প্রধানমন্ত্রীগী লোইশঙ
প্রধান মন্ত্রীনা রাস্ত্রপতী দ্রৌপদি মুর্মুগী মফমদা মপোক নুমিৎকী য়াইফ-পাউজেল পীরকপগী থাগৎপা ফোঙদোকখ্রে
থাগৎখিবা:
17 SEP 2026 8:00PM by PIB Imphal
প্রধান মন্ত্রী শ্রী নরেন্দ্র মোদীনা ইকায়খুম্নরবা রাস্ত্রপতি দ্রৌপদি মুর্মুবু মহাক্কী মপোক নুমিৎকী য়াইফ-পাউজেল পীরকপগীদমক থাগৎপা ফোঙদোকখ্রে। মাঙদা চঙশৎনবা, নুংঙাই য়াইফবা, মরোমদোম লেপচবা ঙম্বা অমদি চাওখৎলবা ভারত অমা শেম্নবগী ফিরেপকা লোয়ননা লৈবাক অসিনা অনৌবা পাঙ্গল অমদি খোঙজেলগা লোয়ননা লেপ্পা লৈতনা মাঙদা চঙশিল্লি হায়না শ্রী মোদীনা হায়খি। লৈবাক শেমগৎপগী খোঙচৎ অসিদা ইকায়খুম্নরবা রাস্ত্রপতীনা পীবিরিবা লমজিং অমসুং পুক্নিং থৌগৎপিরিবা অসি মমল নাইদে অমসুং মীয়ামগী থৌগল তৌনবা হোৎনবদা অহেনবা পাঙ্গল হাপ্লি হায়না শ্রী মোদীনা ফোঙদোকখি।
শ্রী মোদীনা X তা থাগৎলকখি:
ইকায় খুম্নরবা রাস্ত্রপতী শ্রীমতী দ্রৌপদি মুর্মু জী, অদোমগী থম্মোয়নুংদগী পীবিরকপা য়াইফ-পাউগেলজীদমক থাগৎচবা ফোঙদোকচরি। খুমাঙ চাওশিনবা, অকনবা, মরোমদোম লেপচবা অমসুং চাউখৎলবা ভারত অমা শেমগৎপগী ফিরেপকা লোয়ননা ঐখোয়না অনৌবা পাঙ্গলগা লোয়ননা অমসুং খোঙজেল য়াঙশিন্না মতম পুম্নমক্তা মাঙলোমদা চঙশিল্লি।
লৈবাক শেমগৎপগী খোঙচৎ অসিদা ইকায়খুম্নরবা রাস্ত্রপতীনা পীবিরিবা লমজিং অমসুং পুক্নিং থৌগৎপিরিবা অসি মমল নাইদে। মখোয়না মীয়ামগী থৌগল তৌনবা হোৎনবদা অহেনবা পাঙ্গল হাপ্লি। মীয়াম্না শরুক য়াদুন ভারতকী ইনাক খুল্লবা পারী পুরীগী লন অমসুং মতমসিগী শেমগৎ শাগৎপগা পুনশিন্নদুনা ঐখোয়না লৈবাক অসিবু হেন্না ৱাংবা পন্দোল তম্না পুখৎনবা থবক পায়খৎপদা মপুং ফাবা ঙমহল্লি।
@rashtrapatibhvn
***
(রিলিজ আই.দি.: 2312904)
ভিজিতর কাউন্তর : 8
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam