انڈین ریلویز نے مغربی ریلوے کے وڈودرا ڈویژن میں الکاپوری کے مقام پر ریاستی حکومت کے ساتھ لاگت میں شراکت کی بنیاد پر کل 166.5 کروڑ روپے کی لاگت سے چار لین والے روڈ اوور برج (آر او بی) کی تعمیر کی منظوری دے دی ہے۔

منصوبے کی کل لاگت انڈین ریلویز اور ریاستی حکومت کے درمیان برابر تقسیم کی جائے گی۔ ریلوے کا حصہ تقریباً 83.2769 کروڑ روپے ہوگا، جبکہ ریاستی حکومت کا حصہ بھی تقریباً 83.2769 کروڑ روپے ہوگا۔

چار لین کا روڈ اوور برج موجودہ سڑک رابطے میں اضافہ کرے گا

وڈودرا ریلوے اسٹیشن کے قریب موجودہ الکاپوری روڈ انڈر برج (آر یو بی) وڈودرا شہر کے الکاپوری اور کالا گھوڑا علاقوں کے درمیان ایک اہم مشرقی-مغربی سڑک کے رابطے کے طور پر کام کرتا ہے۔ تاہم، موجودہ آر یو بی کی عمودی اونچائی صرف 3.0 میٹر کے قریب ہے، جس کی وجہ سے بڑی گاڑیوں کی آمدورفت پر پابندیاں عائد ہوتی ہیں اور مانسون کے دوران بار بار پانی جمع ہو جاتا ہے۔

یہ حدود ٹریفک کے ازدحام، آپریشنل مشکلات اور سڑک استعمال کرنے والوں کی زحمت کا باعث بنتی ہیں۔ چار لین پر مشتمل گریڈ سے الگ یہ روڈ کی سہولت موجودہ روڈ کراسنگ کے نظام کی صلاحیت اور کارکردگی میں اضافہ کرے گی۔

اہم ٹرانسپورٹ کی سہولیات کے لیے بہتر کنیکٹیویٹی

یہ آر او بی  ریلوے کے آپریشنز کو متاثر کیے بغیر ایک بہتر اور زیادہ موثر کراسنگ کی سہولت فراہم کرے گا۔ یہ وڈودرا ریلوے اسٹیشن، جی ایس آر ٹی سی بس اسٹیشن اور آنے والے ہائی اسپیڈ ریل (بلیٹ ٹرین) اسٹیشن کو بھی اہم کنیکٹیویٹی فراہم کرے گا۔

ٹریفک کی بڑھتی ہوئی ضروریات کو پورا کرنا

ٹریفک کے اندازے سے معلوم ہوتا ہے کہ پیک کے اوقات میں ٹریفک 1,600 پی سی یو فی گھنٹہ سے زیادہ ہے، اس کے ساتھ ساتھ ٹریفک کے تصادم کے متعدد پوائنٹس اور پیدل چلنے والوں کے لیے ناپائیدار سہولیات موجود ہیں۔ نتیجے کے طور پر، موجودہ آر یو بی اس علاقے کی موجودہ اور متوقع ٹریفک ضروریات کو پورا کرنے کے لیے ناکافی ہو گیا ہے۔

چار لین کی گریڈ سے الگ یہ سہولت موجودہ آر یو بی کی عملی حدود کو دور کرے گی اور وڈودرا کے اس اہم حصے میں روڈ کنیکٹیویٹی میں اضافہ کرے گی۔

یہ منصوبہ وڈودرا ریلوے اسٹیشن کے ارد گرد کنیکٹیویٹی کو مضبوط کرے گا جبکہ ایک زیادہ موثر کراسنگ کا انتظام فراہم کرے گا اور موجودہ الکاپوری آر یو بی کی حدود کو دور کرے گا۔

*****

ش ح۔ ک ح۔ ف ر

U.No. 4023