লৈবাক শিনবা থুংনা মফম ৪৫দা পাংথোকখিবা ২০সুবা রোজগার মেলাদা প্রধান্ মন্ত্রী শ্রী নরেন্দ্র মোদিনা ভিদিও কনফরেন্সিংগী খুৎথাংদা শরুক য়াখি অমসুং নৌনা রিক্রুইৎ তৌরবা নহা ৫১,০০০ হেনবদা এপোইন্তমেন্ত লেতরশিং য়েন্থোকখ্রে।

দি.জি. বৈষ্ণব কোলেজ, চেন্নাইদা পাংথোকখিবা রোজগার মেলাদা ইনফোর্মেসন অমসুং ব্রোদকাস্তিং অমসুং পার্লিয়ামেন্তরি এফেয়রসকি কেন্দ্রগী মন্ত্রী দা. এল. মুরুগন্না শরুক য়াখি৷ মহাক্না তোঙান তোঙানবা কেন্দ্র সরকারগী মন্ত্রালয়শিং, দিপার্তমেন্তশিং, অমসুং ওর্গনাইজেসনশিংগীদমক্তা খনগত্‍‌লবা নৌনা লৌখিবা কেন্দিদেত ২৮৫দা এপোইন্তমেন্ত লেতরশিং য়েন্থোকখি, মসিদা ইনকম তেক্স দিপার্তমেন্ত, ইমপ্লোয়িজ স্তেত ইন্সুরেন্স কোরপোরেসন (ই.এস.আই.সি.), এয়রপোর্তস ওথোরিতি ওফ ইন্দিয়া, দিফেন্স মন্ত্রালয়, দিপার্তমেন্ত ওফ পোস্ত, জৱাহরলাল ইন্সতিত্যুত ওফ পোস্তগ্রেজুএৎ মেদিকেল এজুকেসন এন্দ রিসর্চ (জে.আই.পি.এম.ই.আর. অমসুং সাউদর্ন রেলৱেদা য়াওখি।

থৌরম অদুদা ৱা ঙাংলদুনা কেন্দ্রগী মন্ত্রী দা. এল. মুরুগন্না হায়খি মদুদি সরকারগী থবক্তা নৌনা চংলক্লবা নহাশিংনা ২০৪৭ ফাওবগী মনুংদা বিকসিত ভারতকি মঙলান অদু মংফাওনহনবদা মরুওইবা থৌদাং লৌগনি, মহাক্না রিক্রুইতশিংদা মখোয়গী থৌদাংশিং অসি থবক ফংহনবখক্তদা নত্তনা জাতিগী সেবা তৌনবগী খুদোংচাবা অমা ওইনা য়েংনবা অমসুং মসিগী অপুনবা চাওখৎ-থৌরাংদা মতেং পাংনবা তকশিনখি।

মহাক্না হায়খি মদুদি এপোইন্তমেন্ত লেতর অসি এপোইন্তমেন্ত ওর্দর খক্তমক নত্তে অদুবু জাতিগী সেবা তৌনবগী খুদোংচাবা অমনি, মসিদা সরকারগী ইমপ্লোয়িশিংনা নাগরিকশিংগা ৱারি শানবদা মিহুৎশিং অমসুং সরকারগী মফম অমা ওইনা থবক তৌই হায়না ফোঙদোকখি। মহাক্না অকনবা ৱাফম থমখি মদুদি পুকচেল শেংবা, একাওন্তেবিলিতি, ইম্পেথি অমসুং মিয়াম্না মিওইবা জাতিগী য়াইফনবা ৱাখল্লোন অসি পব্লিক সর্ভিসকি মরুওইবা শরুক অমা ওইদুনা লৈগদবনি।

কেন্দ্র মন্ত্রীনা পনখি মদুদি মেক ইন ইন্দিয়া, স্তকার্ত-অপ ইন্দিয়া, স্তেন্দ-অপ ইন্দিয়া, অমসুং মুদ্রা লোন স্কিম য়াওনা সরকারগী তোঙান তোঙানবা ফ্লেগশিপ ইনিসিয়েতিবশিংনা নহারোলশিং অসি থবক থিবা মিওইশিং ওইবতা নত্তনা থবক পিবা ঙম্বাা ওইনা থোরকপা ঙমহল্লে। মহাক্না ফোঙদোকখি মদুদি সরকারনা পায়খৎলিবা তোঙান তোঙানবা ইনিসিয়েতিবশিংগী মহৈ ওইনা থবক ফংদবগী চাং চাদা ৬ তগী চাদা ৩.২দা হন্থরে।

কেন্দ্রগী মন্ত্রী দা.এল.মুরুগান্না ২০১৪ দা চাওরাক্না ৪০০দা লৈবা লৈবাক অসিদা স্তার্তঅপকি মশিং অসি লাখ ২.৫ হেননা হেনগত্‍‌লে হায়না পনখি, স্তার্তঅপ ফাওন্দরশিংগী মশিং য়াম্লবা মশিং অসি চহি ৩০গী মখাদা লৈবা নহাশিংনি হায়না ফোঙদোকখি।

মহাক্না লেপ্তনা মহৈ তম্বা, অনৌবা তেক্নোলোজিশিং শিজিন্নবা, অমসুং প্রোফেস্নেল স্কীলশিং চাং নায়না অপগ্রেদ তৌবগী মরুওইবশিং অদুসু ফোঙদোকখি। মহাক্না স্পেস তেক্নোলোজি অমসুং এতোমিক ইনর্জিগুম্বা ফ্রন্তিয়ার সেক্তরশিংদা নহাশিংগীদমক্তা হেনগৎলক্লিবা খুদোংচাবশিং অদু ফোঙদোকখি, অদুগাস্পেস, দিফেন্স, এজুকেসন, গবরনান্স, অমসুং পব্লিক এদমিনিস্ত্রেসন য়াওনা সেক্তর খুদিংমক্তা নুপিশিংনা শরুক য়াবা হেনগত্‍‌লকপা অদু পনখি।

কেন্দ্র মন্ত্রীনা মখা তানা হায়খি মদুদি হৌজিক ফাওবদা রোজগার মেলাশিংকি খুত্থাংদা এপোইন্তমেন্ত লেতর লাখ ১২.৭৫ হেন্না য়েন্থোকখ্রে, মসিনা নহাশিংদা থবক ফংহনবগী খুদোংচাবা পিবদা সরকারনা কত্থোকতুনা অকনবা মিত্‍‌য়েং থম্লিবা অদু উৎলি।

মতুংদা মিদিয়াদা ৱা ঙাংলদুনা কেন্দ্রগী মন্ত্রী দা.এল.মুরুগন্না হায়খি মদুদি তমিল নাদুদা লৈবা নভোদ্যা স্কুলশিংনা খুদোংচাদবা অমসুং শেল-থুমগী ফিভম শোত্থরবা মহৈরোয়শিংদা অফবা মহৈ-মশিং তম্বগী খুদোংচাবা ফংহল্লগনি, মখোয়গী মমালোন্দা প্রাইমরি এজুকেসন লাইথোকহল্লগনি, অমসুং মহৈরোয়শিংদা তোঙান তোঙানবা ভারতকি লোলশিং তম্নবগী খুদোংচাবা ফংহল্লগনি।

থৌরম অসিদা ইনকম তেক্সকি পরিন্সিপাল চিফ কম্মীস্নর শ্রী সুনিল বাজপায়, তমিল নাদু & পুদুচেরিগা লোয়ননা অতৈ মকোক থোঙবা ওফিসিএলশিং, রিক্রুইৎশিং, অমসুং মখোয়গী ইমুং মনুংশিং শরুক য়াখি।

*****