প্রধান মন্ত্রী শ্রী নরেন্দ্র মোদীনা ঙসি নই দিল্লীগী ভারত মন্দপমদা য়ুনিয়ন পব্লিক সর্বিস কম্মিসন (য়ু.পি.এস.সি.) গী চহি ১০০ শুরকপগী থৌরমদা শরুক য়াখ্রে। মহাক্কী ৱারোলদা চহী ১০০ শুরকপগী থৌরম অসিগী লিশাং শিৎনা লৈরক্লবা শিংথানিংঙাই ওইবা পুৱারী প্রধান মন্ত্রীনা হায়খি মদুদি চহী ১০০ শুরকপগী থৌরম অসি তশেংনা নহারোল মিলিয়ন কয়াগী অপাম্বা অমসুং ভারত মচা খুদিংমক্না ইন্সতিত্যুসন অসিদা থম্লিবা থাজবা অদুগী থৌরম অমনি। মহাক্না জেনরেসন, সরকার, তেক্নোলোজী অমসুং সিলেবস হোংলক্লবসু ওর্গনাইজেসন অসিগী থাজবা লৈরকপগীদমক থাগৎপা ফোংদোকখি। মহাক্না মসিগীদমক্তা থাগৎপগী পোস্তেজ স্তাম্প অমা, অখন্নবা কোইন অমা অমসুং মরু ওইবা কেস লো ১০০ গী কমপ্লাইএসন অমা ফোংখি।

নীংতম্লবা মতুংদা থেংনখিবা অচৌবা শিংনবশিং অদু নীংশিংলদুনা, প্রধান মন্ত্রীনা সরদার বল্লবভাই পতেলবু লৈবাক অসিবু নীংতম্বা পুরক্নবগীদমক্তা নত্তনা অনৌবা লৈবাক অসিবু নীংথিনা লৈঙাক্নবগীদমক তঙাইফদবা মরুওইবা স্তীল ফ্রেম শেমখিবগীদমক থাগৎপা ফোংদোকখি। প্রধান মন্ত্রীনা সর্দার পতেলবু ইন্সতিত্যুসন অসিবু নিংতম্লবা ভারতকী মরুওইবা য়ুম্বী অমদা ওন্থোকপগীদমক থাগৎপা ফোংদোকখি। লৈবাক অসিবু অমুক হন্না শেমগৎনবা দরকার ওইবা স্তীল ফ্রেম অদু সর্দার পতেলনা পীখি হায়না শ্রী মোদীনা ফোংদোকখি।

ইন্সতিত্যুসন অসিগী ১৯২৬তা বৃটিশ রাজকী হৌরকফমগা নীংতম্লবা মতুংগী হৌরকফমগা চাংদম্নদুনা প্রধান মন্ত্রীনা হায়খি মদুদি সিস্তেম অসিনা মায় পাক্না নীংতম্লবা লৈবাক অমগী মঙলানশিং মপুং ফাহন্নবগীদমক মীৎয়েং হোংখি। মহাক্না য়ু.পি.এস.সি.না মাগী পুৱারী ওইরবা থৌদাংশিং অসি মপুং ফানা পাংথোক্লবসু, লৈবাক অসিনা ঙাইরিবা মরুওইবা মথংগী চহি ২৫ অসিদা মীৎয়েং চঙবা মথৌ তাই হায়না ফোংদোকখি। "মরম অসিনা, ঙসি ঐহাক্না ঐহাক্কী খন্ন-নৈনবদা মসিগী মাইকৈ অসিদা মীৎয়েং থম্লগনি।"

বিক্সিত ভারত অমা ফংবদা সেলেক্সন কম্মিসনশিংনা লৌরিবা মরুওইবা থৌদাং অদু পল্লদুনা প্রধান মন্ত্রীনা হায়খি মদুদি ঙসি নৌরিবা নহারোলশিংনা লৈবাক অসিগী তুংলমচৎকী চীফ আর্কিতেক অমসুং মরুওইবা কান্নবা ফংলবশিং ওইনা থবক তৌগনি। মহাক্না হায়খি মদুদি সেলেক্সন প্রোসেস খুদিংমক্না নেসন অমসুং সিতিজেনবু মরুওইনা লৌবগী ক্রাইতেরিয়া অনিগা লোয়ননা অকনবা মওংদা চাংয়েং তৌগদবনি। অসিগুম্বা ৱাখল্লোনগা লোয়নবা কেন্দিদেৎশিং খনগৎলকপা মতমদা, লৈবাক্কী পান্দমশিং ফংহনবা হায়বসি য়াম্না মহৌশাগী ওইবা অমসুং রাইবা থবক ওইগনি হায়না শ্রী মোদীনা ফোংদোকখি।

২০৪৭ ফাওবগী য়াম্না খেন্নরবা সোসিও-ইকোনোমিক লেন্দস্কেপকী প্রোজেক্ত তৌরদুনা প্রধান মন্ত্রীনা হায়খি মদুদি খুঙ্গং-অরবানগী খেন্নবা হন্থরক্লিবা শহরগী মফম হেনগৎলক্লিবা অসিনা নহারোলশিংগী আশাশিং মঙফাওনহনবদা মতেং ওইগনি। নাগরিকশিংনা এ.আই.না পাঙ্গল পীবা, য়াম্না থুবা, রিএল-তাইম সোলুসনশিং মথৌ তারিবা মালেমগী খোঙজেলগা মান্নবা ত্রেদিস্নেল সর্বিস দেলিভরী মোদেলশিং অসি শেমদোক-শাদোক্কদবনি হায়না মহাক্না খঙহনখি। শ্রী মোদীনা হায়খি, "হোংলক্লিবা ৱাখল্লোন অসিনা ঐখোয়গী সিবিল সর্বিসশিংদসু অনৌবা অহোংবা পুরকপা মথৌ তাই।"

রিক্রুতমেন্ত ফিলোসোফীদা তঙাই ফদবা অহোংবা পুরক্নবা তকশিল্লদুনা, প্রধান মন্ত্রীনা হায়খি মদুদি সেলেক্সন পেরামিতরশিংনা একাদমিক নোলেজ খক্তমক য়েংশিনবদগী হেন্দোকতুনা কেন্দিদেৎশিংনা পব্লিক ওফিসকী মহুত্তা পব্লিক সর্বিসতা চঙলকপা অসি য়েংশিনবা তাবনি। মহাক্না হায়খি মদুদি অচুম্বা মশাদা য়াওজরকপা মোতিভেসন লৈবা মীওইশিং খনবনা এদমিনিস্ত্রেসনবু য়াম্না থুনা হোংলক্লিবা মীয়ামগী অপাম্বদা খুমাং চাউশিলহনবদা য়াম্না লায়হল্লি। "মরম অদুনা, ঐখোয়না ঐখোয়গী সেলেক্সন পেরামিতরশিং অমসুং রিক্রুতমেন্ত প্রোসেস অসি তুংলমচৎকী মথৌ তাবশিংগী মতুং ইন্না এদোপ্ত তৌগদবনি।"

নৌনা খল্লবা সিবিল সর্ভেন্তশিংগা মহাক্কী মশাগী ওইবা ৱারী শানবদা প্রধান মন্ত্রীনা ত্রেনি ওফিসরশিংদা তুংদা থেংনগদবা খুদোংচাদবা অমসুং থৌদাংশিং অদুগী মতুং ইন্না মশা-মশাগী এসেসমেন্ত তৌনবগীদমক্তা মখোয়গী অশেংবা মোতিবেসনশিং অদু ইদুনা থমগদবনি হায়না ফোংদোকখি। মহাক্না য়ু.পি.এস.সি. অমসুং রাজ্যগী কম্মিসন অনিমকপু কেন্দিদেৎশিংগীদমক্তা অসিগুম্বা ইনত্রোস্পেক্তিব মেকানিজমশিং অসি ইন্সতিত্যুস্নেল ওইনা শেম্নবা পুক্নিং থৌগৎখি। য়ু.পি.এস.সি. অমসুং স্তেত কম্মিসনশিংনসু অসিগুম্বা সিস্তেম অমা শেমগৎনবা খনবা য়াই হায়না শ্রী মোদীনা ফোংদোকখি।

মমাংগী মতমগী 'মাই-বাপ' গবর্নান্সকী ৱাখল্লোন থাদোক্তুনা, প্রধান মন্ত্রীনা 'নাগরিক দেবো ভাব'কী মপুং ফাবা ৱাখল্লোনদা য়ুম্ফম ওইবা মোদর্ন এদমিনিস্ত্রেতিব ইরা অমা হৌদোকখি। মহাক্না হায়খি মদুদি নাগরিকশিংগী সেবা অসি অতোপ্পা পুম্নমক্তগী হেন্না মরু ওইহনবা অসি ২১শুবা চহিচাগী গবর্নান্সকী মপুং ওইবা মচাক্নি। শ্রী মোদীনা হায়খি, "মরম অদুনা, লৈবাক অসিগী নাগরিক অসি ঐখোয়গীদমক্তা লাইদগী তাদনা লৌগদবনি।"

মোদর্ন এদমিনিস্ত্রেসনগীদমক অনৌবা ৱার্ক কলচরগী ৱাহন্থোক পীরদুনা প্রধান মন্ত্রীনা হায়খি মদুদি ২১শুবা চহিচাগী ভারত অসি মপুং ফানা অনৌবা ওপরেস্নেল ইথোস অমগা লোয়ননা মাংলোমদা চংশিল্লি। মহাক্না হায়খি মদুদি অনৌবা য়ুগ অসিগী মরুওইবা প্রিন্সিপলশিং অসি মরুওইবা য়ুম্ফম অহুমদা মপুং ফানা চত্থরি। মসিগী মরুওইবা প্রিন্সিপলশিংদি প্রো-পিপল, প্রো-এক্তিব, গুদ গবর্নান্সনি হায়না শ্রী মোদীনা হায়খি।

ফাউন্দেস্নেল গবর্নান্সকী ৱাখল্লোনশিং অদু শন্দোক্না তাক্লদুনা, প্রধান মন্ত্রীনা হায়খি মদুদি নেস্নেল অমসুং স্তেত অনিমক্কী থাক্তা সেলেক্সন প্রোসেসশিং অসি প্রোবেস্নেল ওইনা প্রোব্লেমশিং অদু মাংজৌননা খংদোকপা ঙম্বা অমসুং দরকার লৈতনা প্রেসর নত্ত্রগা ইথিল পীদনা থবক তৌবা ঙম্বা প্রোফেস্নেলশিং লৌনবগীদমক্তা অকনবা মওংদা দিজাইন তৌগদবনি। মহাক্না ইনোবেতিব সোলুসনশিং পুথোকপা, প্রজাশিংগী পুন্সিদা অওনবা পুরকপা অমসুং মীয়ামদা আইনশিংনা পীরিবা শাফু অদু য়েংশিনবা ঙম্বা ইম্পেথিক সিবিল সর্ভেন্তশিংগী মথৌ তাবগী মতাংদা অকনবা ৱাফম থমখি। শ্রী মোদীনা হায়খি মদুদি ঐখোয়না লৈবাক অসিদা অরুবা প্রোব্লেমশিংদগী ইনোবেতিব ওইবা পাম্বৈশিং পুথোকপা ঙম্বা প্রোফেস্নেলশিং পীগদবনি।

খুন্নাইনা থেংনরিবা তেক্নোলোজিগী ওইবা অৱাবা কয়াগী মতাংদা পল্লদুনা প্রধান মন্ত্রীনা হায়খি মদুদি তুংলমচৎকী সিভিল সর্বেন্তশিংনা ইনফোর্মেসন ৱারফেয়র, দিপ ফেকশিং, অলগোরিথমিক বাইয়স অমসুং ক্লাইমেৎ জস্তিসকুম্বা অনৌবা লানফমশিংদা চংশিনবা তাই। মহাক্না রিক্রুতমেন্ত এজেন্সীশিংদা কেন্দিদেৎশিংগী ফোরসাইৎ অমসুং কমপ্লেক্স প্রোব্লেম সোলুসন পুরকপা ঙম্বশিংবু মরুওইনা লৌদুনা মালেমগী ওইবা অহোংবশিং অসিগা চুনহন্নবা খঙহনখি। অসিগুম্বা ফিভম অসিদা, খনগৎপগী থৌওং অসিদা, ঐখোয়না কমপ্লেক্স প্রোব্লেম সোল্বিং অমসুং ফোর্সাইৎ চাংয়েং তৌবদা মরুওইবা পীগদবনি হায়না শ্রী মোদীনা হায়খি।

এদমিনিস্ত্রেতিব ওভরহোলগী তঙাইফদবা অদু পল্লদুনা প্রধান মন্ত্রীনা হায়খি মদুদি চাংয়েংগী এজেন্সীশিংনা স্তেন্দর্দ হন্থহন্দনা চাংয়েংগী সাইকলশিং হন্থহন্নবগীদমক্তা মতম চানা পাংথোকপা হায়বা ৱাখল্লোন অসি শিজিন্নদুনা লৈবাক অসিগী পাক চাউবা রিফোর্ম মোমেন্তমগা লোয়ননা খোঙজেল য়াংনা চপ মান্নহনগদবনি। মহাক্না অকনবা ৱাফম থমখি মদুদি একজামিনেসনশিং মতম শাংবনা কোচিং ফী, রেন্ত অমসুং ত্রান্সপোর্তকুম্বা ইমুংশিংদা শেলগী চৈথেং য়াম্না পীরি, মসিনা সাইকল হন্থহনবা অসি তঙাই ফদবা অচুম্বা ইসু অমা ওইহল্লি। শ্রী মোদীনা হায়খি, "মসিসু ইক্বিতী রিফোর্ম অমা ওইরগনি।"

পথাপ নাইনা ইন্সতিত্যুস্নেল কেপাসিতী বিল্দিংদা পুক্নিং থৌগৎলদুনা, প্রধান মন্ত্রীনা হৌজিক লৈরিবা নেস্নেল কনফরেন্সশিংবু থাগৎপা ফোংদোকখি। মসিদা স্তেত কম্মিসনশিংনা খ্বাইদগী ফবা থৌওংশিং শেয়র তৌনরি। অদুবু মখোয়না ফোরমশিং অসি ইন্তর্নেস্নেল স্তেন্দর্দশিং নৈনদুনা অমসুং তেক্নোলোজীগী ইফিসিএন্সীদা মীৎয়েং থমদুনা হেনগৎহন্নবা তকশিনখি। লৈবাক শিনবা থুংনা শরুক য়ারিবা নহারোলশিংদা অচৌবা রিলিফ অমসুং ক্লিয়রিতী ফংহন্নবা ক্রোস-লর্নিং অমসুং স্তেন্দার্দাইজ তৌরবা থৌওংশিং অসিগীদমক মহাক্না ফোংদোকখি। ক্রোস লর্নিংগী থৌওং অসিনা য়ু.পি.এস.সি.দা কান্নবা পীগনি অমসুং রাজ্য খুদিংমক্কী সেলেক্সন কম্মিসনশিংদসু কান্নবা পীগনি।"

লেপ্পা লৈতনা ইন্সতিত্যুস্নেল গ্রোথকী তঙাইফদবা অমুক হন্না পনখি। প্রধান মন্ত্রীনা য়ু.পি.এস.সি. অমসুং স্তেত সেলেক্সন কম্মিসন অনিমক্না মখোয়গী মশাগী কেপাসিতী বিল্দিংদা লেপ্পা লৈতনা মীৎয়েং থমগদবনি হায়না খঙহনখি। মহাক্না সিভিল সর্ভেন্তশিংগীদমক নেস্নেল মিসনগী মখাদা হান্ননা লিংখৎলিবা দিজিতেল ইনফ্রাস্ত্রকচর অসি মপুং ফানা শিজিন্ননবা রিকমেন্দ তৌখি। শ্রী মোদীনা হায়খি মদুদি মিসন কর্ময়োগীগী মখাদা শেমখিবা আই-জিওতি প্লেৎফোর্ম অসি মসিগীদমক শিজিন্নবা য়াই।

ওফিসিএলশিংবু মখোয়গী নেস্নেল দ্যুতীগী মতাংদা পুক্নিং থৌগৎলদুনা, প্রধান মন্ত্রীনা মখোয়গী মরুওইবা মিসন অসি য়ুথ পৱারবু মপাঙ্গল কনবা নেস্নেল পৱারদা ওন্থোকপগা হকথেংননা মরী লৈনৈ হায়না অকনবা ৱাফম থমখি। শহরগী মীহুৎশিংদগী খুঙ্গংগী হৈথোই-শিংথোইরবা নহারোলশিংদা খুদোংচাবশিং অসি মতৌ করম্না মায় পাক্না হোংলকপগে হায়বদু মহাক্না থাগৎখি। মহাক্না সিভিল সর্বিসতা নুপী কেন্দিদেৎশিং য়াম্না থুনা হেনগৎলকপা, ১৯৫২দা চাদা ৩ খক্তদগী ঙসিদি চাদা ৩০ হেনগৎলকপা অমসুং ২০১৪গী মতুংদা য়ু.পি.এস.সি. চীয়রপার্সন পোস্ত২০১৪ দা নুপী মরিগী মনুংদা অহুম খনখিবসু পনখি। শ্রী মোদীনা হায়খি, "মসিগী অহোংবশিং অসি স্তেতিস্তিক্স খক্তমক নত্তে, মসিনা লৈবাক অসিদা খুদোংচাবশিং অসি কয়া য়াম্না পাকথোক চাউথোক্লবগে হায়বদু উৎলি।"

ইন্সতিত্যুসন অসিগী চহি ৫০শুবা মপোক কুমওন ১৯৭৬দগী হৌনা কেন্দিদেৎশিং শরুক য়াবগী চাং য়াম্না হেনগৎলকপা অদু পল্লদুনা প্রধান মন্ত্রীনা হায়খি মদুদি চাংয়েং পাংথোক্লিবশিংগী মশিং অসি শরুক ৪৫ হেনগৎখ্রে। মসিনা নেস্নেল তেলেন্ত পুল অমা উৎলি অমসুং মসিনা সেলেক্তরশিংদা অচৌবা থৌদাং লৌবা মথৌ তাই। মহাক্না কম্মিসনশিংদা মখোয়না কেন্দিদেৎশিং খক্তমক খনবগী থৌওং নত্তে, অদুবু মখোয়না গ্রাসরুৎ লেভেলদা সরকারগী মশক অমসুং মীহুৎ ওইগদবা মীওইশিং খনবগী থৌওং তৌরি হায়না নিংশিংখি। শ্রী মোদীনা হায়খি, "মরম অদুনা, পুম্নমক্না অচুম্বা মীওই অমা খনবগী য়াম্না চাউবা থৌদাং অমা লৌরি।"

ইন্সতিত্যুসন অসিগী অনিশুবা চহী চাম্মা শুবা নুমিৎ অসিদা, প্রধান মন্ত্রীনা কম্মিসন অসিদা তুংলমচৎকী শিংনবশিং থেংননবা অমসুং মসিগী য়ুম্ফম ওইরিবা থাজবা অদু কন্না ঙাকপদা মসিগী ওপরেসনশিং অসি এগ্রিসিব ওইনা অপগ্রেস তৌনবা তকশিনখি। মহাক্না হায়খি মদুদি য়ু.পি.এস.সি.গী মরুওইবা শক্তম, মসিগী নীংতম্বা, মীৎয়েং থম্বগী থৌওং, মগুন, কন্ফিদেন্সিএলিতী অমসুং অচুম্বা থৌওংশিং অসি মতম পুম্নমক্তা অচেৎপা ওইগদবনি। হায়রিবা মগুনশিং অসি মতম পুম্নমক্তা লৈগদবনি হায়না শ্রী মোদীনা ফোংদোকখি।

মাংজিল থানা চঙশিন্নবগী ৱাখল্লোন অমগা লোইননা মহাক্কী ৱারোল লোইশিনবদা, প্রধান মন্ত্রীনা ইনস্তিত্যুসন অসিনা অনৌবা চহিচা অসিদা মায় পাক্না চাউখৎপা ওইরক্কনি হায়বগী থাজবা ফোংদোকখি।

100 years of UPSC is a proud milestone. For a century, it has played an important role in administration and serving people. https://t.co/8mLKPv4jXU

— Narendra Modi (@narendramodi) October 1, 2026

***