প্রধানমন্ত্রীগী লোইশঙ
প্রধান মন্ত্রীনা ব্রিক্স সম্মিতকী নাকলদা রসিয়ন ফেদরেসনগী রাস্ত্রপতিগা উনখ্রে
থাগৎখিবা:
11 SEP 2026 5:28PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি নই দিল্লীদা পাংথোকপা ১৮শুবা ব্রিক্স সম্মিতকী মনুংদা রসিয়ন ফেদরেসনগী রাস্ত্রপতি, ঐচ.ই. ভ্লাদিমির পুতিনগা উনখ্রে। মসি চহি অসিদা মখোয়গী অনিশুবা মীফমনি। লুচিংবা অনিনা ২০২৬গী ওগস্ত ৩১দা ২৬শুবা এস.সি.ও. সম্মিতকী নাকলদা বিশকেক্তা মমাংদা উনখ্রে।
লুচিংবা অনিনা রাজনিতী, শেন্মিৎলোন, ঙাকশেল, ইনর্জী, স্পেস, স্কিল মোবিলিতী অমসুং মীয়ামগী মরক্তা নকশিন্ননবা লমশিংদা লৈবাক অনিগী ওইবা মতেং পীনবগী প্রোগ্রেস অদু য়েংশিনখি। ২০২৬গী সেপ্তেম্বর ৯-১১ ফাওবদা ভারত্তা অহানবা ওইনা পাংথোকখিবা রসিয়াগী ইন্তর্নেস্নেল ইন্দস্ত্রীয়েল একজিবিসন “ইন্নোপ্রম ইন্দিয়া”বু মখোয়না তরাম্না ওকখি অমসুং ললোন-ইতিক অমসুং ইন্দস্ত্রীয়েল লিঙ্কশিং হেন্না পাকথোক চাউথোকহনবদা মসিগী মরুওইবা অদু ফোংদোকখি। লুচিংবা অনিমক্না ইনোপ্রোম ইন্দিয়া এক্সিবিসনদসু চৎখি অমসুং শরুক য়ারিবশিংগা ৱারী শানখি।
লুচিংবা অনিনা মল্তিলেতরেলগী লমদা ভারত-রসিয়াগী মরক্তা, মরু ওইনা ২০২৬ ফাওবদা ভারতনা লুচিংবা ব্রিক্সকী মতাংদা ৱাখল্লোনশিং ফোংদোক্নখি। মখোয়না ম্যুচেল ইন্তরেস্তকী মরুওইবা রিজনেল অমসুং গ্লোবেল ইসুশিংদা মখোয়গী ৱাখল্লোনশিংশু ফোংদোক্নখি, মসিদা মেরিতাইম ত্রেদ অমসুং ভারতকী সমুদ্রগী মীওইশিংগী সেফতী অমসুং সেক্যুরিতীদা শাফু পীরিবা নোংচুপ থংবা এসিয়া অমসুং ব্লেক সী রিজনদা থোক্লিবা কনফ্লিকশিং য়াওরি। প্রধান মন্ত্রীনা অমুক্কা হন্না ফোংদোকখি মদুদি ৱারী শানবা অমসুং দিপ্লোমেসী অসি অয়েৎপা কয়া কোকহন্নবা মাংলোমদা চংশিনবা পাম্বৈনি অমসুং শান্তিগী থৌরাংশিংদা মতেং পাংনবা ভারতনা শেম-শারি।
লুচিংবা অনিনা লৈবাক অনিগী মরক্তা লৈরিবা অখন্নবা অমসুং প্রিভিলেজ স্ত্রেতেজিক পার্তনরশিপ অসি মখাতানা চেৎশিনহন্নবা হোৎনবদা লেপ্তনা শরুক য়ানবা য়ানখি, মসিনা জিওপোলিতিকেলগী ওইরিবা তংদাংবা লৈতবা ফীভমশিং অসিগী মরকসিদা ফাওবা শিংথংনিংঙাই ওইবা মওংদা লেপ্তনা চাউখৎলক্লি অমসুং অচেৎপা ফীভম উৎলি।
রাস্ত্রপতি পুতিননা ২৪শুবা ভারত-রাসিয়া চহিগী সম্মিত্তা শরুক য়ানবা প্রধান মন্ত্রীবু রসিয়াদা লাক্নবা চেবাউ পীখি। প্রধান মন্ত্রীনা চেবাউ অসিবু তরাম্না য়াখি। মীফমগী তাংশিং অসি দিপ্লোমেতিক চেনেলশিংগী খুত্থাংদা নাকল অনিমক্কী খুদোংচাবগী মতুং ইন্না লেপকনি।
**********
(রিলিজ আই.দি.: 2309969)
ভিজিতর কাউন্তর : 5
রিলিজ অসি মসিদা পাবীয়ু:
Marathi
,
English
,
Urdu
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam