ભારતીય નૌકાદળના નેક્સ્ટ જનરેશન મિસાઈલ વેસલ (NGMV) પ્રોજેક્ટના પ્રથમ જહાજનો કીલ લેઇંગ સમારોહ 18 સપ્ટેમ્બર 2026ના રોજ કોચીન શિપયાર્ડ લિમિટેડ (CSL), કોચી ખાતે યોજાયો હતો. કંટ્રોલર ઓફ વોરશિપ પ્રોડક્શન એન્ડ એક્વિઝિશન વાઇસ એડમિરલ સંજય સાધુ મુખ્ય અતિથિ તરીકે ઉપસ્થિત રહ્યા હતા. આ પ્રસંગે ભારતીય નૌકાદળ અને CSLના વરિષ્ઠ અધિકારીઓ પણ ઉપસ્થિત રહ્યા હતા.

NGMVsના નિર્માણ માટેનો કરાર માર્ચ 2023માં CSL સાથે કરવામાં આવ્યો હતો. NGMVને અત્યાધુનિક હથિયારો અને સેન્સર્સથી સજ્જ કરવાનું આયોજન છે, જે 'ફ્યુચર રેડી અને કોમ્બેટ રેડી ફોર્સ' તરીકે ભારતીય નૌકાદળની લડાયક ક્ષમતાઓમાં નોંધપાત્ર વધારો કરશે.
NGMVનું નિર્માણ હિંદ મહાસાગર ક્ષેત્રના જટિલ દરિયાઈ વાતાવરણમાં કાર્ય કરવા માટે સક્ષમ, એક મજબૂત અને આધુનિક નૌકાદળના નિર્માણ માટેની ભારતની પ્રતિબદ્ધતાને પુનરોચ્ચારિત કરે છે.

આ પ્રોજેક્ટ ભારતીય સંરક્ષણ ઉદ્યોગની વધતી જતી સ્વદેશી ક્ષમતાઓને પણ દર્શાવે છે, જેમાં તમામ મોટી ભૂમિકા-વ્યાખ્યાયિત સિસ્ટમો અને ઉપકરણો સ્વદેશી રીતે વિકસાવવામાં અને ઉત્પાદિત કરવામાં આવી રહ્યા છે. આ ભારત સરકારના (GoI) આત્મનિર્ભર ભારત, મેક ઇન ઇન્ડિયા અને મેક ફોર ધ વર્લ્ડના વિઝનને અનુરૂપ છે.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad