প্রধানমন্ত্রীগী লোইশঙ
এসিয়ান গেমসতা চহি ৪০ হেনবগী মতুংদা সনাগী মেদল ফংলকপদা প্রধান মন্ত্রীনা ভারতকী নুপীগী হোক্কি তিম থাগৎপা ফোঙদোকখ্রে
থাগৎখিবা:
02 OCT 2026 7:22PM by PIB Imphal
এসিয়ান গেমসতা চহি ৪০ হেনবগী মতুংদা সনাগী মেদল ফংলকপদা প্রধান মন্ত্রী শ্রী নরেন্দ্র মোদীনা ভারতকী নুপীগী হোক্কি তিম থাগৎপা ফোঙদোকখ্রে।
প্রধান মন্ত্রীনা হায়খি মদুদি মশক থোকপা হৈথোই-শিংথোইবশিং অমসুং পুন্না থবক তৌমিন্নবদগী মাইপাকপা অসি ঙমখিবনি অমসুং পুক্নিং থৌগৎনিঙাই ওইবগা লোয়ননা তিমগী অচেৎপা ফিরেপ থাগৎপা ফোঙদোকখি।
মখোয়গী তুংগী থবক-থৌরমশিংদা মাইপাক্নবা প্রধান মন্ত্রীনা তিমদা মহাক্কী য়াইফ পাউজেল পীখি অমসুং লৈবাক শীনবা থুংনা হোক্কি পাম্নবা হেনগৎহনবদা মাইপাকপা অসিনা অচৌবা থৌদাং লৌগনি হায়বগী থাজবা ফোঙদোকখি।
এক্সতা পোষ্ট অমদা, প্রধান মন্ত্রীগী ওফিসনা হায়খি;
“ভারতকী হোক্কীগী য়াম্না অখন্নবা তাঞ্জা অমনি!
চহি ৪০ হেনবগী মতুংদা এসিয়ান গেমসতা সনাগী মেদল অমা ফংলকখিবা ভারতকী নুপীগী হোক্কি তিমগী মাইপাকপদা ভারতকী মীয়াম হরাওরে। মশক থোকপা হৈথোই-শিংথোইবশিং অমসুং পুন্না থবক তৌমিন্নবদগী মাইপাকপা অসি ঙমখিবনি। মখোয়গী অচেৎপা ফিরেপ অসি য়াম্না পুক্নিং থৌগৎনিঙাইনি। মখোয়গী তুংগী থবক-থৌরমশিংদা মাইপাক্নবা তিমদা ঐগী য়াইফ পাউজেল পীজরি।
মাইপাকপা অসিনা লৈবাক শীনবা থুংনা হোক্কি পাম্নবা হেনগৎহনবদা মতেং পাংবা ওইরসনু: প্রধান মন্ত্রী @narendramodi”
***
(রিলিজ আই.দি.: 2318466)
ভিজিতর কাউন্তর : 4