জি.২০ ইনর্জী এবন্দেন্স মিনিস্তরিএল মীফমদা শরুক য়ানবা য়ু.এস.এ.গী হ্যুস্তন্দা লৈরিবা পৱার অমসুং হাউজিং অমসুং অর্বান এফিয়র্সকী কেন্দ্রগী মন্ত্রী শ্রী মনোহর লালনা সেপ্তেম্বর ১৩, ২০২৬তা ভারতকী নাৎকী ওইবা মরী, মহৌশাগী ফিভম অমসুং অনৌবা লমশিংদা ভারত-য়ু.এস.না তেংবাংনবা হেনগৎহনবগী থৌদাং লৌবগী মমি তাবা থবক কয়া অমা পাংথোকখ্রে।

ইন্তর্নেস্নেল হিন্দি এসোসিয়েসন - হ্যুস্তন চেপ্তরগা খুৎশম্নদুনা হ্যুস্তন্দা লৈবা ভারতকী কন্সুলেত জেনরেলনা শিন্দুনা পাংথোকপা হিন্দি দিবস ২০২৬কী থৌরমদা (১৩/০৯/২০২৬) শ্রী মনোহর লাল শরুক য়াখ্রে। মীফম অসিনা হিন্দীগী মগুন, ইনক্লুসিবিতী অমসুং ভাইব্রেন্সীবু শিংথানখি অমসুং লমদম অসিগী হিন্দী পামজবশিংবু পুনশিনখি। শ্রী মনোহর লালনা মীয়াম তিনখিবা অদুদা ৱা ঙাংখি অমসুং হিন্দী প্রমোৎ তৌনবা অমসুং ভারত অমসুং ইন্দিয়ন দাইস্পোরাগী মরক্তা কলচরেল বোন্দশিং মপাঙ্গল কনখৎহন্নবা হোৎনরিবা অদু থাগৎপা ফোংদোকখি।

শ্রী মনোহর লালনা ভারতকী কন্সুলেত জেনরেলদা চৎপদা "এক পের মা কে নাম"গী থৌরাংগী মখাদা উ পাম্বী অমা থাখি। প্লান্তেসন অসিনা কন্সুলেত্তা 'স্বচ্ছতা হী সেবা ২০২৬'কী হৌরকপসু ওইখি। মসি মীয়ামগী শরুক য়াবা অমসুং অকোয়বগী ফিভমদা থৌদাং লৌবগী মগুনশিংবু মপাঙ্গল কনখৎহন্দুনা 'স্বচ্ছতা মে সহভাগ, স্বচ্ছ ভারত, বিক্সিত ভারত' হায়বা থীমগা লোয়ননা পাংথোক্লিবা নেস্নেল কেম্পেনগী শরুক অমনি।

নুমিৎ অদুদা (১৩/০৯/২০২৬) শ্রী মনোহর লালনা হ্যুস্তন্দা লৈবা নাসাগী জোন্সন স্পেস সেন্তরদসু চৎখি। মহাক্না ফেসিলিতী অদুদা চৎখি অমসুং স্পেস সেক্তরদা ভারত-য়ু.এস. কোলাবোরেসন মখা তানা মপাঙ্গল কনখৎহন্নবগী খুদোংচাবশিং অদুদা খন্ন-নৈনখি। শ্রী মনোহর লালনা মি. ৱিলিয়ম তি. হেরীস, প্রসিদেন্ত অমসুং সি.ই.ও., স্পেস সেন্তর হ্যুস্তনবু নুংশি-চান্ননা তরাম্না ওকপগীদমক অমসুং মহাক্কী খোংচৎ মনুংদা মহাকপু মশানা লমজিংবীবগীদমক থাগৎপা ফোংদোকখি।

নুমিদাংৱাইরমদা (১৩/০৯/২০২৬) শ্রী মনোহর লালনা হ্যুস্তনগী ইন্দিয়া হাউসতা ভারত মচাশিংগা লোয়ননা পাংথোকপা মীয়ামগী ওইবা রিসেপ্সন অমদা শরুক য়াখি। প্রোফেস্নেলশিং, ইন্তরপ্রিনরশিং, মহৈরোইশিং, কলচরেল লিদরশিং অমসুং রিজনেল এসোসিএসনশিংগী মীহুৎশিং য়াওনা কম্ম্যুনিতীগী তোঙান তোঙানবা কাংলুপশিংনা রিসেপ্সন্দা শরুক য়াখি। কন্সুল জেনরেল শ্রী দি.সি. মঞ্জুনাথনা শ্রী মনোহর লালবু তরাম্না ওকখি অমসুং জি.২০ ইনর্জী এবন্দেন্স মিনিস্ত্ররিএল মীফমগীদমক মহাক্কী খোঙচৎ মনুংদা ইন্দিয়ন দাইস্পোরাগা ৱারী শানবগীদমক থাগৎপা ফোংদোকখি।

হরিৎনা রিপ্রজেন্ত তৌরিবা হরিয়ানভি কম্ম্যুনিতীনা শ্রী মনোহর লালগা ৱারী শানখি। ভারত অমসুং য়ুনাইতেদ স্তেৎসকী মরক্তা মপাঙ্গল কনখৎপা অমসুং মতম চুপ্পগী ওইনা মীয়ামগী মরক্তা লৈনরিবা মরী অমসুং লৈবাক অসিগী শেন্মিৎলোন, চৎনবী অমসুং খুন্নাইগী ওইবা মওং-মতৌদা ভারতকী মপান লমদগী লাকপা মীওইশিংনা পীরিবা মমল য়াম্লবা তেংবাং অদু মন্ত্রীনা থাগৎখি।

সেপ্তেম্বর ১৩, ২০২৬তা পাংথোকখিবা এঙ্গেজমেন্তশিং অসিনা জি.২০ কোওপরেসন, কলচরেল অমসুং পিপল-তু-পিপল লিঙ্কশিং, এনভাইরনমেন্ত রেস্পোন্সিবিলিতি অমসুং এদভান্স তেক্নোলোজী অমসুং স্পেসতা কোলাবোরেসন য়াওনা ভারত-য়ু.এস.কী মরীশিংগী মল্তিফেসেতেদ দিমেন্সনশিং উৎলি।

লাক্কদৌরিবা নুমিৎ অহুম অসিদা (সেপ্তেম্বর ১৪-১৬, ২০২৬) মিনিস্তরনা জি-২০ ইনর্জী এবন্দেন্স মিনিস্তরিএল মীফমদা শরুক য়াগনি। মীফম অসিদা মিনিস্তরশিং অমসুং জি-২০ মেম্বরশিংগী মকোক থোংবা মীহুৎশিংনা ইনর্জী সেক্যুরিতী, শেল চঙবা হন্থবা, এক্সেসিবিলিতী অমসুং মালেমগী ইনর্জী লেন্দস্কেপ শেমগৎ-শাগৎপগী মরুওইবা হিরমশিংদা খন্ন-নৈনবগীদমক পুনশিনগনি। ভারতনা শরুক য়াবা অসিনা কন্সত্রক্তিব ইন্তর্নেস্নেল কোওপরেসন অমসুং সেক্যুর, থাজবা য়াবা, শেল চংদবা অমসুং সস্তেনেবল ইনর্জীগীদমক্তা সোলুসনশিং পুথোকপদা ভারতনা কত্থোকপা অদু উৎলি।

***