કેન્દ્રીય કૃષિ અને ખેડૂત કલ્યાણ મંત્રી, શ્રી શિવરાજ સિંહ ચૌહાણે 28 સપ્ટેમ્બર 2026 ના રોજ નવી દિલ્હી ખાતે નેધરલેન્ડના કૃષિ, મત્સ્યોદ્યોગ, ખાદ્ય સુરક્ષા અને પ્રકૃતિ મંત્રી શ્રી સિલ્વિયો અર્કેન્સ સાથે દ્વિપક્ષીય વાટાઘાટો કરી હતી.

આ બેઠકમાં કૃષિ ક્ષેત્રે ચાલી રહેલા સહયોગની સમીક્ષા કરવા અને સહયોગના નવા ક્ષેત્રો શોધીને કૃષિ સહયોગને મજબૂત કરવા પર ધ્યાન કેન્દ્રિત કરવામાં આવ્યું હતું. બંને પક્ષોએ આધુનિક ટેકનોલોજી, નવીનતા અને જ્ઞાનના આદાન-પ્રદાન દ્વારા ઉત્પાદકતા વધારવાના તેમના સંકલ્પને પુનરાવર્તિત કર્યો હતો.

બંને પક્ષોએ કૃષિ અને બાગાયત ક્ષેત્રે 25 સેન્ટર્સ ઓફ એક્સેલન્સ (CoEs) ની સ્થાપના અંગેની પ્રગતિ પર ચર્ચા કરી હતી. વધુમાં, બંને પક્ષો અસરકારક અમલીકરણ માટે સ્પષ્ટ માળખા હેતુ સહયોગના મુખ્ય ક્ષેત્રોની રૂપરેખા આપતી કાર્યયોજના દ્વારા બીજ ક્ષેત્રે સહયોગ સાધવા સંમત થયા હતા.

કૃષિ નવીનતાના ક્ષેત્રમાં, બંને દેશોએ આ ક્ષેત્રમાં સાધેલી નોંધપાત્ર પ્રગતિ અને પ્રગતિશીલતાને ધ્યાનમાં રાખીને, સહયોગના સંભવિત ક્ષેત્રોની ઓળખ કરવા અંગે ચર્ચા કરી હતી.

કૃષિ મંત્રી ઉપરાંત, ડચ પ્રતિનિધિમંડળમાં કૃષિ, મત્સ્યોદ્યોગ, ખાદ્ય સુરક્ષા અને પ્રકૃતિ મંત્રાલયના ડાયરેક્ટર જનરલ શ્રી માર્ટેન વાન ડેન બર્ગ અને અન્ય વરિષ્ઠ અધિકારીઓ તેમજ ભારતમાં નેધરલેન્ડ કિંગડમની એમ્બેસીના એમ્બેસેડર સુશ્રી મેરિસા ગેરાર્ડ્સ અને અન્ય અધિકારીઓ સામેલ હતા.

ભારતીય પક્ષે સચિવ શ્રી આતિશ ચંદ્રા, ડીએઆરઈ (DARE) ના સચિવ ડૉ. એમ.એલ. જાટ અને કૃષિ અને ખેડૂત કલ્યાણ વિભાગના અન્ય વરિષ્ઠ અધિકારીઓ ઉપસ્થિત રહ્યા હતા.

SM/NP/JD

(રીલીઝ આઈડી: 2318433) મુલાકાતી સંખ્યા : 7