ਨਸ਼ੀਲੇ ਪਦਾਰਥਾਂ ਅਤੇ ਮਨੋਪ੍ਰਭਾਵੀ ਪਦਾਰਥਾਂ ਦੀ ਗੈਰ-ਕਾਨੂੰਨੀ ਤਸਕਰੀ ਅਤੇ ਤਸਕਰਾਂ 'ਤੇ ਰੋਕ ਲਗਾਉਣ ਦੀਆਂ ਆਪਣੀਆਂ ਨਿਰੰਤਰ ਕੋਸ਼ਿਸ਼ਾਂ ਦੀ ਲੜੀ ਵਿੱਚ , ਕੇਂਦਰੀ ਨਸ਼ੀਲੇ ਪਦਾਰਥ ਬਿਊਰੋ (CBN), ਜੈਪੁਰ ਨੇ ਵਿਦੇਸ਼ੀ ਡਾਕਘਰ (FPO), ਜੈਪੁਰ ਵਿੱਚ ਥਾਈਲੈਂਡ ਤੋਂ ਆਏ ਇੱਕ ਅੰਤਰਰਾਸ਼ਟਰੀ ਪਾਰਸਲ ਵਿੱਚ ਛੁਪਾਇਆ ਗਿਆ 1.080 ਕਿਲੋਗ੍ਰਾਮ ਹਾਈਡ੍ਰੋਪੋਨਿਕ ਗਾਂਜਾ (ਚਰਸ) ਜ਼ਬਤ ਕੀਤਾ ਹੈ।

ਓਪਰੇਸ਼ਨ ਦੌਰਾਨ ਫੜੀ ਗਈ ਹਾਈਡ੍ਰੋਪੋਨਿਕ ਗਾਂਜਾ

ਆਪ੍ਰੇਸ਼ਨ ਦੌਰਾਨ ਜ਼ਬਤ ਕੀਤਾ ਗਿਆ ਹਾਈਡ੍ਰੋਪੋਨਿਕ ਗਾਂਜਾ (ਚਰਸ) ਥਾਈਲੈਂਡ ਤੋਂ ਆਏ ਇੱਕ ਅੰਤਰਰਾਸ਼ਟਰੀ ਪਾਰਸਲ ਵਿੱਚ ਨਸ਼ੀਲੇ ਪਦਾਰਥਾਂ ਦੇ ਛੁਪਾਏ ਹੋਣ ਦੀ ਸੰਭਾਵਨਾ ਬਾਰੇ ਮਿਲੀ ਵਿਸ਼ੇਸ਼ ਖੁਫੀਆ ਜਾਣਕਾਰੀ ਦੇ ਅਧਾਰ 'ਤੇ, ਸੀਬੀਐੱਨ, ਜੈਪੁਰ ਦੇ ਅਧਿਕਾਰੀਆਂ ਨੇ ਇੱਕ ਟੀਮ ਦਾ ਗਠਨ ਕੀਤਾ ਅਤੇ ਸ਼ੱਕੀ ਪਾਰਸਲ ਦੀ ਜਾਂਚ ਅਤੇ ਤਲਾਸ਼ੀ ਲਈ ਵਿਦੇਸ਼ੀ ਡਾਕਘਰ, ਜੈਪੁਰ ਲਈ ਰਵਾਨਾ ਹੋਏ।

ਮੋਡਸ ਓਪਰੇਂਡੀ ਵਿੱਚ ਵਰਤੇ ਗਏ ਕੇਕ

ਪਾਰਸਲ ਦੀ ਬਾਰੀਕੀ ਨਾਲ ਜਾਂਚ ਦੌਰਾਨ, ਅਧਿਕਾਰੀਆਂ ਨੇ ਦੇਖਿਆ ਕਿ ਕਾਰਟਨ ਦੇ ਅੰਦਰ ਕੇਕ ਦੇ ਕਈ ਪੈਕਟ ਅਤੇ ਹੋਰ ਸਾਮਾਨ ਰੱਖਿਆ ਹੋਇਆ ਸੀ। ਅੱਗੇ ਦੀ ਜਾਂਚ ‘ਤੇ, ਹਾਈਡ੍ਰੋਪੋਨਿਕ ਗਾਂਜਾ (ਚਰਸ) 29 ਕੇਕ ਦੇ ਪਾਊਚਾਂ ਵਿੱਚ ਛੁਪਾਇਆ ਹੋਇਆ ਮਿਲਿਆ, ਜਿਸ ਨੂੰ ਹੋਰ ਕੇਕ ਦੇ ਪੈਕਟਾਂ ਅਤੇ ਸਾਮਾਨ ਨਾਲ ਮਿਲਾ ਕੇ ਤਸਕਰੀ ਕੀਤੀ ਗਈ ਵਸਤੂ ਨੂੰ ਛੁਪਾਉਣ ਦਾ ਯਤਨ ਕੀਤਾ ਗਿਆ ਸੀ।

ਕੇਕ ਦੇ ਅੰਦਰ ਹਾਈਡ੍ਰੋਪੋਨਿਕ ਗਾਂਜਾ (ਚਰਸ)

ਛੁਪਾ ਕੇ ਰੱਖੇ ਗਏ ਪਦਾਰਥ ਨੂੰ ਸਾਵਧਾਨੀਪੂਰਵਕ ਬਰਾਮਦ ਕੀਤਾ ਗਿਆ ਅਤੇ ਉਸ ਦਾ ਵਜ਼ਨ ਕੀਤਾ ਗਿਆ। ਹਾਈਡ੍ਰੋਪੋਨਿਕ ਗਾਂਜੇ (ਚਰਸ) ਦੀ ਕੁੱਲ ਮਾਤਰਾ 1.080 ਕਿਲੋਗ੍ਰਾਮ ਪਾਈ ਗਈ।

ਬਰਾਮਦ ਕੀਤੀ ਗਈ ਤਸਕਰੀ ਦੀ ਵਸਤੂ ਨੂੰ ਉਚਿਤ ਕਾਨੂੰਨੀ ਪ੍ਰਕਿਰਿਆ ਦੀ ਪਾਲਣਾ ਕਰਦੇ ਹੋਏ ਨਸ਼ੀਲੇ ਪਦਾਰਥ ਅਤੇ ਮਨੋਪ੍ਰਭਾਵੀ ਪਦਾਰਥ (NDPS) ਐਕਟ, 1985 ਦੀਆਂ ਪ੍ਰਾਸੰਗਿਕ ਧਾਰਾਵਾਂ ਤਹਿਤ ਜ਼ਬਤ ਕਰ ਲਿਆ ਗਿਆ ਹੈ। ਇਹ ਜ਼ਬਤੀ ਅੰਤਰਰਾਸ਼ਟਰੀ ਡਾਕ ਕੰਸਾਈਨਮੈਂਟਾਂ ਦੇ ਜ਼ਰੀਏ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦੀਆਂ ਕੋਸ਼ਿਸ਼ਾਂ ਦਾ ਪਤਾ ਲਗਾਉਣ ਅਤੇ ਅਜਿਹੀਆਂ ਤਸਕਰੀ ਕੀਤੀਆਂ ਵਸਤੂਆਂ ਨੂੰ ਉਨ੍ਹਾਂ ਦੀਆਂ ਇੱਛਤ ਮੰਜ਼ਿਲਾਂ ਤੱਕ ਪਹੁੰਚਣ ਤੋਂ ਰੋਕਣ ਵਿੱਚ ਕੇਂਦਰੀ ਨਸ਼ੀਲੇ ਪਦਾਰਥ ਬਿਊਰੋ ਦੀ ਲਗਾਤਾਰ ਚੌਕਸੀ ਅਤੇ ਤਾਲਮੇਲ ਵਾਲੀਆਂ ਕੋਸ਼ਿਸ਼ਾਂ ਨੂੰ ਦਰਸਾਉਂਦੀ ਹੈ।

​ਸੀਬੀਐੱਨ ਅੰਤਰਰਾਸ਼ਟਰੀ ਕੰਸਾਈਨਮੈਂਟਾਂ ‘ਤੇ ਕਰੀਬ ਤੋਂ ਨਜ਼ਰ ਰੱਖ ਰਿਹਾ ਹੈ ਅਤੇ ਨਸ਼ੀਲੇ ਪਦਾਰਥਾਂ ਦੀ ਗੈਰ-ਕਾਨੂੰਨੀ ਤਸਕਰੀ ਨੂੰ ਰੋਕਣ ਲਈ ਵਿਸ਼ੇਸ਼ ਖੁਫੀਆ ਜਾਣਕਾਰੀ ਦੇ ਅਧਾਰ ‘ਤੇ ਯੋਗ ਕਾਰਵਾਈ ਕਰ ਰਿਹਾ ਹੈ। ਮਾਮਲੇ ਦੀ ਅੱਗੇ ਦੀ ਜਾਂਚ ਹਾਲੇ ਜਾਰੀ ਹੈ।

************

ਐੱਸਆਰ/ਕੇਟੀ/ਕੇਐੱਮਐੱਨ/ਏਕੇ