આંતર-એજન્સી સમન્વયને મજબૂત કરવા અને ઈન્ફ્રાસ્ટ્રક્ચર વિકાસને ઝડપી બનાવવા માટે, નેશનલ હાઇવે ઓથોરિટી ઓફ ઇન્ડિયા (NHAI) અને સરદાર સરોવર નર્મદા નિગમ લિમિટેડ (SSNNL) એ સમગ્ર ગુજરાત રાજ્યમાં નેશનલ હાઇવે, કેનાલ અને પાઇપલાઇન ક્રોસિંગ માટે મંજૂરીઓ આપવા માટે એક સરળીકૃત અને સમયબદ્ધ માળખું સ્થાપિત કરવા માટે એક સમજૂતી કરાર (MoU) પર હસ્તાક્ષર કર્યા. MoU નો ઉદ્દેશ્ય આંતર-વિભાગીય સમન્વયને મજબૂત કરવાનો, ઝડપી મંજૂરીઓને સરળ બનાવવાનો અને નેશનલ હાઇવે તથા સિંચાઈ ઈન્ફ્રાસ્ટ્રક્ચર પ્રોજેક્ટ્સનું નિર્બાધ અમલીકરણ સુનિશ્ચિત કરવાનો છે. MoU પર પ્રાદેશિક અધિકારી-ગાંધીનગર, NHAI અને મુખ્ય ઈજનેર (QC, Tech. & CPC), SSNNL દ્વારા ગાંધીનગર, ગુજરાત ખાતે SSNNL ના નિયામકો અને અન્ય અધિકારીઓની ઉપસ્થિતિમાં હસ્તાક્ષર કરવામાં આવ્યા હતા.

આ MoU ની એક મુખ્ય વિશેષતા એ કરાર હેઠળ આવરી લેવાયેલા તમામ નેશનલ હાઇવે, કેનાલ અને પાઇપલાઇન ક્રોસિંગ માટે NHAI અને SSNNL દ્વારા વિવિધ ફી, શુલ્ક (charges) અને અન્ય લેવીસ (levies) ની પરસ્પર માફી છે. આ જોગવાઈ પ્રોજેક્ટ ખર્ચ ઘટાડવામાં, નિવારી શકાય તેવી વ્યવહારિક આડચણોને દૂર કરવામાં અને ઈન્ફ્રાસ્ટ્રક્ચર વિકાસની ગતિને ઝડપી બનાવવા માટે સરકારી ભંડોળના ઉપયોગને શ્રેષ્ઠ બનાવવામાં મદદ કરશે.

આ MoU પ્રોજેક્ટ માહિતીનું વહેલું આદાન-પ્રદાન, પ્રમાણભૂત ઈજનેરી પદ્ધતિઓનો સ્વીકાર તેમજ ક્રોસિંગ સ્ટ્રક્ચર્સના નિર્માણ અને જાળવણી માટે સ્પષ્ટપણે વ્યાખ્યાયિત જવાબદારીઓ માટેનું એક માળખું પણ રજૂ કરે છે. આ પગલાં વધુ સારા પ્રોજેક્ટ આયોજનને સરળ બનાવશે અને ગુણવત્તા અને કામગીરીની ક્ષમતાના ઉચ્ચ ધોરણોનું પાલન સુનિશ્ચિત કરશે.

આ MoU NHAI અને SSNNL વચ્ચે વધુ ગાઢ સમન્વયને પ્રોત્સાહન આપીને ગુજરાતમાં સંકલિત ઈન્ફ્રાસ્ટ્રક્ચર આયોજનને પ્રોત્સાહિત કરવામાં એક મહત્વપૂર્ણ સીમાચિહ્ન દર્શાવે છે. આ સહયોગી માળખું ગુજરાતમાં નેશનલ હાઇવે અને સિંચાઈ ઈન્ફ્રાસ્ટ્રક્ચર બંને પ્રોજેક્ટ્સના અમલીકરણને ઝડપી બનાવશે, જ્યારે કાર્યક્ષમતા, અમલીકરણની સમયમર્યાદામાં સુધારો કરશે અને પ્રોજેક્ટ અમલીકરણ સાથે સંકળાયેલા એકંદર નાણાકીય બોજને ઘટાડશે.

ઝડપી મંજૂરીઓને સક્ષમ કરીને અને સમન્વયને મજબૂત બનાવીને, MoU વિશ્વસ્તરીય ઈન્ફ્રાસ્ટ્રક્ચર વિકસાવવાની NHAI ની પ્રતિબદ્ધતાને પુનઃપુષ્ટ કરે છે જે માત્ર કનેક્ટિવિટી જ નહીં પરંતુ આર્થિક વિકાસને પણ ટેકો આપે છે.

SM/JY/JD