ভারত সরকারগী ৱুমেন অমসুং চাইল্দ দিবলপমেন্ত মিনিষ্ট্রিগী সেন্ত্রেল এদোপসন রিছোর্স ওথোরিতি (সি এ আর এ) গী মখাদা, থিম “আইন্না য়াবা মওংদা অঙাং য়োকপা। অঙাংগী পুন্সি অশোই-অঙাম থোকহন্দবা। অফবা তুংলমচৎ লৈহনবা। আইন্না য়াদনা অঙাং য়োকপা য়াদে হায়রি”গী মখাদা, সেপ্তেম্বর ২৩,২০২৬ দা ইম্ফালগী নোর্থ এ.ও.সিদা অঙাং য়োকপগী মতাংদা ৱাখল তাহন্নবা ৱার্কশোপ অমা পাংথোকখ্রে। ৱার্কশোপ অদু মনিপুর সরকারগী সোসিএল ৱেলফিয়ার দিপার্তমেন্ত অমসুং ষ্টেৎ এদোপসন রিছোর্স এজেন্সি (সারা) না পুন্না শীনবনি।

ৱার্কশোপ অদুদা মনিপুরগী সোসিএল ৱেলিফয়ার দিপার্তমেন্তগী দিরেক্তর শ্রী সৈখ অবদুল হকিম, ইম্ফাল ৱেষ্টকী এদিসনেল এস.পি (আই য়ু সি এ দব্লিউ) কে. সুন্দরবাালা; এসিষ্টেন্ত দিরেক্তর, সি.এ.আর.এ রুপাসি পান্দে; এসিষ্টেন্ত দিরেক্তর, সি.এ.আর.এ অনকিতা ভারদ্বাজ অমসুং সেনিয়ার ওফিসিএলশিং অমসুং অঙাং ঙাক-শেনবা অমসুং য়োকপগী থবকশিংগী মরী লৈনবশিং শরুক য়াখি। আইন্না য়াবা, অরোনবা লৈতবা অমসুং অঙাংগী য়াইফনবা খনবা অঙাং য়োকপগী থবকশিংগী মরমদা খঙবা হেনগৎহন্নবা অমসুং আইন্না য়াদনা অঙাং য়োকপগী খুদোংথিবশিংগী মরমদা খঙবা হেনগৎহন্নবা চাউরাক্নবা মরী লৈনবা মীওই ১৫০ রোম ৱার্কশোপতা শরুক য়াখি। 

ৱার্কশোপ অদুদা সোসিএল ৱেলফিয়ার দিপার্তমেন্ত, সি.দব্লিউ.সিশিং, দি.সি.পি.য়ুশিং, এস.এ.এশিং, সি.সি.আইশিং, হেল্থ অমসুং পুলিস দিপার্তমেন্তশিং, জুদিসিয়ারি, লিগেল সর্বিস ওথোরিতিশিং, হোস্পিতালশিং অমসুং লনাই নর্শিং হোমশিং, অসা অমসুং এ.এন.এম ৱার্করশিং, সি.এস.ওশিং অমসুং মেদিয়া অমসুং অতোপ্পা মীহুৎশিং শরুক য়াখি।

ৱার্কশোপ শরুক য়াখিবশিংদা ৱা ঙাংবদা, মনিপুরগী সোসিএল ৱেলিফয়ার দিপার্তমেন্তগী দিরেক্তর শ্রী সৈখ অবদুল হকিমনা হায়খি মদুদি আইন্না য়াদনা অঙাং য়োকপগী থবকশিংদগী অঙাংশিং ঙাকথোক্নবামরী লৈনবশিং পুন্না থবক তৌমিন্নবা য়াম্না মরুওই। এসিষ্টেন্ত দিরেক্তর, সি.এ.আর.এ রুপাসি পান্দেনা হায়খি মদুদি থাক খুদিংমক্ত মিকুপ-নাহুম শিংবা অমসুং পুন্না থবক তৌমিন্নবা দরকার ওই,  আইন্না য়াদনা অঙাং য়োকপগী থবকশিং মাঙজৌননা থিংনবা থাক খুদিংমক্ত মিকুপ-নাহুম শিংবা অমসুং পুন্না থবক তৌমিন্নবা দরকার ওই।

খন্ন-নৈনবগী শরুক অমা ওইনা, ৱার্কশোপ শরুক য়াখিবশিং শরুক মরি থোক্না হায়বদি; পুলিস অমসুং এন্তি-হুমেন ত্রাফিকিং য়ুনিতশিং; সি,এম.ওশিং, হোস্পিতালশিং/লনাই নর্শিং হোমশিং, এন.এন.এমশিং অমসুং অঙ্গনৱাদি ৱার্করশিং; লিগেল/জুদিসিয়ারি অমসুং সি.দব্লিউ.সিশিং; অমসুং সারা, দি.সি.পি.ওশিং, এস.এ.এশিং/সি.সি.আইশিং অমসুং তোপ্পা মরী লৈনবশিং হায়না খায়দোকখি। আইন্না য়ানা অঙাং য়োকপগী ঙাক্লৌ, ৱাখল তাবা অমসুং পুন্না থবক তৌমিন্নবদা লৈরিবা অহোবশিং মশক খঙদোকপগী মতাংদা হৌজিক মখোয়না খাঙলিবশিং ফোঙদোক্নবা মফম অমা খন্ন-নৈনবনা পীখি অমসুং মাঙজৌননা ঙাংথোকপা, মশক খঙদোকপা, পাউ পীবা অমসুং থবক পাংথোকপা হেনগৎহন্নবা থবকশিং খন্নখি।

দিপার্তমেন্তশিংগী মরক্ত পুন্না থবক তৌমিন্নবা, মতম চানা ই-পাউ পীনবা, অঙাং য়োক্নবগী আইনশিং অকনবা মওংদা চৎনহনবগী মরুওইবা পল্লদুনা, কাংবু অমমম্না মরুওইবা ৱাখল্লোনশিং ফোঙদোক্নখি।

এস.এ.এ, ইম্ফালগী মেনেজর/কোওর্দিনেতর শ্রী থিংনাম রোসন সিংহনা অখন্নবা অশেংবা থোকপা থৌদোক পাউদমখি, আইন্না য়াদনা অঙাং য়োকপগী থবকশিং থিংনবা থবক ওইনা পাংথোকপা য়ারবা লৌশিং কয়া ফোঙদোকখি। মতম চানা থবক পায়খৎহৌবা অমসুং অঙাংশিং অশোই-অঙাম থোক্তনবা ফিল্দ-লেবেল চাইল্দ প্রোতেক্সন ওফিসিএলশিংগী মরুওইবা সেনসন অদুদা থমখি।

আইন্না য়াবা অঙাং য়োকপগী থবকশিং পাংথোকপগী মরুওইবা অমসুং আইন্না য়াদনা অঙাং য়োকপগা মরী লৈনবা খুদোংথিবশিংগী মরমদা ৱাখল তাহন্নবা আইন্না য়ানা অঙাং য়োকপগী ফিল্ম অমসু উৎখি। ৱার্কশোপ অদুদা রাজ্যগী বাল ভাবনগী অঙাংশিংগী থৌরম অদু উৎখি, ইমুং-মনুংগী চেকশিনবা অমসুং অঙাংশিংদা অশোই-অঙাম লৈতবা, নুংশিবা অমসুং ইমুং-মনুংগী নুংঙাইবশিং ফংহনবগী মরুওইবগী পাউজেল পীখি। অতেনবা লীলানা ভাবকশিংগা শম্নহনখি অমসুং ৱার্কশোপকী অঙাংদা মীৎয়েং থম্বা পাউজেল হেন্না ফগৎহনখি।

মনিপুরদা পাংথোকখিবা ৱার্কশোপ অসিনা লেপ্তনা ৱাখল তাহনবা, হেন্না পুন্না থবক তৌমিন্নবা অমসুং অঙাং ঙাক-শেনবা অমসুং অঙাং য়োকপগী থবকশিংদা মতম চানা থবক পায়খৎপগী দরকার ওইবা অদু অমুক হন্না মপাঙ্গল কনখৎহল্লে। শরুক য়াখিবশিং মখোয়না পাংথোক্কদবা থৌদাংশিংগী মরমদা ৱাখল তারে অমসুং আইনগী মতুংইন্না অমসুং অঙাংশিং মরুওইনা লৌবগা লোয়ননা অঙাংশিংগীদমক খ্বাইদগী ফবা থবকশিংগা লোয়ননা অঙাং খুদিংমক ঙাক-শেনবগী মরুওইবা অদু খঙলে।

মিকুপ-নাহুম শিংবা হেনগৎহন্নবা, মরী লৈনবশিংগী মরক্ত পুন্না থবক তৌমিন্নবা হেনগৎহন্নবা অমসুং মনিপুরদা আইন্না য়াবা, অশোই-অঙাম লৈতবা অমসুং অঙাংগী য়াইফনবা খনবা অঙাং য়োকপগী থবক খক্ত পুক্নিং থৌগৎনবা অমুক হন্না ৱারেপ লৌবগা লোয়ননা ৱার্কশোপ অদু লোইশিনখ্রে।

***