নহারোল অমসুং শান্ন-খোৎনবগী মন্ত্রালয়
পি.এম.মোদীনা নশা মুক্ত য়ুৱা অভিয়ানগী নহাশিংনা লুচিংবা মোমেন্তম অদু ফোঙদোকখ্রে
পি.এম.না ‘নশা-মুক্তি কা সন্দেশ’ অমসুং নহাশিংনা লুচিংবা ক্রিএতিব কম্ম্যুনিকেসন অসিবু থাগৎপা ফোংদোকখ্রে
থাগৎখিবা:
27 SEP 2026 4:54PM by PIB Imphal
প্রধান মন্ত্রী শ্রী নরেন্দ্র মোদীনা ঙসি মহাক্কী থাগী ওইবা রেদিও থৌরম মন কি বাতকি ১৩৮সুবা ইপিসোদতা নশা মুক্ত য়ুবা অভিয়ান্দা লৈবাক শিনবা থুংনা নহাশিংনা শরুক য়াবা হেনগত্লকপগী মতাঙদা পনখ্রে। মহাক্না থোইদোক্না ফোংদোকখি মদুদি নহা লাখ কয়ানা দ্রগ অমসুং সব্সতেন্স এব্যুজদগী লাপ্না লৈনবা ৱারেপ অমা লৌরে অমসুং অতোপ্পশিংগী মরক্তা এৱেয়রনেশ শন্দোক্নবগী থৌদাংসু লৌরি।
প্রধান মন্ত্রীনা হায়খি মদুদি বিকসিত ভারত অভিয়ানগীদমক নুমিৎ ১০০নিগী নশা মুক্ত য়ুবা অসিনা মেরা য়ুবা ভারত (এম.ৱাই. ভারত) অমসুং নেশ্নেল সর্ভিস স্কিম (এন.এস.এস.)গা মরি লৈনবা ভোলুন্তিয়রশিংগা লোয়ননা স্কুলশিং, কোলেজশিং, য়ুনিভর্সিতিশিং অমসুং তোঙান তোঙানবা সোসিএল অমসুং স্পিরিচুএল ওর্গনাইজেসনশিং পুনশিল্লি। মহাক্না নোৎ তৌখি মদুদি খোঙজং অসিগী শরুক অমা ওইনা হৌখিবা নুমিৎ খরনি অসিদা লৈবাক শিনবা থুংনা ৱাশক্ লৌবগী থৌরম অমসুং এৱেয়রনেশ প্রোগ্রাম লিশিং কয়া পাংথোকখ্রে।
নহাশিংনা লুচিংবা পাও ফাওনবগী মরুওইবা অদু ফোঙদোক্লদুনা প্রধান মন্ত্রীনা অখন্ননা ‘নশা-মুক্তি কা সন্দেশ’ ইনিসিএতিব অসিবু থাগত্পা ফোঙদোকখি। মহাক্না য়েংশিনখি মদুদি নহাশিংনা মখোয়গী লোলদা অমসুং মখোয় মশাগী ক্রিএতিব ওইবা মওংদা ফোঙদোকপগী খুত্থাংদা সব্সতেন্স এব্যুজগী মায়োক্তা পাওজেল অসি খুন্নাইশিংদা য়ৌহল্লি।
কেম্পেন অসিদা মখোয়গী ক্রিয়েতিবিতি কন্ত্রীব্যুৎ তৌনবা মন কি বাতকি খুত্থাংদা নহাশিংদা মহাক্না হান্না অপীল তৌরমবা অদু নিংশিংলদুনা প্রধান মন্ত্রীনা লৈবাক শিনবা থুংনা লৈরিবা নহাশিংনা পিরিবা পাউখুম অদু থাগত্পা ফোঙদোকখি। নহারোলশিংনা মখোয়গী ক্রিয়েতিবিতি অসি এৱেয়রনেশ শন্দোকপদা শিজিন্ননবা পুক্নিং থৌগৎনবা মাই ভারতকী প্লেৎফোর্ম অসি শেমগৎখ্রে৷
প্রধান মন্ত্রীনা #NashaMuktYuva হায়বা হেসতেগ শিজিন্নদুনা ক্রিএতিব কন্তেতকি খুত্থাংদা কেম্পেনগী পাওজেল অসি হেন্না পাকথোক চাওথোকহন্নবাা নহাশিংনা সোসিয়েল মিদিয়া শিজিন্নবা হেনগত্লকপগী মতাঙদসু পনখি। মহাক্না নোৎ তৌখি মদুদি কেম্পেন অসিদা পাওজেল, মেদিয়ম অমসুং দ্রাইভিং ইনর্জি অসি নহাশিংনা মশানা লুচিংলি।
কেম্পেন অসিগী মখা তানা আওতরিচকি শরুক অমা ওইনা লাক্কদৌরিবা নুমিৎ খরনি অসিদা নহাশিংগী মরকতা হকচাং ফবা পুন্সী মহিং অমসুং অপুনবা য়াইফ-থৌরাং য়োকখৎনবা হেলথ চেক-অপ অমসুং মেদিতেসন কেম্পগুম্বা থবক থৌরমশিংসু পাঙথোক্কনি।
বিকসিত ভারত অভিয়ানগীদমক নশা মুক্ত য়ুৱা অসি নহাশিংগী মরক্তা এৱেয়রনেশ মপাঙ্গল কনখৎহন্নবা, কম্যুনিতিনা শরুক য়ানবা পুক্নিং থৌগৎনবা অমসুং সব্সতেন্স এব্যুজগী মায়োক্তা পুন্না ৱারেপ অমা লৌনবা নুমিৎ ১০০নিগী লেংদবা খোঙজং অমা ওইনা পায়খৎলি। মাই ভারত, এন.এস.এস., এজুকেস্নেল ইন্সতিত্যুসনশিং অমসুং পার্ত্নর ওর্গনাইজেসনশিংগী খুত্থাংদা কেম্পেন অসিনা ভারতকি নহাশিংগী ইনর্জি অমসুং ক্রিয়েতিবিতি অসি হকচাং ফবা অমসুং দ্রগ-ফ্রী জেনরেসন অমা শেমগৎপগী মায়কৈদা শিজিন্ননবা হোত্নরি।
*****
(রিলিজ আই.দি.: 2316438)
ভিজিতর কাউন্তর : 11