ریونیو  انٹلی جنس کے ڈائریکٹوریٹ (ڈی آر آئی ) نے  آسام اور میزورم میں سرحد پار اسمگلنگ کے خلاف  کارروائی کرتے ہوئے  125,000 کلوگرام سے زیادہ غیر ملکوں سے اسمگل شدہ سپاری  اور 41,000 کلوگرام خشخاش کے بیج ضبط کیے ہیں، جن کی قیمت تقریبا 20.31 کروڑ روپے ہے؛ چار افراد کو گرفتار بھی کیا گیا۔ اسمگل شدہ خشخاش کے بیجوں کی نقل و حمل کے سلسلے میں چار افراد کو گرفتار بھی  کیا گیا ہے ۔

23  اور 24  ستمبر  2026 کو میزورم میں ایک بڑی انٹلیجنس  کارروائی میں ، ڈی آر آئی نے کسٹمز چمپائی ، 14 ویں بٹالین آسام رائفلز اور چمپائی پولیس کی مدد سے ، بھارت - میانمار سرحد سے تقریبا 20 کلومیٹر کے فاصلے پر واقع چمپائی ضلع کے رونتلانگ گاؤں اور اس کے آس پاس کے تین گوداموں کی تلاشی لی ۔ تمام احاطے بند اور خالی پائے گئے ۔ احاطے کی تلاشی کے نتیجے میں 1,25,680 کلوگرام مشتبہ غیر ملکی سپاری برآمد ہوئی،  جن کی قیمت تقریبا 14 کروڑ روپے ہے ۔اسی طرح  25,440 کلو گرام خشخاش کے بیج برآمد کئے گئے، جن کی قیمت 3.81 کروڑ روپے   ہے ۔ ابتدائی تحقیقات سے پتہ چلا کہ یہ سامان میانمار سے بھارت میں اسمگل کیا گیا تھا ۔ یہ سامان کسٹمز ایکٹ 1962 کی دفعات کے تحت ضبط کیا گیا تھا ۔

اس سے قبل 22 ستمبر  2026 کو ، میزورم کے سرحدی علاقے سے آسام کی طرف غیر ملکوں سے اسمگل شدہ خشخاش  کے بیجوں کی نقل و حمل سے متعلق خصوصی خفیہ جانکاری کی بنیاد پر ، ڈی آر آئی کے افسران نے 38 بٹالین آسام رائفلز کی مدد سے ، لیلا پور ، سلچر کے قریب دو ٹرکوں کو روکا ۔ گاڑیوں کی تفصیلی جانچ پڑتال اور تلاشی کے نتیجے میں 290 ایچ ڈی پی ای بیگ برآمد ہوئے،  جن میں 16,257 کلو گرام  اسمگل شدہ خشخاش کے بیج تھے ۔ تھیلوں پر غیر ملکی مینوفیکچرنگ اور تجارت کے نشانات تھے  اور کھیپ کے ساتھ درست درآمدی دستاویزات نہیں تھیں ۔  دو گاڑیوں کے ساتھ تقریبا 2.43 کروڑ روپے مالیت کے خشخاش کے بیج کسٹمز ایکٹ 1962 کے تحت ضبط کیے گئے تھے ۔ اس کے نقل و حمل میں ملوث چار افراد کو گرفتار کیا گیا ۔

ملک کے شمال مشرقی خطے میں حالیہ برسوں میں اجناس کی سب سے بڑی ضبطیوں میں سے ایک ، غیر ملکوں سے  اسمگل شدہ سپاری کی ضبطی ، سرحد پار اسمگلنگ کی روک تھام کے لیے ڈی آر آئی کی کوششوں میں ایک اہم کامیابی ہے ۔

خشخاش کے بیجوں کو غیر ملکی تجارتی پالیسی کی آئی ٹی سی (ایچ ایس) کی درجہ بندی کے تحت "محدود" شے کے طور پر درجہ بند کیا گیا ہے ، جس میں درآمد کی اجازت مخصوص شرائط کے تابع ہے ، اس میں نامزد ممالک سے سورسنگ اور نارکوٹکس کمشنر ، گوالیار کے ساتھ درآمدی معاہدوں کا اندراج شامل ہے۔

یہ ضبطیاں  بھارت  -میانمار کی سرحد سے چلنے والے اسمگلنگ نیٹ ورکس کو روکنے اور ملک میں محدود اور غیر ملکی زرعی اجناس کے غیر قانونی داخلے کو روکنے پر ڈی آر آئی کی مسلسل توجہ کو اجاگر کرتی ہیں ۔

*******

ش ح۔م ع ۔ ق ر

U N-4102

(ریلیز آئی ڈی: 2315020) وزیٹر کاؤنٹر : 6