કાઉન્સિલ ઓફ સાયન્ટિફિક એન્ડ ઇન્ડસ્ટ્રીયલ રિસર્ચ (CSIR), વિજ્ઞાન અને પ્રૌદ્યોગિકી મંત્રાલયે, યુવા બાબતોના વિભાગ, યુવા બાબતો અને રમતગમત મંત્રાલયના સહયોગથી, CSIRના 85મા સ્થાપના દિવસની ઉજવણીના ભાગરૂપે Mera Yuva Bharat પોર્ટલ પર CSIR સાયન્સ એન્ડ ઇનોવેશન ક્વિઝ (CSIR SciQuiz) નો પ્રારંભ કર્યો છે.

આ ક્વિઝ 20–26 સપ્ટેમ્બર 2026 દરમિયાન યોજાઈ રહી છે અને તે તમામ ભારતીય નાગરિકો માટે ખુલ્લી છે. ક્વિઝમાં બહુવિકલ્પ પ્રશ્નોનો સમાવેશ થાય છે અને તેમાં CSIRની વૈજ્ઞાનિક સિદ્ધિઓ, ટેકનોલોજીઓ, નવીનતાઓ, સંસ્થાઓ અને સમાજ તથા રાષ્ટ્રમાં યોગદાન પર આધારિત પ્રશ્નો રજૂ કરવામાં આવ્યા છે.

પ્રશ્નો CSIRના કામના વિવિધ ક્ષેત્રોને આવરી લે છે, જેમાં આરોગ્યસંભાળ, કૃષિ, પર્યાવરણ, માળખાકીય સુવિધાઓ, ઊર્જા, એરોસ્પેસ, બાયોટેકનોલોજી અને વ્યૂહાત્મક ટેકનોલોજીનો સમાવેશ થાય છે, જે દર્શાવે છે કે CSIR સંશોધનને સમાજ અને ઉદ્યોગ માટેના ઉકેલોમાં કેવી રીતે પરિવર્તિત કરવામાં આવી રહ્યું છે.

આ પહેલનો ઉદ્દેશ્ય વૈજ્ઞાનિક જાગરૂકતા, ઉત્સુકતા અને વિજ્ઞાન સાથે જાહેર જોડાણને પ્રોત્સાહન આપવાનો છે, ખાસ કરીને યુવાનોમાં, સાથે દેશની અગ્રણી સંશોધન પ્રયોગશાળાઓના નેટવર્ક વિશે જાણવા માટે એક ઇન્ટરેક્ટિવ મંચ પૂરો પાડવાનો છે. તે સહભાગીઓને CSIRની વૈજ્ઞાનિક સિદ્ધિઓ, ટેકનોલોજીઓ, નવીનતાઓ અને રાષ્ટ્ર-નિર્માણમાં યોગદાન વિશે જાણવાની એક આકર્ષક તક પૂરી પાડે છે.

આ પહેલના ભાગરૂપે, સહભાગીઓને તેમની રસ ધરાવતી CSIR પ્રયોગશાળાની એક દિવસીય મુલાકાત જીતવાની ઉત્સાહજનક તક પણ મળે છે, જે દેશના વૈજ્ઞાનિક સંશોધન અને નવીનતા ઇકોસિસ્ટમનો પ્રત્યક્ષ અનુભવ પૂરો પાડે છે.

CSIR SciQuiz શ્રેણી સપ્ટેમ્બરના સત્ર પછી પણ ચાલુ રહેશે, જેમાં આવનારા મહિનાઓમાં માય ભારત પોર્ટલ પર CSIRના સંશોધન, નવીનતાઓ અને સિદ્ધિઓના વિવિધ પાસાઓને રજૂ કરતી વધુ ક્વિઝ સત્રોનું આયોજન કરવામાં આવ્યું છે.

આ પહેલ નાગરિકોને એક્સપ્લોર કરો. શીખો. સ્પર્ધા કરો. અને જીતો (Explore. Learn. Compete. and Win) અને વિજ્ઞાન તથા નવીનતાને સમાજની વધુ નજીક લઈ જવાની CSIRની સતત સફરનો ભાગ બનવા માટે આમંત્રિત કરે છે.

ભાગ લેવા માટેની લિંક: https://mybharat.gov.in/quizzes/yuva/

SM/BS/JD

(રીલીઝ આઈડી: 2313044) મુલાકાતી સંખ્યા : 12