গুৰুত্বপূৰ্ণ আৰু উন্নত এপ্লিকেচন-নিৰ্দিষ্ট থলুৱা ছেমিকণ্ডাক্টৰ ক্ষমতা গঢ়ি তোলাৰ বাবে ভাৰতৰ প্ৰচেষ্টাক শক্তিশালী কৰি, ভাৰত চৰকাৰৰ বিজ্ঞান আৰু প্ৰযুক্তি বিভাগ (ডি এছ টি)ৰ প্ৰযুক্তি উন্নয়ন পৰিষদে (টি ডি বি) গৱেষণা উন্নয়ন আৰু উদ্ভাৱন (আৰ ডি আই) পুঁজিৰ অধীনত ১৩০ কোটি টকাৰ বিত্তীয় সহায়ৰ বাবে কৰ্ণাটকৰ বেংগালুৰুৰ এমএছ বিগএণ্ডিয়ান ছেমিকণ্ডাক্টৰৰ সৈতে এখন চুক্তিত স্বাক্ষৰ কৰে।

প্ৰকল্প বীৰ এআইৰ মুঠ ব্যয় ২৬০ কোটি টকা আৰু ইয়াৰ লক্ষ্য হৈছে প্ৰযুক্তি প্ৰস্তুতি স্তৰ টি আৰ এল-৫ৰ পৰা টি আৰ এল-৯লৈ প্ৰযুক্তিক লৈ যোৱা। এই বিত্তীয় সাহায্য ঐচ্ছিক পৰিৱৰ্তনযুক্ত ঋণ (অ’ চি ডি)ৰ জৰিয়তে প্ৰদান কৰা হ’ব। প্ৰকল্প বীৰ এআয়ে সুৰক্ষিত, বুদ্ধিমত্তাযুক্ত আৰু এপ্লিকেশ্বন নিৰ্দিষ্ট ছেমিকণ্ডাক্টৰৰ সমাধানৰ বৰ্ধিত প্ৰয়োজনীয়তা পূৰণ কৰি এক সাৰ্বভৌম প্ৰযুক্তি প্লেটফৰ্মত কেমেৰাকেন্দ্ৰিক এআই ভিজন ছিষ্টেম-অন-চিপ (এছ অ’ চি)বিকশিত কৰিবলৈ বিচাৰে।

বাহ্যিকভাৱে বিকশিত ছেমিকণ্ডাক্টৰ আৰু প্ৰযুক্তি যোগান শৃংখলৰ ওপৰত নিৰ্ভৰশীলতা হ্ৰাস কৰাৰ উদ্দেশ্যৰে এই প্ৰকল্পটো নিৰীক্ষণ এপ্লিকেচন, বিশেষকৈ চি চি টিভি প্ৰণালীৰ বাবে এক সুৰক্ষিত এআই চিপৰ বিকাশৰ বাবে স্থাপন কৰা হৈছে। প্ৰস্তাৱিত প্লেটফৰ্মটো এআই প্ৰচেছিং আৰু স্মাৰ্ট বৈশিষ্ট্যসমূহক সুৰক্ষা, গোপনীয়তা আৰু সংযোগ ক্ষমতাৰ সৈতে একত্ৰিত কৰিবলৈ ডিজাইন কৰা হৈছে। এই প্ৰযুক্তিটো প্ৰথমতে ভাৰত আৰু গোলকীয় দক্ষিণত চি চি টিভি আৰু নিৰীক্ষণ এপ্লিকেচনৰ বাবে বিকশিত কৰা হৈছে, য’ত একাধিক খণ্ডত প্ৰয়োগৰ বাবে এক পথ নিৰ্দেশনা আছে। নিৰীক্ষণৰ বাহিৰেও, প্ৰতিৰক্ষা, স্বয়ংক্ৰিয় বাহন খণ্ড, ঔদ্যোগিক আৰু চিকিৎসা ক্ষেত্ৰত প্ৰয়োগৰ বাবে পৰিকল্পনা কৰা হৈছে, যিয়ে থলুৱা এআই-সক্ষম ছেমিকণ্ডাক্টৰব্যৱস্থাৰ বাবে এক বহল পৰিসৰৰ বজাৰ সৃষ্টি কৰে।

এই প্ৰকল্পটোৱে ভাৰতৰ বৰ্ধিত ভি এল এছ আই ডিজাইন আৰু ছেমিকণ্ডাক্টৰ প্ৰতিভাৰ সদ্ব্যৱহাৰ কৰাৰ লগতে ঘৰুৱা ডিজাইন ক্ষমতাক এক বিস্তৃত পৰিসৰৰ মঞ্চলৈ ৰূপান্তৰিত কৰাৰ চেষ্টা কৰিছে। সাধাৰণ উদ্দেশ্যৰ চিপৰ পৰিৱৰ্তে এপ্লিকেচন-নিৰ্দিষ্ট এছ চি চৰ ওপৰত গুৰুত্ব আৰোপ কৰা এই কাৰ্যসূচীৰ লক্ষ্য হৈছে দ্ৰুত প্ৰযুক্তি স্থাপন আৰু বাণিজ্যিকীকৰণ সক্ষম কৰাৰ লগতে নিৰ্দিষ্ট উদ্যোগৰ প্ৰয়োজনীয়তাবোৰ সমাধান কৰা। থলুৱা এআই আৰু ছেমিকণ্ডাক্টৰ প্ৰযুক্তিৰ বিকাশৰ গুৰুত্ব বৃদ্ধি পাইছে কিয়নো সংযোগ সঁজুলি আৰু বুদ্ধিমত্তাজনিত প্ৰণালীবোৰ গুৰুত্বপূৰ্ণ আন্তঃগাঁথনিৰ মাজত ক্ৰমান্বয়ে অন্তৰ্ভুক্ত হৈ পৰিছে। নিৰাপদ আৰু এপ্লিকেচন-নিৰ্দিষ্ট  চিপসমূহে তথ্য সুৰক্ষা, গোপনীয়তা, ডিভাইচ-স্তৰৰ বুদ্ধিমত্তা আৰু প্ৰযুক্তিৰ সাৰ্বভৌমত্বৰ সৈতে সম্পৰ্কিত প্ৰয়োজনীয়তাবোৰ  কৰাত এক গুৰুত্বপূৰ্ণ ভূমিকা পালন কৰিব পাৰে।

আৰ ডি আইৰ সমৰ্থনৰ জৰিয়তে বিগএণ্ডিয়ান ছেমিকণ্ডাক্টৰ্ছে প্ৰকল্প বীৰ এ আইক টি আৰ এল-৫ৰ পৰা টি আৰ এল-৯লৈ আগুৱাই নিয়াৰ বাবে প্ৰয়োজনীয় অধিক প্ৰযুক্তিৰ বিকাশ, বৈধকৰণ, একত্ৰীকৰণ, পৰীক্ষা আৰু পৰিসৰ বৃদ্ধিৰ কাৰ্যকলাপ হাতত ল'ব।

টি ডি বিৰ সচিব শ্ৰী ৰাজেশ কুমাৰ পাঠকে কয়, "ছেমিকণ্ডাক্টৰসমূহ প্ৰায় প্ৰতিটো নতুন উন্নতমানৰ প্ৰযুক্তিৰ আধাৰ আৰু এপ্লিকেচন-নিৰ্দিষ্ট এ আই চিপত থলুৱা সামৰ্থ্য গঢ়ি তোলা হৈছে ভাৰতৰ প্ৰযুক্তি পৰিৱেশতন্ত্ৰ শক্তিশালী কৰাৰ এক গুৰুত্বপূৰ্ণ অংশ। আৰ ডি আই পুঁজিয়ে সাৰ্বিক উন্নয়নৰ পৰা বাণিজ্যিক নিয়োজনলৈ যাবলৈ গুৰুত্বপূৰ্ণ বিনিয়োগৰ প্ৰয়োজন হোৱা প্ৰযুক্তিৰ বাবে ধাৰাবাহিক সমৰ্থন যোগায়। বিগএণ্ডিয়ান ছেমিকণ্ডাক্টৰক দিয়া সমৰ্থনে ভাৰতীয় কোম্পানীসমূহক কৌশলগত ছেমিকণ্ডাক্টৰ ক্ষমতা বিকাশ কৰিবলৈ আৰু ঘৰুৱা ডিজাইনৰ দক্ষতাক নিয়োজনযোগ্য সামগ্ৰীলৈ পৰিৱৰ্তন কৰিবলৈ সক্ষম কৰা কাৰ্যৰ ওপৰত টি ডি বিৰ গুৰুত্ব প্ৰতিফলিত কৰে।"

বিগএণ্ডিয়ান ছেমিকণ্ডাক্টৰৰ প্ৰচাৰকসকলে কয়, "টি ডি বিৰ পৰা আৰ ডি আই সমৰ্থনে আমাক প্ৰজেক্ট বীৰ এ আইৰ বিকাশ আৰু বৈধতা ত্বৰান্বিত কৰিবলৈ সক্ষম কৰিব আৰু আমাৰ এ আই ভিজন এছ অ’ চিক বাণিজ্যিক প্ৰস্তুতিৰ দিশে লৈ যাব। আমাৰ গুৰুত্ব হৈছে এক সুৰক্ষিত, এপ্লিকেচন-নিৰ্দিষ্ট ছেমিকণ্ডাক্টৰ প্লেটফৰ্ম নিৰ্মাণৰ ওপৰত, যি ভাৰতৰ থলুৱা ছেমিকণ্ডাক্টৰ ডিজাইন ক্ষমতা ব্যৱহাৰ কৰাৰ সময়ত নিৰীক্ষণ আৰু অন্যান্য গুৰুত্বপূৰ্ণ খণ্ডৰ প্ৰয়োজনীয়তা পূৰণ কৰিব পাৰে। এই অংশীদাৰিত্বই আমাক টি আৰ এল-৯ৰ দিশত প্ৰযুক্তিৰ অগ্ৰগতিত সহায় কৰিব আৰু এক শক্তিশালী ঘৰুৱা ছেমিকণ্ডাক্টৰ পৰিৱেশ তন্ত্ৰৰ বিকাশত অৰিহণা যোগাব।"

NKR/FT/AA/US