প্রধানমন্ত্রীগী লোইশঙ
আয়ুর্বেদ নুমীত্তা প্রধান মন্ত্রীনা য়াইফ-পাউজেল পীখ্রে
পি.এম.না আয়ুর্বেদপু হকচাং ফবা অমসুং পুক্নিং-ৱাখল লৈতাবা পুন্সি অমগীদমক মপুং ফাবা সাইন্স অমা ওইনা শন্দোক্না তাক্লিবা সংস্কৃত সুভাসিতম অমা মীয়ামদা শরুক তমখ্রে
থাগৎখিবা:
23 SEP 2026 10:25AM by PIB Imphal
প্রধান মন্ত্রী, শ্রী নরেন্দ্র মোদীনা আয়ুর্বেদ নুমীৎকী থৌরমদা লৈবাক মীয়াম পুম্নমক্তা তরাম্না য়াইফ-পাউজেল পীখ্রে।
ত্রেদিস্নেল মেদিসিনগী মতম চুপ্পগী ওইবা লৌশিং অদু পল্লদুনা প্রধান মন্ত্রীনা হায়খি মদুদি আয়ুর্বেদ অসি লাইয়েংবগী পথাপ খক্তা নত্তে, অদুবু মসি হকচাং ফনা অমসুং পুক্নিং-ৱাখল লৈতাবা পুন্সি মহিংগীদমক মপাঙ্গল কনবা পাম্বৈ অমনি। মহাক্না মীপুম খুদিংমকপু মসিগী ফজরবা হেরিতেজ অসিবু লৌৎখৎনবা মখোয়গী ৱারেপ অদু মপাঙ্গল কনখৎহন্নবা হায়খি। থৌরম অসিদা, শ্রী মোদীনা আয়ুর্বেদকী মপুং ফাবা মওং-মতৌ অদুবু শন্দোক্না তাক্লিবা সংস্কৃত সুভাসিতম অমসু মীয়ামদা শরুক তমখি।
প্রধান মন্ত্রীনা Xতা অসুম্না পোস্ত তৌখি;
“লৈবাক মীয়া পুম্নমক্তা আয়ুর্বেদ নুমীৎকী থম্মোয় শেংবা য়াইফ-পাউজেল পীজরি! আয়ুর্বেদ অসি লায়েংবগী পথাপ খক্তা নত্তে, অদুবু মসি হকচাং ফবা ফনা অমসুং পুক্নিং-ৱাখল লৈতাবা পুন্সি মহিংগীদমক মপাঙ্গল কনবা পাম্বৈ অমনি। লাক্লো, ঐখোয়গী ফজরবা হেরিতেজ অসি শৌগৎনবা ফিরেপ অসি হেন্না মপাঙ্গল কনখৎহনসি।
हिताहितं सुखं दुःखमायुस्तस्य हिताहितम्।
मानं च तच्च यत्रोक्तमायुर्वेदः स उच्यते।।"
মীওইবা জাতিগীদমক করিগুম্বা মখলগী পুন্সি মহিংনা কান্নবা নত্রগা অমাংবা পীবগে, নুংঙাইবা নত্রগা নুংঙাইতবা পুন্সি অমা করিনা শেম্বগে, হকচাং ফবা পুন্সি অমা অমসুং অনাবা পুন্সি অমগী মরক্তা লৈরিবা খেন্নবা অদু খঙহনবা, অমসুং শাংবা অমসুং হকচাং ফবা পুন্সি অমগীদমক করি লৌখৎকদবগে নত্রগা করি থাদোক্কদবগে অমসুং মসিদা পুন্সিগী মওং-মতৌ অমসুং হিংবগী মতমগী মতাংদসু কুপ্না খন্ন-নৈনরিবা সাইন্স অদুবু আয়ুর্বেদ হায়না কৌই।
*****
(রিলিজ আই.দি.: 2313806)
ভিজিতর কাউন্তর : 3
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Assamese
,
Gujarati
,
Tamil
,
Telugu
,
Kannada
,
Malayalam