী লৈবাক অনিগী মরক্তা অৱাংবা থাক্তা চাং নাইনা তাথোক-তাশিন তৌনবা অসিনা ঐখোয়গী নাকল অনিগী ওইবা মরীশিংদা মখা তানা ইথিল পীরি।

রাস্ত্রপতিনা হায়খি মদুদি স্বিজর্লেন্দ অসি ভারতকী মরুওইবা ত্রেদ অমসুং ইনভেস্তমেন্তকী মপাং অমনি। পুৱারী ওইরবা ইন্দিয়া-য়ুরোপিয়ন ফ্রী ত্রেদ এসোসিয়েসন ত্রেদ অমসুং ইকোনোমিক পার্তনরশিপ এগ্রীমেন্ত চৎনহনবগী মতুংদা, নাকল অনিগী ওইবা ত্রেদ অমসুং ইনভেস্তমেন্ত পাকথোক চাউথোকহনবগী হেন্না চাউবা খুদোংচাবশিং লৈরি হায়না মহাক্না ফোংদোকখি।

রাস্ত্রপতিনা হায়খি মদুদি স্বিস কম্পেনীশিংনা ভারত্তা মরুওইবা সেক্তরশিংদা ইনবেস্তমেন্ত তৌখ্রে অমসুং মখোয়না ভারতকী ইনফ্রাস্ত্রকচর সেক্তরদা মরুওইনা লম্বীশিং, রেলৱে ব্রিজশিং অমসুং তনেলশিং শাবদা মশক থোকপা মফম অমা লৈরি। মখোয়না ক্লিন অমসুং গ্রীন তেক্নোলোজী অমসুং আর্তিফিসিএল ইন্তেলিজেন্সকুম্বা অনৌবা লমশিংদা খুদোংচাবশিংসু থিজিনবা য়াই হায়না মহাক্না হায়খি।

খোংচৎ অসিগী মনুংদা মাইগ্রেসন অমসুং মোবিলিতী, রিসর্স অমসুং তেক্নোলোজী ত্রান্সফরদা মতেং পীননবা মরুওইবা এগ্রীমেন্তশিং খুৎয়েক পীনখিবদা রাস্ত্রপতিনা নুংঙাইবা ফোংদোকখি।

ভারত অমসুং সুইজর্লেন্দগী মরক্তা অচেৎপা মতেং পীনবা অসিনা লৈবাক অনিগী মীয়ামদা কান্নবা কয়া ফংহল্লগনি হায়না লুচিংবা অনিনা য়ানখি। মখোয়না থাজবা থমখি মদুদি খোংচৎ অসিনা লৈবাক অনিগী মরক্তা লৈনরিবা মরী হেন্না চেৎশিলহনবদা মতেং পাংগনি।

***